វៀតណាម និងចិន សហការគ្នាប្រយុទ្ធប្រឆាំងឧក្រិដ្ឋកម្មឆ្លងដែន

លោក Cai Qi បានវាយតំលៃខ្ពស់ចំពោះការអភិវឌ្ឍទំនាក់ទំនង កិច្ចសហប្រតិបត្តិការរវាងបក្សទាំងពីរ និងប្រទេសទាំងពីរលើគ្រប់វិស័យ ក្នុងស្មារតី នៃទំនាក់ទំនងភាពជា​ដៃគូសហប្រតិបត្តិការយុទ្ធសាស្ត្រគ្រប់ជ្រុងជ្រោយ។

លោកនាយឧត្តមសេនីយ៍ To Lam បានសង្កត់ធ្ងន់ថា វៀតណាមមានសេចក្តីសោមនស្សរីករាយចំពោះសមិទ្ធិផលដ៏ធំធេងដែលប្រទេស​ចិនសម្រេចបាននាពេលថ្មីៗនេះ ហើយតែងតែចងចាំជានិច្ចនូវការគាំទ្រដ៏ធំធេង និងអស់ពីចិត្តរបស់បក្ស រដ្ឋ និងប្រជាជនចិន​​​ក្នុងការតស៊ូដើម្បីឯករាជ្យជាតិ កាលពីមុននេះ ក៏ដូចក្នុងការងារកសាង និងអភិវឌ្ឍន៍ប្រទេសវៀតណាមនា​សព្វថ្ងៃ។

លោកនាយឧត្តមសេនីយ៍ To Lam និងលោក Cai Qi

នារសៀលថ្ងៃដដែល នៅទីក្រុងប៉េកាំង លោកនាយឧត្តមសេនីយ៍ To Lam និងលោក Wang Xiaohong រដ្ឋមន្ត្រីក្រសួងនគរបាលចិន បានអញ្ជើញជាសហប្រធាននៃកិច្ចប្រជុំថ្នាក់រដ្ឋមន្ត្រីលើកទី ៨ ស្តីពីការប្រយុទ្ធប្រឆាំងបទឧក្រិដ្ឋកម្មរវាងនគរបាលនៃប្រទេសទាំងពីរ។

ក្រសួងនគរបាលនៃប្រទេសទាំងពីរបានអះអាងថានឹងបន្តសហការដើម្បីធានាសន្តិសុខ និងសុវត្ថិភាព នៃបណ្ដាព្រឹត្តិការណ៍នយោបាយសំខាន់ៗ​ដែលធ្វើឡើងនៅក្នុងប្រទេសនីមួយៗ និងបំពេញការងារបានល្អក្នុងការការពារប្រជាពលរដ្ឋ បន្តសហការ និងប្រយុទ្ធប្រឆាំងប្រកបដោយប្រសិទ្ធភាពចំពោះ​ឧក្រិដ្ឋកម្មឆ្លងដែន ដូចជាឧក្រិដ្ឋកម្មព្រហ្មទណ្ឌ គ្រឿងញៀន សេដ្ឋកិច្ច ការជួញដូរមនុស្ស និងការក្លែងបន្លំតាមរយៈទូរគមនាគមន៍ និងបណ្តាញអ៊ីនធឺណេត ព្រមទាំងតាមចាប់ និងបញ្ជូនឧក្រិដ្ឋជនត្រឡប់មកមាតុប្រទេសវិញ បង្កើនសកម្មភាពសម្របសម្រួលក្នុង​ការ​យាម​ល្បាត ត្រួតពិនិត្យយ៉ាងតឹងរ៉ឹងនូវសកម្មភាពចេញចូលព្រំដែន...

បកប្រែដោយ Duy Hoan