វៀតណាម-ណាមីប៊ី ចែករំលែកសក្តានុពលសម្រាប់កិច្ចសហប្រតិបត្តិការលើវិស័យការពារជាតិទ្វេភាគី

នៅក្នុងជំនួបនេះ លោកឧត្តមសេនីយ៍ឯក Hoang Xuan Chien បានសង្កត់ធ្ងន់ថា វៀតណាមអនុវត្តយ៉ាងខ្ជាប់ខ្ជួននូវគោលនយោបាយការបរទេសឯករាជ្យ ស្វ័យភាព ដើម្បីសន្តិភាព មិត្តភាព កិច្ចសហប្រតិបត្តិការ និងអភិវឌ្ឍន៍ ពហុភាគីភាវូបនីយកម្ម និងពិពិធកម្មទំនាក់ទំនងកិច្ចការបរទេស ជាមិត្តភ័ក្តិ ជាដៃគូដែលអាចទុកចិត្តបាន និងជាសមាជិកសកម្ម និងមាន​ការ​​ទទួលខុសត្រូវ​នៃសហគមន៍អន្តរជាតិ។ វៀតណាមតែងតែវាយតម្លៃខ្ពស់ និងមានបំណងចង់ជំរុញទំនាក់ទំនងមិត្តភាព និងកិច្ចសហប្រតិបត្តិការជាមួយបណ្តាប្រទេសអាហ្វ្រិកនិយាយរួម និងណាមីប៊ីនិយាយដោយឡែក លើទាំងក្រប​ខ័ណ្ឌ​ទ្វេភាគី និងពហុភាគី រួមទាំងក្នុងកិច្ច​​សហប្រតិបត្តិការលើវិស័យការពារជាតិផងដែរ។

លោកឧត្តមសេនីយ៍ឯក Hoang Xuan Chien ទទួលជួបជាមួយលោក Katoma Leevi Shiimi

លោកឧត្តមសេនីយ៍ឯក Hoang Xuan Chien បានឲ្យដឹងថា ទោះបីជាក្រសួងការពារជាតិនៃប្រទេសទាំងពីរមិនទាន់បង្កើតកិច្ចសហប្រតិបត្តិការលើវិស័យការពារជាតិជាផ្លូវការក៏ដោយ ក៏ក្រសួងការពារប្រទេសវៀតណាមតែងតែត្រៀមខ្លួនជាស្រេចក្នុងកិច្ចសហប្រតិបត្តិការជាមួយប្រទេស Namibia លើវិស័យសក្តានុពលដូចជា ការផ្លាស់ប្តូរគណៈប្រតិភូ ការបណ្តុះបណ្តាល ពេទ្យយោធា ស្របតាមទំនាក់ទំនងទូទៅនៃប្រទេសទាំងពីរ បំពេញតម្រូវការ សមត្ថភាព ផលប្រយោជន៍របស់ភាគីនីមួយៗ និងលក្ខខណ្ឌជាក់ស្តែង។

ទិដ្ឋភាពនៃជំនួប

រីឯខ្លួនវិញ លោក Katoma Leevi Shiimi បានថ្លែងអំណរគុណចំពោះលោកឧត្តមសេនីយ៍ឯក Hoang Xuan Chien ដែលបានចំណាយពេលទទួលជួបគណៈប្រតិភូ។ ទន្ទឹមនឹងនោះ លោកបានអះអាងថា ទំនាក់ទំនងមិត្តភាពរវាងវៀតណាម និងណាមីប៊ី បានបន្តអភិវឌ្ឍយ៉ាងល្អក្នុងរយៈពេលថ្មីៗនេះ ហើយសង្ឃឹមថា នាពេលខាងមុខ ភាគីទាំងពីរនឹងជំរុញកិច្ចសហប្រតិបត្តិការឱ្យកាន់តែប្រសើរឡើង ក៏ដូចជាផ្លាស់ប្តូរបទពិសោធន៍លើវិស័យដែលមានផលប្រយោជន៍ទៅវិញទៅមក។ លោកបានមានប្រសាសន៍ថា ប្រទេសណាមីប៊ីចង់រៀនពីបទពិសោធន៍របស់វៀតណាមអំពីគោលនយោបាយធានារបបសម្រាប់អ្នកមានគុណបំណាច និងយោធិនដែលបានបម្រើក្នុងសម័យសង្គ្រាម។

បកប្រែដោយ Duy Hoan