បន្តបំពេញល្អភារកិច្ច

លោកឧត្តមសេនីយ៍ត្រី Pham Van Ty អនុប្រធាននាយកដ្ឋានជួយសង្គ្រោះ (អគ្គសេនាធិការដ្ឋាននៃកងទ័ពប្រជាជនវៀតណាម) ប្រធានក្រុមបេសកកម្មបានអានលិខិតសរសើររបស់លោកនាយឧត្តមសេនីយ៍ Phan Van Giang។

លោកឧត្តមសេនីយ៍ត្រី Pham Van Ty ប្រធានក្រុមបេសកកម្ម បានអានលិខិតសរសើររបស់លោកនាយឧត្តមសេនីយ៍ Phan Van Giang

តាងនាមក្រុមបេសកកម្ម លោកឧត្តមសេនីយ៍ត្រី Pham Van Ty បានថ្លែងអំណរគុណចំពោះការយកចិត្តទុកដាក់ពីគណៈកម្មាធិការបក្សយោធាមជ្ឈិម ក្រសួងការពារប្រទេស និងលោករដ្ឋមន្ត្រីផ្ទាល់ ដោយបានបញ្ជាក់ថា នេះជាការលើកទឹកចិត្តដ៏ធំធេងសម្រាប់សមាជិកនៃក្រុមបេសកកម្មឲ្យបន្តខិតខំប្រឹងប្រែងបន្ថែមទៀត ប្តេជ្ញាបំពេញភារកិច្ចប្រកបដោយជោគជ័យ ធានាបាននូវសុវត្ថិភាពដាច់ខាតលើគ្រប់ជ្រុងជ្រោយ។

បន្ទាប់ពីបានស្តាប់លិខិតសរសើររបស់លោកនាយឧត្តមសេនីយ៍ Phan Van Giang ក្រុមបេសកកម្មបានបន្តបំពេញបេសកកម្មស្វែងរកដោយសហការជាមួយទីភ្នាក់ងារសម្របសម្រួលនៃមូលដ្ឋាន។

កម្លាំងជួយសង្គ្រោះនៃមូលដ្ឋាន បានសម្តែងការដឹងគុណចំពោះវត្តមានរបស់កងទ័ពប្រជាជនវៀតណាមនៅប្រទេសទួរគី

ប្រគល់លទ្ធផលនៃការស្វែងរកប្រចាំថ្ងៃទៅភ្នាក់ងារឆ្លើយតបគ្រោះមហន្តរាយនៃមូលដ្ឋាន

កាលពីថ្ងៃទី១៨ ខែកុម្ភៈ កងកម្លាំងជួយសង្គ្រោះ នៃកងទ័ពប្រជាជនវៀតណាម បានបំពេញបេសកកម្មស្វែងរកនៅទីតាំងជាច្រើននៅតំបន់ Cebrail នៃទីក្រុង Antakya រដ្ឋធានីនៃខេត្ត Hatay ប្រទេសទួរគី។ ជាលទ្ធផល ក្រុមបេសកកម្មបានកំណត់ទីតាំងចំនួនពីរដែលជនរងគ្រោះបានស្លាប់ដោយសារការរញ្ជួយដីនាពេលថ្មីៗនេះ បន្ទាប់មកបានប្រគល់កន្លែងកើតហេតុទៅឱ្យអង្គភាពជួយ​សង្គ្រោះនៃ​មូលដ្ឋានដើម្បីយកជនរងគ្រោះចេញពីគំនរបាក់បែក។ គិតត្រឹមល្ងាចថ្ងៃទី១៨ ខែកុម្ភៈ (ម៉ោងនៅវៀតណាម) ក្រុមបេសកកម្មនៃកងទ័ព​ប្រជាជន​វៀតណាម បានជួយប្រទេសមិត្តកំណត់ទីតាំងចំនួន ១៤ ដែលមានជនរងគ្រោះ។

បកប្រែដោយ Duy Hoan