កិច្ចប្រជុំរដ្ឋមន្ត្រីការពារជាតិអាស៊ាន លើកទី១៦៖ សាមគ្គីភាពសម្រាប់សន្តិសុខប្រកបដោយសុខដុមនីយកម្ម

កិច្ចប្រជុំមានវត្តមានរដ្ឋមន្រ្តីក្រសួងការពារជាតិ ថ្នាក់ដឹកនាំក្រសួងការពារជាតិនៃប្រទេសអាស៊ានទាំង១០ និងអគ្គលេខាធិការរងអាស៊ាន លោក Robert Matheus Michael Tene។ លោកនាយឧត្តមសេនីយ៍ Phan Van Giang រដ្ឋមន្ត្រីក្រសួងការពារប្រទេសវៀតណាម បានដឹកនាំគណៈប្រតិភូវៀតណាម ចូលរួមកិច្ចប្រជុំនេះ។

ទិដ្ឋភាពនៃកិច្ចប្រជុំ

ថ្លែងក្នុងពិធីបើកកិច្ចប្រជុំនេះ សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិកម្ពុជា ប្រធាន ADMM បានថ្លែងអំណរគុណដល់ប្រទេសសមាជិក ដែលគាំទ្រសម្រាប់ឆ្នាំប្រធានអាស៊ានរបស់កម្ពុជា និងការរៀបចំកិច្ចប្រជុំ ADMM-១៦។ សម្តេចពិជ័យសេនា ទៀ បាញ់ បានឲ្យដឹងថា ADMM និងកិច្ចប្រជុំរដ្ឋមន្ត្រីការពារជាតិអាស៊ានបូក (ADMM+) បានដើរតួនាទីយ៉ាងសំខាន់ក្នុងការជំរុញកិច្ចសហប្រតិបត្តិការលើវិស័យការពារជាតិនៅកម្រិតខ្ពស់បំផុតនៅក្នុងតំបន់។ លោករដ្ឋមន្រ្តីកម្ពុជាបានសង្កត់ធ្ងន់លើតួនាទីរបស់យន្តការសហប្រតិបត្តិការពហុភាគី ដោយការគោរពច្បាប់អន្តរជាតិ ការស្វែរកដំណោះស្រាយដោយសន្តិវិធីគឺជាជម្រើសល្អបំផុតដើម្បីដោះស្រាយគ្រោះថ្នាក់ទាំងអស់។

ថ្លែងក្នុងកិច្ចប្រជុំ ADMM-១៦ លោករដ្ឋមន្រ្តី Phan Van Giang បានឲ្យដឹងថា វៀតណាមគាំទ្រកម្ពុជាបំពេញតួនាទីជាប្រធានអាស៊ាន និងគាំទ្រក្រសួងការពារជាតិកម្ពុជាក្នុងការរៀបចំប្រកបដោយជោគជ័យ ADMM កិច្ចប្រជុំ ADMM+ និងសកម្មភាពពាក់ព័ន្ធនានា។ រដ្ឋមន្ត្រីក្រសួងការពារជាតិវៀតណាមសង្កត់ធ្ងន់ថា ការរៀបចំប្រកបដោយជោគជ័យនូវកិច្ចប្រជុំ ADMM បានបង្ហាញពីសាមគ្គីភាព និងឯកភាពក្នុងអាស៊ាន និងការអនុម័តគំនិតផ្តួចផ្តើមថ្មីរបស់រដ្ឋមន្ត្រីការពារជាតិអាស៊ានក្នុងកិច្ចប្រជុំ ADMM។

លោកនាយឧត្តមសេនីយ៍ Phan Van Giang រដ្ឋមន្ត្រីក្រសួងការពារប្រទេសវៀតណាម ដឹកនាំគណៈប្រតិភូវៀតណាម ចូលរួមកិច្ចប្រជុំ

នៅក្នុងកិច្ចប្រជុំ ប្រតិភូទាំងឡាយបានពិភាក្សាអំពីការបង្កើនការចែករំលែកព័ត៌មាន និងការអនុវត្តច្បាប់សមុទ្រអាស៊ីអាគ្នេយ៍ (SEAMLEI)  និង ADMM+ ហើយអនុម័តសេចក្តីថ្លែងការណ៍រួម ADMM-១៦ ស្តីពី "សាមគ្គីភាពដើម្បីសន្តិសុខប្រកបដោយសុខដុមនីយកម្ម"។ សេចក្តីថ្លែងការណ៍រួម ADMM-១៦ បញ្ជាក់ជាថ្មីនូវការគោរពគោលការណ៍ និងគោលដៅជាមូលដ្ឋានដែលចែងក្នុងធម្មនុញ្ញអាស៊ាន និងសន្ធិសញ្ញាមិត្តភាព និងកិច្ចសហប្រតិបត្តិការនៅអាស៊ីអាគ្នេយ៍ (TAC) ដើម្បីពង្រឹងតួនាទីជាមជ្ឈភាពរបស់អាស៊ាន និងការក្សាសណ្តាប់ធ្នាប់តាមតំបន់ ស្របតាមច្បាប់អន្តរជាតិ ដើម្បីផលប្រយោជន៍ប្រជាជន ក៏ដូចជាតួនាទីជាមជ្ឈភាពនៃអាស៊ាន ដែលជាកម្លាំងចលករសំខាន់ក្នុងការបង្កើនកិច្ចសហប្រតិបត្តិការលើវិស័យការពារជាតិ និងសន្តិសុខ និងវិធានការកសាងទំនុកចិត្តជាមួយដៃគូ ក្នុងគោលដៅរក្សាសន្តិភាព សន្តិសុខ និងវិបុលភាពក្នុងតំបន់។

រដ្ឋមន្ត្រីក្រសួងការពារជាតិវៀតណាម ឡាវ និងកម្ពុជាពិភាក្សានៅខាងក្រៅកិច្ចប្រជុំ ADMM-១៦

នាថ្ងៃទី ២២ មិថុនា ដដែល លោករដ្ឋមន្ត្រី Phan Van Giang និងប្រធានគណៈប្រតិភូដែលចូលរួមកិច្ចប្រជុំបានចូលជួបសម្តែងការគួរសមចំពោះសម្តេចតេជោ ហ៊ុន សែន នាយករដ្ឋមន្រ្តីកម្ពុជា។ ក្នុងជំនួប សម្តេចតេជោ ហ៊ុន សែន នាយករដ្ឋមន្រ្តីកម្ពុជា បានវាយតម្លៃខ្ពស់ និងស្វាគមន៍រដ្ឋមន្ត្រីការពារជាតិនៃបណ្តាប្រទេសអាស៊ាន ដែលមកកម្ពុជា ដើម្បីចូលរួមកិច្ចប្រជុំនេះ។ លទ្ធផលដែលសម្រេចបានក្នុងកិច្ចប្រជុំ ជាពិសេសគឺការចូលរួមពីថ្នាក់ដឹកនាំក្រសួងការពារជាតិនៃប្រទេសអាស៊ានទាំង១០ បានបង្ហាញពីកិច្ចខិតខំប្រឹងប្រែងរបស់ក្រសួងការពារជាតិអាស៊ានក្នុងការបង្កើនកិច្ចសហប្រតិបត្តិការជាក់ស្តែង និងបញ្ជាក់ពី សាមគ្គីភាព ឯកភាព និងតួនាទីមជ្ឈភាពរបស់អាស៊ាន។

*នៅខាងក្រៅកិច្ចប្រជុំ ADMM-១៦ រដ្ឋមន្ត្រីក្រសួងការពារជាតិវៀតណាម ឡាវ និងកម្ពុជាបានពិភាក្សាអំពីវិធានការពង្រឹងសាមគ្គីភាព  រក្សា និងជម្រុញទំនាក់ទំនងមិត្តភាពជាប្រពៃណីរវាងប្រទេសទាំងបីនិយាយរួម និងក្នុងកិច្ចសហប្រតិបត្តិការលើវិស័យការពារជាតិនិយាយដោយឡែក៕

បកប្រែដោយ Thuy Anh