ដោយឃើញមិត្តឈឺចាប់យ៉ាងខ្លាំងៗនោះ ភ្លាមៗលោកអនុសេនីយ៍ឯក Ho Duc Thanh ជាវេជ្ជបណ្ឌិតរបស់ក្រុមរថក្រោះវៀតណាមបានរត់មកជួយលោក Ndo Kham យ៉ាងលឿន។ បន្ទាប់ពីទទួលបានការរុំរបួស លោក Ndo Kham បានញញឹមដាក់មិត្តវៀតណាមយ៉ាងរំភើបចិត្ត និងសម្តែងការដឹងគុណ។ ដោយសារតែដឹងថា ក្រុមរថក្រោះឡាវគ្មានវេជ្ជបណ្ឌិតមកបំរើជាមួយទេ បានជាលោកវេជ្ជបណ្ឌិត Ho Duc Thanh បានប្រាប់ទៅលោកវរសេនីយ៍ឯក Bounpone ប្រធានក្រុមរថក្រោះឡាវថា៖ យើងខ្ញុំមានគ្រូពេទ្យមួយក្រុមអមជាមួយក្រុមប្រកួតរថក្រោះវៀតណាម ដូច្នេះក្នុងដំណើរការហ្វឹកហាត់ ឬ ប្រកួតនោះ ប្រសិនបើខាងសមមិត្តមានបញ្ហាសុខភាពយើងខ្ញុំនឹងជួយមិត្ត កុំប្រកាន់អ្វី”។

leftcenterrightdel
លោក Ndo Kham ញញឹមដាក់មិត្តវៀតណាមយ៉ាងរំភើបចិត្ត

ចំណងសាមគ្គីភាព និងមេត្រីភាពរវាងក្រុមរថក្រោះវៀតណាម និងក្រុមរថក្រោះឡាវត្រូវបានបង្ហាញយ៉ាងច្បាស់តាមរយៈរាល់សកម្មភាពនៅលើវាល Alobino។ ជាឧទាហរណ៍ នៅថ្ងៃដែលចាប់ឆ្នោតជ្រើសរើសរថក្រោះនោះ មិត្តភក្តិឡាវបានរត់មកអបអរសាទរដល់ក្រុមរថក្រោះវៀតណាមភ្លាមៗដោយសារវៀតណាមចាប់បានឆ្នោតរថក្រោះពណ៌ក្រហមដែលជាពណ៌នៃទង់ជាតិ​វៀត​ណាម។

គ្រាពេលចែករំលែកជាមួយលោកវរសេនីយ៍ឯក Phan Hai Long ប្រធានក្រុមរថក្រោះវៀតណាម លោកវរសេនីយ៍ឯក  Bounpone ប្រធានក្រុមរថក្រោះឡាវ ក៏បាននិយាយដែរថា៖  ក្រុមរថក្រោះឡាវពិតជាមានជំនឿលើជ័យជម្នះណាស់ ហើយនឹងខំប្រឹងអស់ពីសមត្ថភាពដើម្បីប្រឡងប្រណាំងជាមួយមិត្តវៀតណាមក្នុងការប្រកួតរថក្រោះនាពេលខាងមុខ។

អាចនិយាយបានថា ភាតរភាពសាមគ្គីភាព និងមេត្រីភាពរវាងវៀតណាមនិងឡាវ បានក្លាយជាប្រពៃណីល្អរបស់ប្រទេសទាំងពីរ មិនថាពេលណា មិនថានៅទីណាទេ ចំណងសាគ្គីភាពនេះសុទ្ធតែត្រូវបានពង្រឹងនិងពូនជ្រំជារៀងរហូត៕

បកប្រែដោយ Minh Trung