កងទ័ពប្រជាជនវៀតណាមនិងវប្បធម៌ប្រជាជាតិវៀតណាមបន្សល់ទុកនូវចំណាប់អារម្មណ៍នៅការប្រកួត Army Games

ការតាំងពិព័រណ៌អំពីកងទ័ពប្រជាជនវៀតណាម

ក្រុមរួមមាន ៤ នាក់ដែលដឹកនាំដោយលោកវរសេនីយ៍ឯកបំរុង Dinh Xuan Hoa នាយករងនៃសារមន្ទីរប្រវត្តិសាស្ត្រយោធាវៀតណាម។ លោកវរសេនីយ៍ឯកបំរុង Dinh Xuan Hoa បានឲ្យដឹងថា ឆ្នាំមុនៗការតាំងពិព័រណ៌ធ្វើតែនៅផ្ទះមិត្តភាពប៉ុណ្ណោះ  ប៉ុន្តែឆ្នាំនេះ ប្រទេសទាំងឡាយនឹងចូលរួមការប្រកួតតាំងពិព័រណ៌។ ហេតុនេះ ខ្លឹមសារ និងការត្រៀមសម្រាប់ការប្រកួតនៅឆ្នាំនេះមានសំណូមពរខ្ពស់ជាង។ យើងត្រូវត្រៀមរៀបចំតាមលក្ខណៈវិនិច្ឆ័យចំនួន ១២ ក្នុងការប្រកួតនេះ។ ពិព័រណ៌របស់វៀតណាមនៅឆ្នាំនេះមានប្រធានបទ “ការការពារជាតិវៀតណាម-ប្រពៃណីនិងសមាហរណកម្ម”។

ការផ្សព្វផ្សាយទិដ្ឋភាពនៃវៀតណាម

យោងតាមលោកវរសេនីយ៍ឯកបំរុង Dinh Xuan Hoa បានឲ្យដឹងថា នៅឆ្នាំមុនៗ ពិព័រណ៌របស់វៀតណាមទទួលបានការពេញចិត្តពីមិត្តភក្តិអន្តរជាតិ ពិសេសគឺទស្សនិកជនរុស្ស៊ី។ មិត្តភក្តិរុស្ស៊ីបានចូលចិត្តគំនូរ Dong Ho និងម្ហូបអាហាររបស់វៀតណាម។ ឆ្នាំនេះ យើងបន្តបង្ហាញម្ហូបអាហារប្រពៃណីរបស់វៀតណាម និងមានអំណោយជាដួនវៀតណាមដើម្បីជូនដល់មិត្តភក្តិអន្តរជាតិ។

គំនូរ Dong Ho និងផលិតផលប្រពៃណីវៀតណាម

ទន្ទឹមនឹងនោះ ក្រុមបានសហការជាមួយអគ្គនាយកដ្ឋានទេសចរណ៍វៀតណាមបកប្រែឯកសារអំពីគោលដៅទេសចរណ៍វៀតណាមជាភាសាអង់គ្លេស រុស្ស៊ី និងចិន ដើម្បីផ្សព្វផ្សាយដល់ភ្ញៀវទេសចរផងដែរ៕

បកប្រែដោយ Thanh Cong