ប្រគល់សម្ភារៈពេទ្យ និងគ្រឿងឧបភោគបរិភោគជូនកងកម្លាំងប្រដាប់អាវុធ និងប្រជាជនឡាវ

ការប្រគល់សម្ភារៈពេទ្យ និងគ្រឿងឧបភោគបរិភោគជូនកងកម្លាំងប្រដាប់អាវុធ និងប្រជាជនឡាវ

ដើម្បីជួយគាំទ្រដល់កងកម្លាំងប្រដាប់អាវុធ និងប្រជាជននៅតាមព្រំដែននៃខេត្ត Se Kong និងខេត្ត Salavan នៃប្រទេសឡាវក្នុងការបង្កើនប្រសិទ្ធភាពនៃការបង្ការ និងទប់ទល់នឹងរោគរាតត្បាតនោះ ថ្នាក់ដឹកនាំនៃបញ្ជាការដ្ឋានកងទ័ពការពារព្រំដែនខេត្ត Thua Thien Hue  និងស្រុក A Luoi បានប្រគល់អង្ករ ២.៥ តោន ម៉ាស់វេជ្ជសាស្រ្តចំនួន ៥០០ សន្លឹក; ទឹកលាងដៃចំនួន ២២០ ដប និងគ្រឿងឧបភោគបរិភោគមួយចំនួនទៀតដែលមានតម្លៃស្មើនឹង ៣០ លានវៀតណាមដុង។

សកម្មភាពនេះបានបញ្ជាក់ពីទំនាក់ទំនងមិត្តភាពជាប្រពៃណីដ៏ល្អប្រសើររបស់ប្រទេសទាំងពីរវៀតណាម - ឡាវ ដែលជួយគ្នាទៅវិញទៅមកក្នុងគ្រាលំបាក។ ភាគីឡាវបានសន្យាថា នឹងប្រើប្រាស់សម្ភារៈពេទ្យទាំងនេះប្រកបដោយប្រសិទ្ធភាពក្នុងការបង្ការ និងទប់ទល់នឹងរោគរាតត្បាត Covid-19៕

បកប្រែដោយ Huyen Trang