ពិធីលៀងសាយភោជន៍ជូនគណៈប្រតិភូយោធាមកពីប្រទេសដែលចូលរួមដង្ហែក្បួនព្យុហយាត្រា

លោកឧត្តមសេនីយ៍ឯក Hoang Xuan Chien សមាជិកគណៈកម្មាធិការមជ្ឈិមបក្ស អនុរដ្ឋមន្ត្រីក្រសួងការពារប្រទេសវៀតណាម បានអញ្ជើញជាអធិបតីក្នុងពិធីលៀងសាយភោជន៍។ អញ្ជើញចូលរួមក៏មានលោកឧត្តមសេនីយ៍ឯក Thai Dai Ngoc សមាជិកគណៈកម្មាធិការមជ្ឈិមបក្ស អនុប្រធានអគ្គសេនាធិការនៃកងទ័ពប្រជាជនវៀតណាម តំណាងការិយាល័យអនុព័ន្ធយោធានៃប្រទេសនានានៅវៀតណាម។

លោកឧត្តមសេនីយ៍ឯក Hoang Xuan Chien មានប្រសាសន៍នៅក្នុងពិធីលៀងសាយភោជន៍

មានប្រសាសន៍នៅក្នុងពិធី លោកឧត្តមសេនីយ៍ឯក Hoang Xuan Chien បានថ្លែងអំណរគុណចំពោះវត្តមានរបស់គណៈប្រតិភូក្រសួងការពារជាតិនៃប្រទេសនានាក្នុងពិធីរំលឹកខួបក៏ដូចជាផែនយោធានៃប្រទេសនានាដែលបានចូលរួមដង្ហែក្បួនព្យុហយាត្រា។ លោកឧត្តមសេនីយ៍ឯក Hoang Xuan Chien បានសង្កត់ធ្ងន់ថា ប្រការនេះបានបញ្ជាក់ពីចំណងសាមគ្គីភាព មិត្តភាព និងភាពជិតស្និទ្ធរវាងប្រជាជន និងកងទ័ពប្រជាជនវៀតណាមជាមួយប្រជាជន និងកងទ័ពនៃប្រទេសនានា។

លោកឧត្តមសេនីយ៍ឯក Hoang Xuan Chien ប្រគល់វត្ថុអនុស្សាវរីយ៍ជូនគណៈប្រតិភូយោធានៃប្រទេសចិន រុស្ស៊ី ឡាវ និងកម្ពុជា

តាងនាមគណៈប្រតិភូ លោកវរសេនីយ៍ឯក Phoungern Phommeuang ប្រធាននាយកដ្ឋានឃោសនាអប់រំ អគ្គសេនាធិការដ្ឋានកងទ័ពប្រជាជនឡាវ ប្រធានគណៈប្រតិភូកងទ័ពប្រជាជនឡាវ បានថ្លែងអំណរគុណចំពោះក្រសួងការពារប្រទេសវៀតណាម។  លោកវរសេនីយ៍ឯក Phoungern Phommeuang បានសម្តែងនូវការចាប់អារម្មណ៍ចំពោះប្រទេសវៀតណាមដ៏ស្រស់ស្អាត ប្រជាជនស្និទ្ធស្នាល និងរួសរាយរាក់ទាក់  ព្រមទាំងជឿជាក់ថា កងទ័ពប្រជាជនវៀតណាមនឹងបន្តអភិវឌ្ឍ និងរីកចម្រើនដោយឥតឈប់ឈរ៕

បកប្រែដោយ Huyen Trang