គណៈប្រតិភូនាយទាហាននៃក្រសួងការពារជាតិជប៉ុន មកបំពេញទស្សនកិច្ចនៅបញ្ជាការដ្ឋានកងទ័ពជើងទឹកវៀតណាម

ទិដ្ឋភាពនៃជំនួប (រូបថត៖ baohaiquanvietnam.vn)

នៅជំនួប លោកឧត្តមនាវីត្រី Hoang Hong Ha បានវាយតម្លៃថា ក្នុងរយៈពេលកន្លងមកភាគីទាំងពីរបានជំរុញការផ្លាស់ប្តូរគណៈប្រតិភូគ្រប់លំដាប់ថ្នាក់ និងអនុវត្តប្រកបដោយប្រសិទ្ធភាពនូវកិច្ចសហប្រតិបត្តិការ រួមចំណែកជំរុញទំនាក់ទំនងរវាងកងទ័ព និងកងទ័ពជើងទឹកនៃប្រទេសទាំងពីរឡើងកម្រិតកម្ពស់ថ្មីមួយ។

ចាប់តាំងពីឆ្នាំ ២០១៣ មក ភាគីទាំងពីរបានអនុវត្តយន្តការនៃការផ្លាស់ប្តូរគណៈប្រតិភូកងទ័ពជើងទឹកទ្វេភាគីជាប្រចាំដើម្បីពិភាក្សាអំពីខ្លឹមសារនៃកិច្ចសហប្រតិបត្តិការ និងការចែករំលែកអំពីបញ្ហានានាដែលភាគីទាំងពីរមានការយកចិត្តទុកដាក់ដូចគ្នា។

លោកឧត្តមនាវីត្រី Hoang Hong Ha ប្រគល់វត្ថុអនុស្សាវរីយ៍ជូនលោកឧត្តមសេនីយ៍ត្រី Endo Makoto (រូបថត៖ baohaiquanvietnam.vn)

លោកឧត្តមសេនីយ៍ត្រី Endo Makoto មានបំណងចង់ឲ្យកងទ័ពជើងទឹកនៃប្រទេសទាំងពីរនឹងបន្តរក្សាសកម្មភាពសហប្រតិបត្តិការឱ្យកាន់តែស៊ីជម្រៅ និងជាក់ស្តែងថែមទៀត៕

បកប្រែដោយ Huyen Trang