លោកឧត្តមសេនីយ៍ឯក Pham Ngoc Minh ទទួលជួបគណៈប្រតិភូព្រឹទ្ធសភាសហរដ្ឋអាមេរិក
កប.អនឡាញ - នាព្រឹកថ្ងៃទី២០ ខែសីហា នៅទីស្នាក់ការក្រសួងការពារប្រទេសវៀតណាម លោកឧត្តមសេនីយ៍ឯក Pham Ngoc Minh អនុប្រធានអគ្គសេនាធិការ កងទ័ពប្រជាជនវៀតណាមបានទទួលជួបគណៈប្រតិភូព្រឹទ្ធសភាសហរដ្ឋអាមេរិក ដែលដឹកនាំដោយលោកស្រីព្រឹទ្ធសមាជិក Tammy Duckworth ក្នុងឱកាសបំពេញទស្សនកិច្ចការងារនៅវៀតណាម។
ក្នុងឱកាសនេះ លោកឧត្តមសេនីយ៍ឯក Pham Ngoc Minh បានសម្ដែងនូវការជឿទុកចិត្តថា ដំណើរទស្សនកិច្ចរបស់គណៈប្រតិភូព្រឹទ្ធសភាសហរដ្ឋអាមេរិកនឹងរួមចំណែកជម្រុញថែមទៀតនូវទំនាក់ទំនងភាពជាដៃគូលើគ្រប់ជ្រុងជ្រោយវៀតណាម-អាមេរិក។ លោកឧត្តមសេនីយ៍ឯក Pham Ngoc Minh បញ្ជាក់ថា នៅពេលកន្លងមកកិច្ចសហប្រតិបត្តិការលើវិស័យការពារជាតិរវាងប្រទេសទាំងពីរមានភាពរីកច្រើនយ៉ាងខ្លាំងក្លា។
|
|
ទិដ្ឋភាពនៃជំនួប (រូបថត៖ bienphong.com.vn) |
លោកបានវាយតម្លៃខ្ពស់ចំពោះការខិតខំប្រឹងប្រែង និងកិច្ចសហប្រតិបត្តិការរវាងវៀតណាមនិងអាមេរិកក្នុងការអនុវត្តដោយជោគជ័យនូវគម្រោងបោសសម្អាតបរិស្ថានដែលត្រូវបំពុលដោយសារធាតុ dioxin នៅព្រលានយន្តហោះ Da Nang វៀតណាម និងការចូលរួមអនុវត្តគម្រោងការសំអាតជាតិគីមីពុល dioxin នៅព្រលានយន្តហោះ Bien Hoa របស់ក្រសួងការពារជាតិអាមេរិក។
លោកស្រី Tammy Duckworth រំពឹងថា នៅពេលខាងមុខ ភាគីទាំងពីរនឹងបង្កើនថែមទៀតនូវកិច្ចសហប្រតិបត្តិការក្នុងក្របខ័ណ្ឌដៃគូលើគ្រប់ជ្រុងជ្រោយរវាងប្រទេសទាំងពីរ រួមទាំងអនុស្សរណៈយោគយល់គ្នាស្ដីពីការជម្រុញកិច្ចសហប្រតិបត្តិការលើវិស័យការពារជាតិដែលចុះហត្ថលេខានៅឆ្នាំ២០១១ និងសេចក្តីថ្លែងការណ៍ស្ដីពីចក្ខុវិស័យអំពីទំនាក់ទំនងការពារជាតិដែលចុះហត្ថលេខានាឆ្នាំ២០១៥ ក៏ដូចពង្រីកកិច្ចសហប្រតិបត្តិការរវាងភាគីទាំងពីរឲ្យកាន់តែរីកច្រើនថែមទៀត៕
បកប្រែដោយ Thuy Anh