អង់គ្លេសបានប្រគល់ជាផ្លូវការនូវកងពេទ្យកម្រិត២ ទៅឲ្យវៀតណាម
កប.អនឡាញ - នាថ្ងៃទី ២៦ ខែតុលា កងពេទ្យកម្រិត២ លេខ១ របស់វៀតណាមដែលបានដាក់ពង្រាយទៅកាន់ស្ថានបេសកកម្មរក្សាសន្តិភាពអង្គការសហប្រជាជាតិនៅស៊ូដង់ខាងត្បូង (UNMISS) នៅតំបន់ Bentiu និងកងពេទកម្រិត២ របស់ចក្រភពអង់គ្លេសបានរៀបចំពិធីប្រគល់មន្ទីពេទ្យ និងទទួលការគ្រប់គ្រងបន្ទាយនៅឯមូលដ្ឋាននៃផ្នែកខាងជើង UNMISS ។ ពិធីបង្ហូតទង់ជាតិវៀតណាមត្រូវបានប្រារព្ធឡើងយ៉ាងមហោឡារិក ដែលបានគួសបញ្ជាក់នូវពេលវេលាដែលចក្រភពអង់គ្លេសបានប្រគល់ជាផ្លូវការនូវកងពេទ្យកម្រិត២ទៅឲ្យវៀតណាមបន្ទាប់ពីរយៈពេលជាងមួយឆ្នាំ កងពេទ្យកម្រិត២នៃចក្រភពអង់គ្លេសប្រតិបត្តិការនៅតំបន់ Bentiu។
អញ្ជើញចូលរួមក្នុងពិធីនេះលោកស្រី Hiroko Hirahara ប្រធានផ្នែកខាងជើងនៃ UNMISS បានថ្លែងអំណរគុណដល់កងពេទ្យកម្រិត២នៃចក្រភពអង់គ្លេសដែលបានរួមចំណែកដល់កងកម្លាំងនានាដែលឈរជើងនៅតំបន់ Bentiu និងប្រជាជននៅស៊ូដង់ខាងត្បូង។ លោកស្រី Hiroko Hirahara ឲ្យដឹងថា កងពេទ្យកម្រិត២ នៃចក្រភពអង់គ្លេសសម្រេចបានល្អនូវភារកិច្ចរបស់ខ្លួន។
ស្វាគមន៍ចំពោះការចូលរួមរបស់កងពេទ្យកម្រិត២ លេខ១ របស់វៀតណាមក្នុងបេសកកម្មរក្សាសន្តិភាពរបស់ UNMISS។ លោក Hiroko Hirahara បានសង្កត់ធ្ងន់ថា នាពេលខាងមុខនេះមានការលំបាក និងឧបសគ្គជាច្រើនណាស់ ហើយ "គ្រួសារ" UNMISS នៅ Bentiu កំពុងទន្ទឹងរង់ចាំធ្វើការជាមួយវៀតណាម។ លោកស្រីបន្តថា មានការផ្លាស់ប្តូរជាច្រើនហើយ ដែលយើងជាអ្នករួមចំណែកក្នុងការផ្លាស់ប្តូរទាំងនេះសម្រាប់ប្រទេសស៊ូដង់ខាងត្បូង។ យើងនឹងបន្តសហការគ្នា។ ឥឡូវនេះ អ្នកបានក្លាយជាសមាជិកនៃគ្រួសារ Bentiu ហើយ៕
បកប្រែដោយ Duy Hoan