ពិធីបិទវគ្គបណ្តុះបណ្តាលអនុវត្តគម្រោង “សកម្មភាពកម្ចាត់មីនដើម្បីភូមិសន្តិភាពវៀតណាម-កូរ៉េខាងត្បូង - KVPVP”
កប.អនឡាញ - នាថ្ងៃទី ២៨ ខែមេសា នៅទីក្រុងហាណូយ មជ្ឈមណ្ឌលសកម្មភាពកំចាត់មីនជាតិវៀតណាម (VNMAC) សហការជាមួយទីភ្នាក់ងារសហប្រតិបត្តិការអន្តរជាតិកូរ៉េខាងត្បូង (KOICA) និងកម្មវិធីអភិវឌ្ឍន៍អង្គការសហប្រជាជាតិ (UNDP) បានរៀបចំពិធីបិទវគ្គបណ្តុះបណ្តាលសម្រាប់ប្រធានក្រុម និងអ្នកបច្ចេកទេសអនុវត្តគម្រោង “សកម្មភាពកម្ចាត់មីន ដើម្បីភូមិសន្តិភាព វៀតណាម-កូរ៉េខាងត្បូង “KVPVP”។
វគ្គបណ្តុះបណ្តាលប្រព្រឹត្តទៅពីថ្ងៃទី ២១ ដល់ថ្ងៃទី២៨ ខែមេសា ដោយមានការចូលរួមពីគ្រូបង្រៀន និងសិក្ខាកាមជាង ៤០០នាក់។ នេះជាសកម្មភាពបង្កើនសមត្ថភាពលើកដំបូងក្នុងក្របខណ្ឌនៃគម្រោង “សកម្មភាពកម្ចាត់មីនដើម្បីភូមិសន្តិភាពវៀតណាម-កូរ៉េខាងត្បូង”។
|
|
គណៈកម្មការរៀបចំប្រគល់វិញ្ញាបនបត្រដល់សិក្ខាកាម |
ថ្លែងមតិក្នុងពិធី លោកវរសេនីយ៍ឯក Le Quang Hop អគ្គនាយករងនៃមជ្ឈមណ្ឌលសកម្មភាពកម្ចាត់មីនជាតិវៀតណាមបានវាយតម្លៃថាចំណេះដឹង និងជំនាញវិជ្ជាជីវៈស៊ីជម្រៅក្នុងវគ្គបណ្តុះបណ្តាលនេះ មានលក្ខណៈជាក់ស្តែង និងមានប្រយោជន៍សម្រាប់ការអនុវត្តជាក់ស្តែងក្នុងការអង្កេត និងការបោសសំអាតមីន។
គម្រោង “សកម្មភាពកម្ចាត់មីនដើម្បីភូមិសន្តិភាព វៀតណាម-កូរ៉េខាងត្បូង” ឧបត្ថម្ភថវិកាដោយរដ្ឋាភិបាលកូរ៉េខាងត្បូង ត្រូវបានអនុវត្តក្នុងរយៈពេលបីឆ្នាំ ពីឆ្នាំ ២០២៤ ដល់ឆ្នាំ២០២៦ នៅខេត្តចំនួនបីគឺ Thua Thien-Hue, Quang Ngai និង Binh Dinh ដើម្បីស្ទាបស្ទង់ត្រួតពិនិត្យបច្ចេកទេសលើផ្ទៃដី ១៥,០០០ ហិកតា បោសសម្អាតតំបន់ដែលស្តុកទុកគ្រាប់បែក មីន និងសារធាតុផ្ទុះប្រមាណ ៦,០០០ ហិកតា បម្រើដល់ការកសាងជនបទប្រកបដោយនិរន្តរភាព និងការអភិវឌ្ឍសេដ្ឋកិច្ចសង្គមក្នុងមូលដ្ឋាន៕
បកប្រែដោយ Huyen Trang