សិក្ខាសាលា “ការងារសតិអារម្មណ៏ និងវប្បធម៌ក្នុងការកសាងកងទ័ពដ៏រឹងមាំខាងនយោបាយ”

លោកឧត្តមសេនីយ៍ទោ Nguyen Van Duc ប្រធានស្នងការដ្ឋានឃោសនានិងអប់រំ មានប្រសាសន៍នៅក្នុងសិក្ខាសាលា

មានប្រសាសន៍នៅក្នុងសិក្ខាសាលា លោកឧត្តមសេនីយ៍ទោ Nguyen Van Duc ប្រធានស្នងការដ្ឋានឃោសនា និងអប់រំ នៃអគ្គស្នងការដ្ឋាននយោបាយកងទ័ពប្រជាជនវៀតណាម បានបញ្ជាក់ថាក្នុងរយៈពេល ៨០ ឆ្នាំកន្លងមក ការងារសតិអារម្មណ៍ និងវប្បធម៌ ត្រូវបានផ្លាស់ថ្មី និងកែលម្អគុណភាពប្រតិបត្តិការជានិច្ច តាមនោះបង្កើត និងពង្រឹងទំនុកចិត្តយ៉ាងមុតមាំលើការដឹកនាំរបស់បក្ស។

ប្រតិភូចូលរួមសិក្ខាសាលា

ដោយសង្កត់ធ្ងន់លើបញ្ហាដែលកំពុងលេចចេញក្នុងការងារសតិអារម្មណ៍ និងវប្បធម៌នៅក្នុងកងទ័ពនាពេលបច្ចុប្បន្ននេះ លោកឧត្តមសេនីយ៍ទោ Nguyen Van Duc បានមានប្រសាសន៍ថា៖ “ស្ថានភាពពិភពលោក និងតំបន់កំពុងវិវឌ្ឍយ៉ាងឆាប់រហ័ស ស្មុគស្មាញ និងពិបាកទាយទុកជាមុនបាន។ ការប្រកួតប្រជែងយុទ្ធសាស្ត្ររវាងមហាអំណាចកំពុងកើនឡើង កត្តាសន្តិសុខប្រពៃណី និងមិនមែនប្រពៃណីប្រទាក់ក្រឡាគ្នា ខណៈដែលកម្លាំងអរិភាពកំពុងជំរុញខ្លាំងនូវ "ការប្រែប្រួលដោយសន្តិភាវូបនីយកម្ម" "ដំណើរវិវត្តន៍ដោយខ្លួនឯង" និងមានឧបាយកល "បំបាត់លក្ខណៈនយោបាយ" ចំពោះកងទ័ព ជាមួយនឹងល្បិចកលកាន់តែស្មុគស្មាញ ជាពិសេសនៅក្នុងលំហអ៊ីនធឺណិត។ ទិដ្ឋភាពអវិជ្ជមាននៃសេដ្ឋកិច្ចទីផ្សារ ការធ្វើសមាហរណកម្មអន្តរជាតិ និងការអភិវឌ្ឍយ៉ាងឆាប់រហ័សនៃបច្ចេកវិទ្យា និងបណ្ដាញសង្គម បានប៉ះពាល់យ៉ាងជ្រាលជ្រៅដល់សតិអារម្មណ៍ និងការយល់ដឹងរបស់កម្មាភិបាល និងយុទ្ធជន ដែលបង្កើតទាំងឱកាស និងបញ្ហាប្រឈមសម្រាប់ការងារឃោសនា និងអប់រំរបស់កងទ័ព”៕

បកប្រែដោយ Thanh Cong