ក្រុមការងារនៃអគ្គស្នងការដ្ឋាន​នយោបាយ អញ្ជើញទៅទស្សនកិច្ចការងា និងត្រួតពិនិត្យនៅតំបន់ពិសេស Truong Sa និងស្ថានីយ៍ DK1

លោកឧត្តមសេនីយ៍ឯក Do Xuan Tung និងគណៈប្រតិភូ បានអញ្ជើញចុះ​សួរសុខទុក្ខ និងលើកទឹកចិត្តកម្មាភិបាល យុទ្ធជន ប្រជាជន និងកងកម្លាំងដែលកំពុងបំពេញភារកិច្ចនៅលើកោះ Son Ca, Nam Yet, Da Lon (A), Sinh Ton, Tien Nu (B), Nui Le, Truong Sa Dong, Da Tay, Truong Sa និងស្ថានីយ៍ DK1/15។ នៅតាមកោះ និងស្ថានីយ៍ទាំងនេះ គណៈប្រតិភូបានត្រួតពិនិត្យការហ្វឹកហ្វឺន ការត្រៀមប្រយុទ្ធ លទ្ធផលនៃការអនុវត្តការងារបក្ស ការងារនយោបាយ ការធានាភស្តុភារបច្ចេកទេស ការអភិវឌ្ឍសេដ្ឋកិច្ច-សង្គម និងការថែទាំជីវភាពរស់នៅ និងស្មារតីរបស់កម្មាភិបាល និងយុទ្ធជន។

កម្មាភិបាល យុទ្ធជននៅលើកោះ Truong Sa Dong ទទួល​ស្វាគមន៍គណៈប្រតិភូ

លោកឧត្តមសេនីយ៍ឯក Do Xuan Tung មានប្រសាសន៍​នៅ​កោះ Sinh Ton

គណៈប្រតិភូដាំដើមឈើនៅលើកោះ Son Ca

គណៈប្រតិភូអញ្ជើញចុះសួរសុខទុក្ខ​គ្រួសារដែលរស់នៅលើកោះ Sinh Ton

នៅទីតាំងនីមួយៗ លោកឧត្តមសេនីយ៍ឯក Do Xuan Tung បានចែករំលែកចំពោះការលំបាក និងបានសម្តែងការកោតសរសើរចំពោះស្មារតី ការតស៊ូ និងការលះបង់របស់កម្មាភិបាល យុទ្ធជនដែលកំពុងការពារកោះសមុទ្រនៃមាតុភូមិ ព្រមទាំងវាយតំលៃខ្ពស់ចំពោះកិច្ចខិតខំប្រឹងប្រែងរបស់ពួកគេក្នុងការជំនះការលំបាក និងបានសរសើរចំពោះសមិទ្ធផលរបស់កងទ័ពនិងប្រជាជនក្នុងការហ្វឹកហ្វឺន ការត្រៀមប្រយុទ្ធ និងការអភិវឌ្ឍសេដ្ឋកិច្ច សង្គម និងវប្បធម៌។

លោកឧត្តមសេនីយ៍ឯក Do Xuan Tung បានសម្តែងទំនុកចិត្ត និងស្នើឲ្យកងទ័ព និងប្រជាជននៃតំបន់ពិសេស Truong Sa  បន្តពង្រីកសមិទ្ធផល និងខិតខំជំនះការលំបាក និងបញ្ហាប្រឈមទាំងអស់ បំពេញភារកិច្ចដែលបានប្រគល់ជូនដោយជោគជ័យ។

ក្នុងឱកាសនេះ តំណាងស្ថាប័ននិងអង្គភាពជាច្រើនក៏បានប្រគល់អំណោយដល់កងទ័ព និងប្រជាជននៃតំបន់ពិសេស Truong Sa និងស្ថានីយ៍ DK1/15 ផងដែរ៕

បកប្រែដោយ Duy Hoan