ពិធីលៀងសាយភោជន៍ក្នុងឱកាសរំលឹកទិវាកងកម្លាំងការពារជាតិអូស្ត្រាលី

ថ្លែងនៅក្នុងពិធី  លោកស្រី Gillian Bird ឯកអគ្គរដ្ឋទូតអូស្ត្រាលីប្រចាំវៀតណាមបានអះអាងថា អូស្ត្រាលី និងវៀតណាមកំពុងរក្សាទំនាក់ទំនងដ៏រឹងមាំជាងពេលណាៗទាំងអស់ ព្រមទាំងសម្តែងនូវសេចក្តីសោមនស្សរីករាយចំពោះការអភិវឌ្ឍនៃកិច្ចសហប្រតិបត្តិការការពារជាតិទ្វេភាគី។

លោកឧត្តមសេនីយ៍ទោ Nguyen Ba Luc ថ្លែងក្នុងពិធី

លោកឧត្តមសេនីយ៍ទោ Nguyen Ba Luc អបអរសាទរយ៉ាងកក់ក្តៅបំផុតចំពោះកងកម្លាំងការពារជាតិអូស្ត្រាលី ព្រមទាំងអះអាងថា ក្នុងរយៈពេលកន្លះសតវត្សរ៍កន្លងមកនេះ ទំនាក់ទំនងមិត្តភាពនិងកិច្ចសហប្រតិបត្តិការ ដៃគូយុទ្ធសាស្ត្រគ្រប់ជ្រុងជ្រោយរវាងប្រទេសទាំងពីរ ត្រូវបានពង្រឹង និងពង្រីកជាបន្តបន្ទាប់ក្នុងវិស័យជាច្រើន រួមទាំងទំនាក់ទំនងសហប្រតិបត្តិការការពារជាតិត្រូវបានចាត់ទុកថាជាសសរស្តម្ភក្នុងទំនាក់ទំនងរួមរវាងប្រទេសទាំងពីរ។

ភាគីទាំងពីរសហប្រតិបត្ដិការប្រកបដោយប្រសិទ្ធភាពក្នុងវិស័យជាច្រើន ដូចជាការផ្លាស់ប្តូរគណៈប្រតិភូ ការសន្ទនា និងការពិគ្រោះយោបល់ ការបណ្តុះបណ្តាល ការរក្សាសន្តិភាពរបស់អង្គការសហប្រជាជាតិ និងការជំនះផលវិបាកនៃសង្គ្រាម... ដោយហេតុនេះរួមចំណែកបង្កើនការធ្វើសមាហរណកម្មអន្តរជាតិ និងការទូតការពារជាតិរបស់កងទ័ពប្រជាជនវៀតណាម។

ប្រតិភូទាំងឡាយចូលរួមពិធី

លោកស្រី Gillian Bird ឯកអគ្គរដ្ឋទូតអូស្ត្រាលីប្រចាំវៀតណាម និងលោកឧត្តមសេនីយ៍ទោ Nguyen Ba Luc និងប្រតិភូដែលចូលរួមក្នុងព្រឹត្តិការណ៍

លោកឧត្តមសេនីយ៍ទោ Nguyen Ba Luc បានបញ្ជាក់ថា នាពេលខាងមុខ កងទ័ពប្រជាជនវៀតណាមនឹងបន្តសហការយ៉ាងជិតស្និទ្ធជាមួយកងកម្លាំងការពារជាតិអូស្ត្រាលីក្នុងការអនុវត្តសកម្មភាពសហប្រតិបត្តិការការពារជាតិតាមការព្រមព្រៀងគ្នាដោយថ្នាក់ដឹកនាំក្រសួងការពារជាតិនៃប្រទេសទាំងពីរ រួមចំណែកពង្រឹងបន្ថែមទៀតនូវទំនាក់ទំនងភាពជាដៃគូយុទ្ធសាស្ត្រគ្រប់ជ្រុងជ្រោយរវាងវៀតណាម និងអូស្ត្រាលី ដើម្បីផលប្រយោជន៍របស់ប្រទេសនីមួយៗ និងដើម្បីសន្តិភាព ស្ថិរភាព និងការអភិវឌ្ឍរួមនៃតំបន់ និងពិភពលោក៕

បកប្រែដោយ Thanh Cong