មន្ទីរពេទ្យយោធាលេខ ១០៣ (ចំណុះវិទ្យាស្ថានពេទ្យយោធា) រៀបចំជំនួបសំណេះសំណាលក្នុងឱកាសរំលឹកខួបលើកទី ៧១ នៃទិវាគ្រូពេទ្យវៀតណាម

ថ្នាក់ដឹកនាំមន្ទីរពេទ្យប្រគល់ផ្កាដល់គ្រូពេទ្យប្រជាជននៃមន្ទីរពេទ្យ

ក្នុងជំនួប ប្រតិភូទាំងឡាយបានរំលឹកឡើងវិញនូវប្រពៃណីនៃទិវាគ្រូពេទ្យវៀតណាម។ នៅប៉ុន្មានឆ្នាំមកនេះ គ្រូពេទ្យ និងកម្មាភិបាល បុគ្គលិកនៃមន្ទីរពេទ្យបានយកឈ្នះលើការលំបាក និងខិតខំធ្វើជាម្ចាស់លើវិទ្យាសាស្ត្រ បច្ចេកវិទ្យា។ មន្ទីរពេទ្យ បានអនុវត្តដោយជោគជ័យនូវបច្ចេកទេសថ្មីៗ និងទំនើបៗជាច្រើន ជួយលើកកម្ពស់គុណភាពនៃការជួយសង្រ្គោះ និងការព្យាបាលអ្នកជំងឺ។ ជាពិសេស នៅក្នុងខែកក្កដា ឆ្នាំ២០២៥ មន្ទីរពេទ្យយោធាលេខ១០៣ បានក្លាយជាមន្ទីរពេទ្យដំបូងគេក្នុងចំណោមអង្គភាពកម្រិតខ្ពស់ជាយុទ្ធសាស្ត្ររបស់កងទ័ព ដែលអនុវត្តកំណត់ហេតុជំងឺអេឡិចត្រូនិក។ ការស្រាវជ្រាវវិទ្យាសាស្ត្រ គុណភាពនៃការអប់រំ និងបណ្តុះបណ្តាល និងការអភិវឌ្ឍមន្ទីរពេទ្យតាមស្តង់ដារ សម្រេចបានលទ្ធផលល្អ។ល៕

បកប្រែដោយ Thuy Anh