បញ្ជាការដ្ឋានកងឆ្មាំសមុទ្រតំបន់លេខ៤ រៀបចំសកម្មភាពជាច្រើនក្នុងឱកាសខួបលើកទី ៨១ នៃការបង្កើតកងទ័ពប្រជាជនវៀតណាម

បញ្ជាការដ្ឋានកងឆ្មាំសមុទ្រតំបន់លេខ៤ រៀបចំការប្រកួតកីឡា ក្នុងឱកាសខួបលើកទី ៨១ នៃការបង្កើតកងទ័ពប្រជាជនវៀតណាម

សកម្មភាពលេចធ្លោមួយក្នុងចំណោមសកម្មភាពទាំងនេះគឺការប្រកួតបាល់ទាត់ និងកីឡា pickleball រវាងបណ្ដាស្ថាប័នមានសមត្ថកិច្ចរបស់តំបន់។ សកម្មភាពកីឡាបានពង្រឹងភាពជិតស្និទ្ធ និងសាមគ្គីភាពរវាងបណ្ដាស្ថាប័ន និងអង្គភាព ដោយរួមចំណែកដល់ការលើកកម្ពស់គុណភាពនៃការបំពេញភារកិច្ចនយោបាយដែលត្រូវបានប្រគល់ជូន។ ទន្ទឹមនឹងសកម្មភាពកីឡា បញ្ជាការដ្ឋានកងឆ្មាំសមុទ្រតំបន់ក៏បានសម្អាតបន្ទាយ អង្គភាព និងកសាងបរិស្ថានបៃតង និងស្អាត។

បញ្ជាការដ្ឋានកងឆ្មាំសមុទ្រតំបន់លេខ៤ សហការជាមួយថ្នាក់ដឹកនាំមូលដ្ឋាន ទៅអុជធូប និងដាក់ផ្កានៅកេរិ៍្តដំណែលប្រវត្តិសាស្ត្រស្ដូប Nam Dam នៅតំបន់ពិសេស Phu Quoc

ជាពិសេស បញ្ជាការដ្ឋានកងឆ្មាំសមុទ្រតំបន់លេខ៤ បានសហការជាមួយថ្នាក់ដឹកនាំមូលដ្ឋាន ទៅអុជធូប និងដាក់ផ្កានៅកេរិ៍្តដំណែលប្រវត្តិសាស្ត្រស្ដូប Nam Dam នៅតំបន់ពិសេស Phu Quoc។ ព្រឹត្តិការណ៍ដ៏ឧឡារិក និងមានអត្ថន័យនេះគឺជាឱកាសសម្រាប់កម្មាភិបាល និងយុទ្ធជនបង្ហាញពីការដឹងគុណចំពោះវីរយុទ្ធជន ដែលបានពលីជីវិតដើម្បីឯករាជ្យ និងសេរីភាពរបស់ប្រទេសជាតិ។ តាមរយៈនោះ រួមចំណែកដល់ការអប់រំអំពីប្រពៃណី លើកកម្ពស់ស្នេហាជាតិ និងមោទនភាពជាតិសម្រាប់កម្មាភិបាល យុទ្ធជន ជាពិសេសយុវជនជំនាន់ក្រោយ...៕

បកប្រែដោយ Thuy Anh