លោកនាយឧត្តមសេនីយ៍ Phan Van Giang ជួបសំណេះសំណាលជាមួយអ្នកបោះឆ្នោតនៅខេត្ត Thai Nguyen

មានប្រសាសន៍នៅក្នុងសន្និសីទ លោកនាយឧត្តមសេនីយ៍ Phan Van Giang បានស្នើឱ្យក្រុមសមាជិករដ្ឋសភាខេត្ត Thai Nguyen ទទួលយកយោបល់របស់អ្នកបោះឆ្នោត ហើយជូនទៅរដ្ឋសភា រដ្ឋាភិបាល និងអាជ្ញាធរពាក់ព័ន្ធ ដើម្បីពិចារណា និងមានដំណោះស្រាយសមស្រប។ ឆ្លើយតបទៅនឹងយោបល់របស់អ្នកបោះឆ្នោត លោកនាយឧត្តមសេនីយ៍ Phan Van Giang បានមានប្រសាសន៍ថា ក្រុមសមាជិករដ្ឋសភាខេត្ត Thai Nguyen តែងតែយកចិត្តទុកដាក់ និងលើកឡើងបញ្ហាជាច្រើនដែលជាការយកចិត្តទុកដាក់របស់អ្នកបោះឆ្នោត និងប្រជាជន។ បញ្ហាមួយចំនួនកំពុងត្រូវបានសិក្សាដោយស្ថាប័នពាក់ព័ន្ធ ជាពិសេសគម្រោងរោងចក្រដែកនិងដែកថែប Thai Nguyen។

លោកនាយឧត្តមសេនីយ៍ Phan Van Giang មានប្រសាសន៍នៅក្នុងសន្និសីទ

លោកនាយឧត្តមសេនីយ៍ Phan Van Giang បានវាយតម្លៃខ្ពស់ចំពោះការអនុវត្តភារកិច្ច និងដំណោះស្រាយសំខាន់ៗយ៉ាងទូលំទូលាយ និងម៉ឺងម៉ាត់ ស្របតាមកម្មវិធី និងផែនការឆ្នាំ ២០២៥ ដោយគណៈកម្មាធិការបក្ស និងគណៈកម្មាធិការប្រជាជនខេត្ត Thai Nguyen។ ស្ថានភាពសេដ្ឋកិច្ចសង្គមរបស់ខេត្តមានស្ថិរភាពជាមូលដ្ឋាន និងមានវឌ្ឍនភាព។ តាមព្យាករណ៍ថា នៅឆ្នាំ២០២៦ ស្ថានភាពសន្តិសុខ និងនយោបាយពិភពលោក និងតំបន់នឹងបន្តវិវត្តដ៏ស្មុគស្មាញ និងមិនអាចទាយទុកជាមុនបាន។ ព្រឹត្តិការណ៍នយោបាយសំខាន់ៗជាច្រើននឹងប្រព្រឹត្តឡើងនៅក្នុងស្រុក។ ដូច្នេះ ខេត្ត Thai Nguyen ត្រូវតែប្រកាន់ខ្ជាប់នូវស្ថានភាពទូទៅ អនុវត្តគោលនយោបាយសមស្រប ទាន់ពេលវេលា និងមានប្រសិទ្ធភាព ម្ចាស់ការ និងបត់បែនក្នុងការដឹកនាំ និងការគ្រប់គ្រងរបស់ខ្លួន បង្ហាញពីការតាំងចិត្តខ្ពស់ ការខិតខំប្រឹងប្រែងយ៉ាងខ្លាំង  ដើម្បីខិតខំសម្រេចលើសពីគោលដៅសេដ្ឋកិច្ចសង្គមសម្រាប់ឆ្នាំ២០២៥។ ខេត្តត្រូវតែបន្តអនុវត្តយ៉ាងសកម្ម និងទូលំទូលាយនូវការកែទម្រង់នីតិវិធីរដ្ឋបាល ការធ្វើបរិវត្តកម្មឌីជីថល និងធានាប្រតិបត្តិការបានរលូន និងមានប្រសិទ្ធភាពនៃគំរូអាជ្ញាធរមូលដ្ឋានពីរកម្រិតឆ្ពោះទៅកំណើនពីរខ្ទង់។ ជាមួយគ្នានេះ ខេត្តផ្តោតលើការអភិវឌ្ឍវប្បធម៌ និងសង្គម ធានាសុខុមាលភាពសង្គម និងការលើកកម្ពស់ជីវភាពរស់នៅរបស់ប្រជាជន ផ្តល់ការថែទាំ និងការគាំទ្រដល់អ្នកមានគុណបំណាច់ គ្រួសារទទួលរបបពីរដ្ឋ គ្រួសារក្រីក្រ និងប្រជាជនជនជាតិភាគតិច។ លើសពីនេះ ខេត្តត្រូវតែបន្តបង្កើន និងពង្រឹងការការពារជាតិ និងសន្តិសុខ ធានាការរក្សាសន្តិសុខនយោបាយ សណ្តាប់ធ្នាប់ និងសុវត្ថិភាពសង្គម។

ក្នុងឱកាសនេះ តាងនាមគណៈកម្មាធិការបក្សយោធាមជ្ឈិម ក្រសួងការពារប្រទេស លោកនាយឧត្តមសេនីយ៍ Phan Van Giang បានប្រគល់អំណោយចំនួន ៩ ជូនដល់អង្គភាពនានា និងអំណោយចំនួន ២០០ ជូនដល់គ្រួសារទទួលរបបពីរដ្ឋ និងគ្រួសារដែលមានស្ថានភាពលំបាកនៅខេត្ត Thai Nguyen៕

បកប្រែដោយ Huyen Trang