មនោសញ្ចេតនាពីនាយទាហានរក្សាសន្តិភាពវៀតណាម

ក្រោមអាកាសធាតុដ៏អាក្រក់ និងការលំបាកជាច្រើននៅតំបន់អាហ្វ្រិកខាងកើតនោះ ការវត្តមានរបស់នាយទាហានវៀតណាមមិនត្រឹមជួយគាំទ្រសម្ភារៈប៉ុណ្ណោះទេ ប៉ុន្តែថែមទាំងនាំមកនូវភាពកក់ក្តៅនៃស្មារតីមនុស្សធម៌ សាមគ្គីភាពប្រជាជាតិ និងប្រពៃណីរបស់កងទ័ពលោកអ៊ំហូ ទៀតផង។

តំបន់លំនៅដ្ឋានដែលក្រុមបេសកកម្មទៅទស្សនាស្ថិតនៅតាមបណ្តោយទន្លេ Nile ជាកន្លែងដែលជម្រកបណ្តោះអាសន្នជាច្រើនដែលធ្វើពីសំណល់ឈើ តង់ចាស់ៗរបស់រាប់រយគ្រួសារ។ ជម្លោះដ៏អូសបន្លាយបានធ្វើឱ្យគ្រួសារជាច្រើនបាត់បង់ឪពុក កុមារធំឡើងក្នុងភាពក្រីក្រ ហើយស្ត្រីត្រូវតស៊ូចិញ្ចឹមគ្រួសារ។ ក្នុងបរិបទនេះ ការយកចិត្ដទុកដាក់ណាមួយសុទ្ធតែក្លាយជាមានតម្លៃខ្លាំងណាស់។

លោកស្រីអនុសេនីយ៍ឯក Vu Nguyet Anh ប្រគល់អំណោយដល់កុមារនៅស៊ូដង់ខាងត្បូង

នាយទាហានកងទ័ព និងនគរបាលវៀតណាមសំណេះសំណាលជាមួយប្រជាជនស៊ូដង់ខាងត្បូង

នៅពេលដែលក្រុមបេសកកម្មវៀតណាមឈានជើងចូលក្នុងតំបន់លំនៅដ្ឋានក្រីក្រ ប្រជាជននៅទីនេះបានស្វាគមន៍ដោយស្នាមញញឹមដ៏ស្រទន់ និងកែវភ្នែកពោរពេញដោយក្តីសង្ឃឹម។ លោកស្រី Mary Kiden ដែលជាស្ត្រីមេម៉ាយម្នាក់ចិញ្ចឹមកូនតូចៗបួននាក់តែម្នាក់ឯង បានស្រក់ទឹកភ្នែកពេលទទួលអំណោយ។ លោកស្រីបានចែករំលែកថា “ជនជាតិវៀតណាមមិនត្រឹមតែបាននាំយកអំណោយប៉ុណ្ណោះទេ ប៉ុន្តែថែមទាំងនាំមកនូវការចែករំលែកដ៏ស្មោះត្រង់។ អ្វីៗដ៏មានតម្លៃបំផុតនោះគឺថា យើងមិនបំភ្លេចគេឡើយ”។

សំដីចែករំលែកដ៏សាមញ្ញ ប៉ុន្តែជ្រាលជ្រៅនេះបានធ្វើឱ្យនាយទាហានវៀតណាមយល់ឃើញថា ពេលខ្លះអ្វីដែលប្រជាជនស៊ូដង់ខាងត្បូងត្រូវការមិនមែនគ្រាន់តែជាស្បៀងអាហារ ឬ របស់របរថ្លៃទេ នោះជាការស្តាប់ និងការយល់ចិត្តយ៉ាងជ្រាលជ្រៅចំពោះពួកគេ។

នាយទាហានវៀតណាមតែងតែយកចិត្តទុកដាក់ដល់ប្រជាជន ជាពិសេសស្ត្រី និងកុមារនៅទីនេះ

ចំណុចលេចធ្លោដ៏គួរឱ្យរំភើបចិត្ដក្នុងដំណើរទស្សនកិច្ចនេះគឺនាយទាហានវៀតណាមបានត្រៀមថ្នាំបាញ់ការពារមូស និងក្រែមការពារមូសដើម្បីផ្តល់ជូនដល់ស្ត្រី និងកុមារ ដែលជាក្រុមងាយរងគ្រោះបំផុតក្នុងអំឡុងពេលរដូវគ្រុនចាញ់។ លោកស្រីវរសេនីយ៍ត្រី Le Thi Bich Ngoc  និងលោកស្រីអនុសេនីយ៍ឯក Vu Nguyet Anh បានចែករំលែកហេតុផលនៃការនាំយករបស់របរតូចៗប៉ុន្តែមានប្រយោជន៍ជាក់ស្ដែងនេះ៖ “នៅវៀតណាមថ្នាំបាញ់ការពារមូសគឺជារបស់របរដែលបានប្រើប្រាស់ជាទៀងទាត់។  ប៉ុន្តែនៅប្រទេសស៊ូដង់ខាងត្បូងជាកន្លែងដែលជំងឺគ្រុនចាញ់អាចកើតឡើងក្នុងគ្រួសារនីមួយៗ ថ្នាំបាញ់ការពារមូសអាចជួយកុមារឱ្យជៀសវាងការមូស និងកាត់បន្ថយហានិភ័យនៃជំងឺគ្រុនចាញ់។ វាគ្រាន់តែជាអំណោយតូចតាចមួយប៉ុណ្ណោះ ប៉ុន្តែវាអាចការពារសុខភាពសម្រាប់ប្រជាជន ដូច្នេះយើងបាននាំយកវាទៅជាមួយដែរ”។

ម្តាយវ័យក្មេងម្នាក់កាន់ដបថ្នាំបាញ់ការពារមូសបានចែករំលែកក្នុងក្ដីរំភើបចិត្ដថា “ខ្ញុំគ្មានលក្ខណ្ឌទិញថ្នាំបែបនេះទេ។ សូមអរគុណអ្នកទាំងអស់បានគិតដល់យើង”។

រួមដំណើរក្នុងសកម្មភាពនេះ លោកស្រីអនុសេនីយ៍ឯក Nguyen My Linh ជានាយទាហាននគរបាលប្រជាជនវៀតណាម បានចែករំលែកថា៖ “មុនពេលចេញដំណើរ យើងទាំងអស់គ្នាចង់នាំយកអ្វីដែលមានប្រយោជន៍ពិតប្រាកដ។ យើងគ្រាន់តែគិតថា៖ ប្រសិនបើយើងអាចជួយនរណាម្នាក់កាត់បន្ថយការលំបាកនោះគឺបេសកកម្មថ្ងៃនេះសម្រេចបានជោគជ័យ”។

ក្រុមបេសកកម្ម UNMISS វៀតណាម និងប្រជាជនក្នុងតំបន់

ការសម្របសម្រួលយ៉ាងរលូនរវាងកងទ័ពនិងកងកម្លាំងនគរបាលវៀតណាមក្នុងសកម្មភាពលើកនេះបានបង្ហាញយ៉ាងច្បាស់អំពីស្មារតីសាមគ្គីភាពជាតិ ព្រមទាំងផ្សព្វផ្សាយរូបភាពប្រទេសវៀតណាមមានទំនួលខុសត្រូវ និងខិតខំអស់ពីកម្លាំងកាយចិត្ដក្នុងបេសកកម្មអន្តរជាតិ។ បន្ទាប់ពីការចែកអំណោយ លោក Abraham Deng មេដឹកនាំសហគមន៍ក្នុងតំបន់ បានសម្តែងអំណរគុណថា៖ "អ្វីដែលយើងខ្ញុំនឹងចងចាំអ្នកទាំងអស់គ្នា ទាហានមួកខៀវវៀតណាម គឺជាផ្លូវដែលអ្នកបានមក - ការគោរពនិងស្មោះត្រង់"។

នៅក្នុងបរិបទដែលស៊ូដង់ខាងត្បូងនៅជួបការលំបាកជាច្រើន ការទទួលស្គាល់នេះគឺជារង្វាន់ដ៏មានតម្លៃសម្រាប់នាយទាហានវៀតណាមម្នាក់ៗ ដែលកំពុងធ្វើការទាំងយប់ទាំងថ្ងៃ ដើម្បីបំពេញបេសកកម្មដើម្បីសន្តិភាពពិភពលោក។

សកម្មភាពមនុស្សធម៌នៅថ្ងៃទី ២២ ខែធ្នូ គឺជាផ្នែកតូចមួយក្នុងសកម្មភាពជាច្រើនដែលកងកម្លាំងវៀតណាមកំពុងអនុវត្តនៅ UNMISS។ សកម្មភាពសាមញ្ញទាំងនេះ ដូចជាការសំណេះសំណាលជាមួយប្រជាជន និងផ្តល់អំណោយតូចៗ ឬ ការណែនាំអំពីរបៀបការពារមូស ដែលឆ្លុះបញ្ចាំងយ៉ាងច្បាស់អំពីអត្ដចរិតរបស់កងទ័ពលោកអ៊ំ ហូ និងនាយទាហានប្រជាជនតែងតែលះបង់ យកចិត្តទុកដាក់ មានទំនួលខុសត្រូវខ្ពស់ និងត្រៀមខ្លួនចែករំលែកការលំបាកក្នុងគ្រប់កាលៈទេសៈ៕

បកប្រែដោយ Pham Diep