បញ្ជាការដ្ឋានយោធាក្រុងដាណាំងបានដាក់ពង្រាយកម្មាភិបាល យុទ្ធជន និងកងជីវពលជិត ៥០០ នាក់ដើម្បីជួយប្រជាជនសាងសង់ផ្ទះឡើងវិញ

កងកម្លាំងត្រូវបានបែងចែកជាតំបន់ដែលរងការខូចខាតយ៉ាងធ្ងន់ធ្ងរ ជាពិសេសឃុំភ្នំដែលប្រជាជនប្រឈមមុខនឹងការលំបាកជាច្រើនក្នុងការជួសជុលដោយខ្លួនឯង។

ដោយផ្អែកលើការវាយតម្លៃរបស់មូលដ្ឋាន និងការណែនាំពីគណៈកម្មាធិការបក្សក្រុង គណៈកម្មាធិការប្រជាជនក្រុង បញ្ជាការដ្ឋានយោធាក្រុងកំពុងផ្តោតលើការពន្លឿនការជួសជុល និងសាងសងផ្ទះចំនួន ២៧៥ ខ្នង ដែលត្រូវបានបាក់រលំ ដំបូលផ្ទះត្រូវបានខ្យល់បក់បោក ឬរងការខូចខាតធ្ងន់ធ្ងរ។ ផ្តល់អាទិភាពដល់គ្រួសារដែលស្ថិតក្នុងស្ថានភាពលំបាក មនុស្សចាស់ អ្នកទទួលគោលនយោបាយ និងគ្រួសារដែលមិនអាចជួសជុលផ្ទះពួកគេដោយខ្លួនឯង។

សាងសង់ផ្ទះជូនប្រជាជនដែលរងផលប៉ះពាល់ដោយគ្រោះមហន្តរាយនៅក្នុងឃុំថាញ់មី (ក្រុងដាណាំង)

ទោះបីជាកំពុងរក្សាកងកម្លាំងដើម្បីជួយគាំទ្រដល់ប្រជាជននៅខេត្តដាក់ឡាក់ក៏ដោយ ក៏បញ្ជាការដ្ឋានយោធាក្រុងដាណាំងនៅតែតម្រូវឱ្យនិងអង្គភាពនានាផ្អាកកិច្ចការមិនចាំបាច់ទាំងអស់ និងផ្តោតការខិតខំប្រឹងប្រែងទាំងអស់លើការជួយប្រជាជននៅក្នុងទីក្រុងដាណាំង។

ក្នុងអំឡុងពេលដំណើរការអនុវត្ត អង្គភាពសម្របសម្រួលយ៉ាងជិតស្និទ្ធជាមួយគណៈកម្មាធិការបក្ស អាជ្ញាធរ និងអង្គការមហាជន ដើម្បីតាមដានស្ថានភាពគ្រួសារនីមួយៗ ដោះស្រាយការលំបាកភ្លាមៗ និងធានាបាននូវល្បឿន  ប្រសិទ្ធភាព វិន័យតឹងរ៉ឹង និងសុវត្ថិភាពដាច់ខាតសម្រាប់មនុស្ស និងឧបករណ៍។

បញ្ជាការដ្ឋានយោធាទីក្រុងដាណាំង ប្តេជ្ញាបញ្ចប់ការជួសជុល និងសាងសង់ផ្ទះឡើងវិញឱ្យបានឆាប់តាមដែលអាចធ្វើទៅបាន ដើម្បីឱ្យប្រជាជនដាណាំងទាំងអស់មានផ្ទះសម្បែងស្ថិរភាព និងអាចត្រៀមខ្លួនសម្រាប់បុណ្យចូលឆ្នាំថ្មីក្នុងលក្ខខណ្ឌសុខស្រួល កក់ក្តៅ និងសុវត្ថិភាព៕

បកប្រែដោយ Duy Hoan