លោកនាយឧត្តមសេនីយ៍ Phan Van Giang ជួបពិភាក្សាការងារជាមួយរដ្ឋមន្ត្រីក្រសួងការពារជាតិឡាវ

លោកឧត្តមសេនីយ៍ឯក Khamliang Outhakaysone អញ្ជើញជាអធិបតីក្នុងពិធីទទួលបដិសណ្ឋារកិច្ចលោកនាយឧត្តមសេនីយ៍ Phan Van Giang

នៅកិច្ចពិភាក្សា លោកនាយឧត្តមសេនីយ៍ Phan Van Giang និងលោកឧត្តមសេនីយ៍ឯក Khamliang Outhakaysone មានសេចក្តីសោមនស្សរីករាយដោយឃើញថា ខ្លឹមសារក្នុងពិធីសារសហប្រតិបត្តិការដំណាក់កាល ២០២៥-២០២៩ និងផែនការសហប្រតិបត្តិការឆ្នាំ ២០២៥ ដែលបានសហការ និងអនុវត្តប្រកបដោយប្រសិទ្ធភាពលើគ្រប់វិស័យដោយទីភ្នាក់ងារនៃភាគីទាំងពីរដូចជា ការសហការយ៉ាងជិតស្និទ្ធ និងធ្វើបានល្អនូវការឃោសនានិងអប់រំអំពីទំនាក់ទំនងមិត្ដភាពដ៏មហិមារវាងវៀតណាមនិងឡាវ ផ្លាស់ប្ដូរព័រត៌មាននិងស្ថានការណ៍ អាស្រ័យហេតុនេះ ផ្តល់យោបល់ជូនចំពោះថ្នាក់ដឹកនាំបក្ស និងរដ្ឋអំពីបញ្ហាយុទ្ធសាស្ត្រដែលប៉ះពាល់ដល់វិស័យការពារជាតិនិងសន្តិសុខនៃប្រទេសនីមួយៗ។ ព្រមទាំងផ្ដោតលើកការជំរុញកិច្ចសហប្រតិបត្តិការរវាងអង្គភាពនានា ភស្តុភារ បច្ចេកទេស និងឧស្សាហកម្មការពារជាតិ។

ទិដ្ឋភាពនៃកិច្ចពិភាក្សា

លោកនាយឧត្តមសេនីយ៍ Phan Van Giang ថ្លែងក្នុងកិច្ចពិភាក្សា

លោកនាយឧត្តមសេនីយ៍ Phan Van Giang និងលោកឧត្តមសេនីយ៍ឯក Khamliang Outhakaysone បានឯកភាពគ្នាថា នាពេលខាងមុខ ភាគីទាំងពីរនឹងបន្តសហការគ្នា និងអនុវត្តប្រកបដោយប្រសិទ្ធភាពអំពីការឃោសនា អប់រំអំពីប្រវត្តិសាស្ត្រ អត្ថន័យនិងសារៈសំខាន់នៃទំនាក់ទំនងដ៏មហិមារវាងវៀតណាម-ឡាវ ជាពិសេសសម្រាប់យុវជនជំនាន់ក្រោយ។ ព្រមទាំងបន្តផ្ដោតលើការជំរុញកិច្ចសហប្រតិបត្តិការក្នុងការបណ្តុះបណ្តាលធនធានមនុស្ស ដោយចាត់ទុកនេះជាបញ្ហាដែលមានអត្ថន័យជាយុទ្ធសាស្ត្រយូរអង្វែង ធ្វើជាស្នូលក្នុងការពង្រឹងមូលដ្ឋានគ្រឹះនៃទំនាក់ទំនងពិសេសរវាងប្រទេសទាំងពីរ និងកងទ័ពទាំងពីរ។

ទន្ទឹមនឹងនោះ ពង្រឹងកិច្ចសហប្រតិបត្តិការក្នុងវិស័យភស្តុភារ បច្ចេកទេស ការអភិវឌ្ឍន៍សមត្ថភាព និងហេដ្ឋារចនាសម្ព័ន្ធព័ត៌មានវិទ្យា។ បន្តគាំទ្រគ្នាទៅវិញទៅមកក្នុងវេទិកាពហុភាគី និងបន្តរក្សាយន្តការនៃកិច្ចប្រជុំប្រចាំឆ្នាំរវាងរដ្ឋមន្ត្រីក្រសួងការពារជាតិទាំង៣ និងធ្វើលំហាត់សមយុទ្ធជួយសង្គ្រោះរួមគ្នារវាងកងទ័ពនៃប្រទេសទាំង៣ វៀតណាម-ឡាវ-កម្ពុជា ដោយទម្រង់ និងខ្លឹមសារដ៏សម្បូរបែប ស្របតាមប្រពៃណីនិងទំនាក់ទំនងសាមគ្គីភាពរវាងប្រទេសជិតខាងទាំង៣។

លោកនាយឧត្តមសេនីយ៍ Phan Van Giang និងលោកឧត្តមសេនីយ៍ឯក Khamliang Outhakaysone ជឿជាក់ថា ជំនួបប្រចាំឆ្នាំរវាងរដ្ឋមន្ត្រីការពារជាតិទាំង ៣ និងធ្វើលំហាត់សមយុទ្ធជួយសង្គ្រោះរួមគ្នារវាងកងទ័ពនៃប្រទេសទាំង៣ វៀតណាម -ឡាវ -កម្ពុជា ដែលប្រព្រឹត្តិទៅនាថ្ងៃទី ១៥ តុលា នឹងទទួលបានជោគជ័យ  និងបន្តធ្វើប្រសើរថែមទៀតនូវទំនាក់ទំនងសាមគ្គីភាព ជិតស្និទ្ធរវាងប្រទេសទាំង៣ និយាយរួម និងកងទ័ពនៃប្រទេសទាំងបីនិយាយដោយឡែក ក្នុងបរិបទដែលស្ថានភាពពិភពលោក និងតំបន់កំពុងមានការវិវឌ្ឍន៍យ៉ាងស្មុគស្មាញ។

លោកនាយឧត្តមសេនីយ៍ Phan Van Giang និងលោកឧត្តមសេនីយ៍ឯក Khamliang Outhakaysone ចុះហត្ថលេខាលើអនុស្សរណៈយោគយល់គ្នារវាងក្រសួងការពារប្រទេសវៀតណាម និងក្រសួងការពារជាតិឡាវស្តីពីការពង្រឹងកិច្ចសហប្រតិបត្តិការក្នុងការបណ្តុះបណ្តាល ហ្វឹកហ្វឺននិងអភិវឌ្ឍន៍ធនធានមនុស្ស

នៅចុងបញ្ចប់នៃកិច្ចពិភាក្សា លោកនាយឧត្តមសេនីយ៍ Phan Van Giang និងលោកឧត្តមសេនីយ៍ឯក Khamliang Outhakaysone បានចុះហត្ថលេខាលើអនុស្សរណៈយោគយល់គ្នារវាងក្រសួងការពារប្រទេសវៀតណាម និងក្រសួងការពារជាតិឡាវស្តីពីការពង្រឹងកិច្ចសហប្រតិបត្តិការក្នុងការបណ្តុះបណ្តាល ហ្វឹកហ្វឺននិងអភិវឌ្ឍន៍ធនធានមនុស្ស៕

បកប្រែដោយ Pham Diep