ពិធីបិទវគ្គបណ្តុះបណ្តាលស្តីពីកិច្ចការបរទេសការពារជាតិ ជូនកងយោធពលខេមរភូមិន្ទ

ក្នុងសុន្ទរកថាបិទ លោកឧត្តមសេនីយ៍ត្រី Nguyen Duy Minh អនុប្រធាននាយកដ្ឋានទាក់ទងការបរទេសបានសង្កត់ធ្ងន់ថា បន្ទាប់ពីរយៈពេលនៃការស្រាវជ្រាវ និងផ្លាស់ប្តូរដោយស្មារតីទទួលខុសត្រូវខ្ពស់ វគ្គបណ្តុះបណ្តាលបានបញ្ចប់កម្មវិធី ធានាគុណភាព និងបំពេញតាមផែនការដែលបានកំណត់។

យោងតាមលោកឧត្តមសេនីយ៍ត្រី Nguyen Duy Minh ស្ថានភាពបច្ចុប្បន្នលើពិភពលោក និងតំបន់កំពុងវិវឌ្ឍយ៉ាងឆាប់រហ័ស និងស្មុគស្មាញ ទាមទារឱ្យមន្ត្រីការទូតនិយាយរួម មន្ត្រីការទូតការពារជាតិ និយាយដោយឡែក ត្រូវតែស្រាវជ្រាវជានិច្ច និងលើកកំពស់សមត្ថភាព និងគុណវុឌ្ឍិលើគ្រប់វិស័យ ជាពិសេសក្នុងការស្រាវជ្រាវ វិភាគ វាយតម្លៃ ព្យាករណ៍ស្ថានភាព និងផ្តល់យោបល់អំពីដំណោះស្រាយ ធានាផលប្រយោជន៍ជាតិ។

លោកឧត្តមសេនីយ៍ត្រី Nguyen Duy Minh ប្រគល់វិញ្ញាបនបត្រដល់នាយទាហាននៃកងយោធពលខេមរភូមិន្ទ ដែលបានបញ្ចប់វគ្គបណ្តុះបណ្តាល

លើសពីនេះ សកលភាវូបនីយកម្ម សន្តិភាព និងកិច្ចសហប្រតិបត្តិការបាន និងកំពុងជានិន្នាការរួមរបស់ពិភពលោក។ ប្រការនេះបាននាំឱ្យមានការកើនឡើងនូវភាពញឹកញាប់នៃសកម្មភាពកិច្ចការបរទេស តម្រូវការកាន់តែខ្ពស់នៃភាពទំនើប និងវិជ្ជាជីវៈនៃការងារការទូតនិយាយរួម និងកិច្ចការបរទេសការពារជាតិនិយាយដោយឡែក។ អាស្រ័យហេតុនេះ មន្ត្រីការទូតនិយាយរួម និងមន្ត្រីកិច្ចការបរទេសការពារជាតិនិយាយដោយឡែក ត្រូវសិក្សារៀនសូត្រដោយខ្លួនឯង និងអនុវត្តជាប្រចាំ លើកកំពស់ជំនាញវិជ្ជាជីវៈឱ្យសមស្របទៅនឹងភារកិច្ចរបស់ខ្លួន។

លោកឧត្តមសេនីយ៍ត្រី Nguyen Duy Minh បានសង្កត់ធ្ងន់ថា កិច្ចសហប្រតិបត្តិការលើវិស័យការពារជាតិវៀតណាម - កម្ពុជាកាន់តែស៊ីជម្រៅ ជាក់ស្តែង និងមានប្រសិទ្ធភាពក្នុងរយៈពេលថ្មីៗនេះ ហើយជាសសរស្តម្ភសំខាន់នៃទំនាក់ទំនងទ្វេភាគី។ រួមចំណែកដល់ជោគជ័យរួមនោះ កិច្ចការបរទេសការពារជាតិបានដើរតួនាទីជាស្ពានដ៏សំខាន់មួយ។

លោកឧត្តមសេនីយ៍ត្រី Nguyen Duy Minh បានសម្តែងនូវក្តីសង្ឃឹមថា នាយទាហាននៃកងយោធពលខេមរភូមិន្ទនឹងអនុវត្តប្រកបដោយភាពច្នៃប្រឌិតនូវចំណេះដឹង និងបទពិសោធន៍ដែលបានសិក្សាក្នុងអំឡុងពេលបណ្តុះបណ្តាលនៅវៀតណាម ដើម្បីបំពេញតួនាទីភារកិច្ចដែលបានប្រគល់ជូនដោយជោគជ័យ។

បកប្រែដោយ Duy Hoan