រៀបចំយ៉ាងល្អសម្រាប់ការដំឡើងបន្ទះផ្លាកសញ្ញាសម្រាប់សំណង់រំលឹកអនុស្សាវរីយ៍យុទ្ធជនអន្តរជាតិ

សំណង់និមិត្តរូបដើម្បីចងចាំចំពោះការគាំទ្រ និងការជួយឧបត្ថម្ភរបស់បណ្តាប្រទេសក្នុងការតស៊ូប្រយុទ្ធរបស់វៀតណាមត្រូវបានសាងសង់នៅលើផ្ទៃដី ៣,៦០០ ម៉ែត្រការ៉េ ក្នុងបរិវេណនៃសារមន្ទីរប្រវត្តិសាស្ត្រយោធាវៀតណាម។

លោកឧត្តមសេនីយ៍ឯក Truong Thien To ចុះត្រួតពិនិត្យសំណង់

មកទល់បច្ចុប្បន្ននេះ សំណង់នេះបានបញ្ចប់ជាស្ថាពរហើយ។ លោកឧត្តមសេនីយ៍ឯក Truong Thien To បានចុះត្រួតពិនិត្យផ្ទាល់នូវសំណង់ ស្តាប់របាយការណ៍របស់ស្ថាប័នមានសមត្ថកិច្ច ស្តីពីការត្រៀមរៀបចំពិធីដំឡើងបន្ទះផ្លាកសញ្ញាសម្រាប់តំបន់និមិត្តរូប។

លោកឧត្តមសេនីយ៍ឯក Truong Thien To ចុះត្រួតពិនិត្យសំណង់

ដើម្បីរៀបចំឲ្យបានល្អសម្រាប់ព្រឹត្តិការណ៍នេះ លោកឧត្តមសេនីយ៍ឯក Truong Thien To បានស្នើឲ្យស្ថាប័ន អង្គភាពនានា អនុវត្តយ៉ាងល្អនូវភារកិច្ចដែលបានប្រគល់ជូន។ ទន្ទឹមនឹងនោះ លោកឧត្តមសេនីយ៍ឯក Truong Thien To ប្រគល់ភារកិច្ចឱ្យស្ថាប័ន អង្គភាពក្រោមឱវាទនៃអគ្គស្នងការដ្ឋាននយោបាយ និងស្ថាប័នពាក់ព័ន្ធ បន្តពិនិត្យការងារត្រៀមរៀបចំ បំពេញបន្ថែមសម្ភារៈបរិក្ខារ ក្នុងស្មារតីទទួលខុសត្រូវខ្ពស់បំផុត ធានាថាពិធីប្រព្រឹត្តទៅយ៉ាងឧឡារិក និងសុវត្ថិភាព៕

បកប្រែដោយ Huyen Trang