វៀតណាមអញ្ជើញរុស្ស៊ី ចិន ឡាវ កម្ពុជា បេឡារុស ចូលរួមដង្ហែ​ក្បួន​ព្យុហយាត្រា

អញ្ជើញថ្លែងក្នុងកិច្ចប្រជុំនេះ លោកឧត្តមសេនីយ៍ឯក Hoang Xuan Chien បានឲ្យដឹងថា ក្រសួងការពារប្រទេសវៀតណាមបានផ្ញើលិខិតអញ្ជើញក្រសួងការពារជាតិនៃប្រទេសចំនួន ៨ រួមមាន៖ រុស្ស៊ី ចិន ឡាវ កម្ពុជា គុយបា បេឡារុស កាហ្សាក់ស្ថាន អាហ្សែបៃហ្សង់ ដើម្បីចូលរួមពិធីរំលឹកខួប ៨០ ឆ្នាំនៃបដិវត្តន៍ខែសីហា និងទិវាបុណ្យឯករាជ្យជាតិទី ២ ខែកញ្ញា។

ទិដ្ឋភាពទូទៅនៃកិច្ចប្រជុំ (រូបថត៖ ក្រសួងការពារប្រទេសវៀតណាម)

ទន្ទឹមនឹងនោះ ក្រសួងការពារប្រទេសបានអញ្ជើញប្រទេសចំនួន៥ គឺ រុស្ស៊ី ចិន ឡាវ កម្ពុជា និងបេឡារុស្ស ឲ្យបញ្ជូនកងទ័ពមកចូលរួមដង្ហែក្បួនព្យុហយាត្រានៅក្នុងពិធីនេះ។ យោងតាមរបាយការណ៍ ភាគីគុយបាបានឆ្លើយតបនឹងការអញ្ជើញដោយបញ្ជាក់ថា រដ្ឋមន្ត្រីនៃកងកម្លាំងប្រដាប់អាវុធបដិវត្តន៍គុយបានឹងចូលរួម។ ប្រទេសឡាវ និងកម្ពុជាក៏បានគាំទ្រគោលការណ៍បញ្ជូនកងកម្លាំងទៅចូលរួមក្បួនដង្ហែរព្យុហយាត្រាក្នុងពិធីនេះ តបតាមសេចក្តីអញ្ជើញរបស់ភាគីវៀតណាម។

ក្រសួងការពារប្រទេសវៀតណាមអញ្ជើញប្រទេសទាំង ៥ ឲ្យបញ្ជូនកងកម្លាំងមកចូលរួមពិធីព្យុហយាត្រានេះ បានបង្ហាញពីចំណងមិត្តភាពជាប្រពៃណី សាមគ្គីភាព និងភាពជិតស្និតរវាងប្រជាជននិងកងទ័ពប្រជាជនវៀតណាមជាមួយប្រទេសជាមិត្តប្រពៃណី។ ទន្ទឹមនឹងនោះ ក៏បានអះអាងពីគោលនយោបាយការបរទេសរបស់វៀតណាម ប្រកបដោយឯករាជ្យ ខ្លួនទីពឹងខ្លួន ពហុភាគីភាវូបនីយកម្ម ពិពិធកម្ម ជាមិត្ត និងជាដៃគូដែលអាចទុកចិត្តបានរបស់ប្រទេសទាំងអស់។

មុននោះ ពិធីរំលឹកខួបលើកទី ៥០ ទិវាបង្រួបបង្រួមប្រទេសជាតិដែលបានប្រព្រឹត្តិទៅនៅទីក្រុងហូជីមិញ ក៏មានការចូលរួមពីកងទ័ពចិន ឡាវ និងកម្ពុជាផងដែរ៕

តាម vovworld.vn