ក្រុមបេសកកម្មនៃកងទ័ពជើងទឹកប្រជាជនវៀតណាមចូលជួបសម្តែងការគួរសមជាមួយថ្នាក់ដឹកនាំនៃមូលដ្ឋានក្វាងចូវ

លោកឧត្តមនាវីត្រី Wang xian zhong មេបញ្ជាការមូលដ្ឋានយោធាក្វាងចូវ បានអញ្ជើញជាអធតិបីក្នុងពិធីទទួលជួបក្រុមបេសកកម្មនៃកងទ័ពជើងទឹកប្រជាជនវៀតណាម។

លោកឧត្តមនាវីត្រី Wang xian zhong មេបញ្ជាការមូលដ្ឋានយោធាក្វាងចូវ និងលោកវរសេនីយ៍ឯក Nguyen Dinh Giang នាយករងនៃវិទ្យាស្ថានកងទ័ពជើងទឹកវៀតណាម

ថ្លែងក្នុងជំនួប លោកឧត្តមនាវីត្រី Wang xian zhong បានស្វាគមន៍យ៉ាងកក់ក្តៅចំពោះនាវាក្ដោងលេខ ២៦៨ - Le Quy Don និងក្រុមបេសកកម្មនៃកងទ័ពជើងទឹកប្រជាជនវៀតណាម ដែលមកបំពេញទស្សនកិច្ច និងជួបសំណេះសំណាលជាមួយកម្មាភិបាល និងយុទ្ធជននៃមូលដ្ឋានក្វាងចូវ។  លោកសំដែងនូវការជឿជាក់ថា  ដំណើរទស្សនកិច្ចរបស់ក្រុមបេសកកម្មនៃកងទ័ពជើងទឹកប្រជាជនវៀតណាមនឹងរួមចំណែកលើកកម្ពស់ទំនាក់ទំនងកិច្ចសហប្រតិបត្តិការ មិត្តភាពដ៏ល្អរវាងកងទ័ពជើងទឹកនៃប្រទេសទាំងពីរចិន និងវៀតណាម។

ទីដ្ឋភាពនៃជំនួប

តាងនាមក្រុមបេសកកម្មនៃកងទ័ពជើងទឹកប្រជាជនវៀតណាម លោកវរសេនីយ៍ឯក Nguyen Dinh Giang បានថ្លែងអំណរគុណចំពោះលោកឧត្តមនាវីត្រី Wang xian zhong ដែលបានចំណាយពេលទទួលក្រុមបេសកកម្ម ហើយថ្លែងអំណរគុណចំពោះថ្នាក់ដឹកនាំរបស់មូលដ្ឋានក្វាងចូវ និងស្ថាប័ននានាដែលបានបង្កើតលក្ខខណ្ឌអំណោយផលសម្រាប់ក្រុមបេសកកម្មនៃកងទ័ពជើងទឹកប្រជាជនវៀតណាម និងនាវាក្ដោងលេខ ២៨៦ - Le Quy Don ក្នុងអំឡុងពេលបំពេញទស្សនកិច្ចនៅប្រទេសចិន។ លោកបានសង្កត់ធ្ងន់ថា ដំណើរទស្សនកិច្ចរបស់នាវាក្ដោងលេខ ២៨៦  – Le Quy Don និងក្រុមបេសកកម្មនៃកងទ័ពជើងទឹកប្រជាជនវៀតណាមក្នុងបំណងចង់ធ្វើឱ្យទំនាក់ទំនងប្រពៃណីរវាងប្រទេសទាំងពីរ និងកងទ័ពជើងទឹកនៃប្រទេសទាំងពីរឲ្យកាន់តែស៊ីជម្រៅ ព្រមទាំងមានបំណងចង់ជំរុញសកម្មភាពផ្លាស់ប្តូររវាងវិទ្យាស្ថានកងទ័ពជើងទឹកវៀតណាម និងអង្គភាពនានានៃកងទ័ពជើងទឹករំដោះប្រជាជនចិន។

ក្រុមបេសកកម្មនៃកងទ័ពជើងទឹកប្រជាជនវៀតណាម ទស្សនានាវាចម្បាំងបំពាក់មីស៊ីលលេខ ៦៣១  កងទ័ពជើងទឹករំដោះប្រជាជនចិន

* គួររំលឹកថា មុននេះ លោកវរសេនីយ៍ឯក Nguyen Dinh Giang និងក្រុមបេសកកម្មនៃកងទ័ពជើងទឹកប្រជាជនវៀតណាមបានអញ្ជើញទៅទស្សនានាវាចម្បាំងបំពាក់មីស៊ីលលេខ ៦៣១ នៃកងទ័ពជើងទឹករំដោះប្រជាជនចិន៕

បកប្រែដោយ Pham Diep