នាយករដ្ឋមន្ត្រីនៃព្រះរាជាណាចក្រថៃចាប់ផ្តើមដំណើរទស្សនកិច្ចផ្លូវការនៅប្រទេសវៀតណាម

ពិធីទទួល​ស្វាគមន៍ លោកជំទាវ Paetongtarn Shinawatra នាយករដ្ឋមន្ត្រីថៃ នៅអាកាសយានដ្ឋានអន្តរជាតិ Noi Bai ទីក្រុងហាណូយ។

លោកជំទាវ Paetongtarn Shinawatra នាយករដ្ឋមន្ត្រីថៃ កើតនៅថ្ងៃទី ២១ ខែសីហា ឆ្នាំ១៩៨៦។ លោកជំទាវ​ទទួលបានបរិញ្ញាបត្រផ្នែកវិទ្យាសាស្ត្រនយោបាយពីសាកលវិទ្យាល័យ Chulalongkorn (ប្រទេសថៃ) និងថ្នាក់អនុបណ្ឌិតផ្នែកគ្រប់គ្រងសណ្ឋាគារអន្តរជាតិពីសាកលវិទ្យាល័យ Surrey (ចក្រភពអង់គ្លេស)។ លោកជំទាវ Paetongtarn Shinawatra គឺជាសមាជិក នៃគណៈកម្មាធិការប្រតិបត្តិ នៃសហគ្រាសមួយចំនួនក្នុងអំឡុងពេល ២០១១-២០២៤។ លោកជំទាវ​ជាអគ្គនាយិកា នៃគណៈកម្មាធិការផ្តួចផ្តើម និងសមាហរណកម្ម របស់គណបក្សដើម្បីប្រទេសថៃ (ភឿថៃ) ហើយបានដឹកនាំគម្រោងគ្រួសារភឿថៃតាំងពីឆ្នាំ ២០២២ មក។ លោកជំទាវ​ជាអនុប្រធានគណៈកម្មាធិការយុទ្ធសាស្ត្រអំណាចទន់ជាតិ  និងជាអនុប្រធានគណៈកម្មាធិការអភិវឌ្ឍន៍ប្រព័ន្ធសុខាភិបាលជាតិសម្រាប់រយៈពេល ២០២៣-២០២៤។ លោកជំទាវ​ជាមេដឹកនាំគណបក្សភឿថៃ តាំងពីឆ្នាំ២០២៣មក។ ចាប់ពីថ្ងៃទី១៨ ខែសីហា ឆ្នាំ២០២៤ ដល់បច្ចុប្បន្ន លោកជំទាំវ Paetongtarn Shinawatra គឺជានាយករដ្ឋមន្ត្រីទី៣១ នៃព្រះរាជាណាចក្រថៃ៕

បកប្រែដោយ​​ Thanh Cong