អគ្គសេនាធិការដ្ឋាននៃកងទ័ពប្រជាជនវៀតណាមរៀបចំពិធីលើកសរសើរជូនចំពោះកងកម្លាំងដែលចូលរួមដង្ហែក្បួនព្យុះហយាត្រា

លោកឧត្តមសេនីយ៍ឯក Phung Si Tan អនុប្រធានអគ្គសេនាធិការនៃកងទ័ពប្រជាជនវៀតណាមបានអញ្ជើញជាអធិបតីក្នុងពិធីនេះ។

លោកឧត្តមសេនីយ៍ឯក Phung Si Tan អនុប្រធានអគ្គសេនាធិការនៃកងទ័ពប្រជាជនវៀតណាមអញ្ជើញជាអធិបតីក្នុងពិធី

ថ្លែងក្នុងពិធី លោកឧត្តមសេនីយ៍ឯក Phung Si Tan បានស្នើឱ្យស្ថាប័ន អង្គភាពនានាត្រូវតែបន្ដលើកកម្ពស់លទ្ធផលដែលសម្រេចបាន ហើយបន្តជំរុញការផ្សព្វផ្សាយ អប់រំ និងលើកកម្ពស់ស្មារតីទទួលខុសត្រូវរបស់កងទ័ព ខិតខំបំពេញល្អនូវភារកិច្ចដែលបានប្រគល់​ជូន។ ព្រមទាំងបន្តផ្ដោតលើការដឹកនាំ ការអនុវត្ដការងារដោយម្ចាស់ការ និងត្រៀមសម្រាប់ការអនុវត្តភារកិច្ចដង្ហែក្បួនព្យុះហយាត្រាក្នុងឱកាសអបអរសាទរខួបលើកទី៨០ នៃបដិវត្តន៍ខែសីហា និងទិវាបុណ្យជាតិទី២ ខែកញ្ញា។

ថ្នាក់ដឹកនាំនៃអគ្គសេនាធិការដ្ឋាន នៃកងទ័ពប្រជាជនវៀតណាម លើកសរសើរដល់បុគ្គល និងអង្គភាពដែលមានស្នាដៃល្អក្នុងការចូលរួមដង្ហែក្បួនព្យុះហយាត្រា

ក្នុងពិធីនេះ ថ្នាក់ដឹកនាំអគ្គសេនាធិការនៃកងទ័ពប្រជាជនវៀតណាមបានលើកសរសើរដល់បុគ្គលចំនួន ២២៥ នាក់ និងអង្គភាពចំនួន ១៤ ដែលមានស្នាដៃល្អក្នុងការចូលរួមដង្ហែក្បួនព្យុះហយាត្រាក្នុងឱកាសអបអរសាទរខួបលើកទី ៥០ នៃទិវារំដោះភាគខាងត្បូង និងបង្រួបបង្រួមជាតិ៕

បកប្រែដោយ Pham Diep