លើសពីនេះ ក្រសួងការពារប្រទេសវៀតណាមក៏បានសម្រេចចិត្តផ្តល់បន្ថែមនូវអាហារស្ងួត និងតង់មួយចំនួនដែលគ្រោងនឹងបញ្ជូនទៅកាន់មីយ៉ាន់ម៉ានាពេលឆាប់ៗនេះ។

មុនពេលភាគីទាំងពីរចុះហត្ថលេខាលើកំណត់ហេតុប្រគល់សម្ភារៈ ឧបករណ៍ខាងលើនេះ លោកឧត្តមសេនីយ៍ត្រី Pham Van Ty អនុប្រធាននាយកដ្ឋានជួយសង្គ្រោះនិងសង្គ្រោះមហន្ដរាយ (អគ្គសេនាធិការដ្ឋាននៃកងទ័ពប្រជាជនវៀតណាម) ប្រធានក្រុមបេសសកម្មនៃកងទ័ពប្រជាជនវៀតណាមចូលរួមជំនះផលវិបាកនៃគ្រោះរញ្ជួយដីនៅមីយ៉ាន់ម៉ា បានសង្កត់ធ្ងន់ថា នេះជាទឹកចិត្ត និងការចែករំលែករបស់កងទ័ពប្រជាជនវៀតណាមសម្រាប់ប្រទេស និងប្រជាជនមីយ៉ាន់ម៉ា។ ទន្ទឹមនឹងនោះ លោកបញ្ជាក់ថា ក្នុងដំណើរការជួយសង្គ្រោះគ្រោះរញ្ជួយដីនៅរដ្ឋធានី Naypyidaw ក្រុមបេសសកម្មបានសម្របសម្រួលប្រកបដោយប្រសិទ្ធភាពជាមួយកងកម្លាំងជួយសង្គ្រោះមីយ៉ាន់ម៉ា ក្នុងការជួយប្រជាជនសម្រាលទុក្ខលំបាក។ លោកឧត្តមសេនីយ៍ត្រី Pham Van Ty បានសង្កត់ធ្ងន់ថា "យើងសូមជូនពរឱ្យមិត្ដមីយ៉ាន់ម៉ា យកឈ្នះលើគ្រោះមហន្តរាយរញ្ជួយដីឆាប់ៗ ហើយកសាងប្រទេសមីយ៉ាន់ម៉ា កាន់តែអភិវឌ្ឍ"។

leftcenterrightdel
លោកឧត្តមសេនីយ៍ត្រី Pham Van Ty និងលោកឧត្តមសេនីយ៍ត្រី U Myat Thu ចុះហត្ថលេខាលើកំណត់ហេតុប្រគល់សម្ភារៈ ឧបករណ៍ ស្បៀងអាហារ... របស់ក្រុមបេសកកម្មនៃកងទ័ពប្រជាជនវៀតណាមជូនភាគីមីយ៉ាន់ម៉ា

លោកឧត្តមសេនីយ៍ត្រី U Myat Thu ប្រធាននាយកដ្ឋានពន្លត់អគ្គីភ័យ និងជួយសង្គ្រោះគ្រោះមហន្ដរាយ (ក្រសួងមហាផ្ទៃមីយ៉ាន់ម៉ា) បានថ្លែងអំណរគុណយ៉ាងជ្រាលជ្រៅចំពោះមនោសញ្ចេតនា និងការជួយគាំទ្រដោយទាន់ពេលវេលា និងមានតម្លៃរបស់ក្រុមបេសសកម្មនៃកងទ័ពប្រជាជន​វៀតណាម។ លោកក៏បានវាយតម្លៃខ្ពស់ចំពោះសមត្ថភាព និងការគោរពវិន័យរបស់កងកម្លាំងជួយសង្គ្រោះនៃកងទ័ពប្រជាជនវៀតណាមក្នុងការបំពេញភារកិច្ច ព្រមទាំងមានបំណងចង់រៀនសូត្រពីបទពិសោធន៍របស់វៀតណាមក្នុងការឆ្លើយតបនឹងគ្រោះមហន្តរាយនិងការជួយសង្គ្រោះ។ លោកឧត្តមសេនីយ៍ត្រី U Myat Thu បានបញ្ជាក់ថា “យើងនិងប្រជាជនមីយ៉ាន់ម៉ាជាច្រើន នឹងមិនភ្លេចរូបភាពកម្លាំងជួយសង្គ្រោះរបស់កងទ័ពប្រជាជន​វៀតណាមក្នុងប៉ុន្មានថ្ងៃកន្លងទៅនេះឡើយ”។

leftcenterrightdel
ភាគីទាំងពីរថតរូបជុំគ្នាក្នុងពិធីប្រគល់

*បន្ទាប់ពីបញ្ចប់បេសកកម្មនៅប្រទេសមីយ៉ាន់ម៉ា នៅព្រឹកព្រលឹមថ្ងៃទី ៨ ខែមេសា ក្រុមបេសសកម្មនៃកងទ័ពប្រជាជនវៀតណាមបានចេញដំណើរពីទីក្រុង Naypyidaw ទៅកាន់ទីក្រុង Yangon បន្ទាប់មកហោះហើរពីទីក្រុង Yangon មកកាន់អាកាសយានដ្ឋានអន្តរជាតិ Noi Bai ទីក្រុងហាណូយនៅរសៀលថ្ងៃដដែល៕

បកប្រែដោយ Pham Diep