ពង្រឹងកិច្ចសហប្រតិបត្តិការរវាងក្រសួងការពារប្រទេស និងក្រសួងវិទ្យាសាស្ត្រ និងបច្ចេកវិទ្យា

លោកនាយឧត្តមសេនីយ៍ Phan Van Giang និងលោក Nguyen Manh Hung អញ្ជើញ​ជា​ សហប្រធានក្នុងកិច្ចប្រជុំ

ថ្លែងមតិក្នុងកិច្ចប្រជុំ លោកនាយឧត្តមសេនីយ៍ Phan Van Giang បានអះអាងថា គណៈកម្មាធិការបក្សយោធាមជ្ឈិម ក្រសួងការពារប្រទេស តែងតែយកចិត្តទុកដាក់ដឹកនាំសកម្មភាពស្រាវជ្រាវវិទ្យាសាស្ត្រ អភិវឌ្ឍន៍បច្ចេកវិទ្យា និងនវានុវត្តន៍។ ការស្រាវជ្រាវវិទ្យាសាស្ត្រ ការអភិវឌ្ឍបច្ចេកវិទ្យា និងនវានុវត្តន៍ក្នុងក្រសួងការពារប្រទេស ត្រូវបានដាក់ពង្រាយស្របគ្នា និងទូលំទូលាយលើគ្រប់ទិដ្ឋភាព និងវិស័យការងារទាំងឡាយ​ រួមចំណែកកសាងកងទ័ពបដិវត្តន៍ វិន័យ ចំណាន និងទំនើប ការពារមាតុភូមិយ៉ាងរឹងមាំក្នុងស្ថានភាពថ្មី។ លោកនាយឧត្តមសេនីយ៍ Phan Van Giang បានស្នើឲ្យក្រសួងវិទ្យាសាស្ត្រ និងបច្ចេកវិទ្យាអំពីខ្លឹមសារសំខាន់ៗមួយចំនួនទាក់ទងនឹងយន្តការ និងគោលនយោបាយក្នុងការគាំទ្រការអនុវត្តដំណោះស្រាយស៊ីសង្វាក់គ្នា ដើម្បីភ្ជាប់ និងអភិវឌ្ឍវិទ្យាសាស្ត្រ និងបច្ចេកវិទ្យាយោធា បច្ចេកវិទ្យាការពារជាតិ ជាមួយនឹងការអភិវឌ្ឍវិទ្យាសាស្ត្រ បច្ចេកវិទ្យា និងឧស្សាហកម្មជាតិ។

លោកនាយឧត្តមសេនីយ៍ Phan Van Giang ថ្លែង​ក្នុង​កិច្ចប្រជុំ​

លោក Nguyen Manh Hung ថ្លែងក្នុងកិច្ចប្រជុំ​

ទិដ្ឋភាពនៃកិច្ចប្រជុំ

ថ្លែងមតិក្នុងកិច្ចប្រជុំនេះ លោក Nguyen Manh Hung បានអះអាងថា នាពេលខាងមុខ ក្រសួងវិទ្យាសាស្ត្រ និងបច្ចេកវិទ្យា នឹងសហការយ៉ាងសកម្មជាមួយក្រសួងការពារប្រទេសក្នុងសកម្មភាពស្រាវជ្រាវវិទ្យាសាស្ត្រ។ កែលម្អហេដ្ឋារចនាសម្ព័ន្ធ និងធនធានមនុស្សនៃគ្រឹះស្ថានស្រាវជ្រាវវិទ្យាសាស្ត្រជាយុទ្ធសាស្ត្រ ដើម្បីដោះស្រាយបញ្ហាវិទ្យាសាស្ត្រសំខាន់ៗរបស់កងទ័ព និងប្រទេសជាតិ។ ដាក់ពង្រាយយន្តការ និងគោលនយោបាយពិសេស និងលេចធ្លោក្នុងការស្រាវជ្រាវវិទ្យាសាស្ត្រ ដើម្បីបំពេញតម្រូវការ និងភារកិច្ចការពារជាតិ យោធា និងស៊ីវិល។ល៕

បកប្រែដោយ Duy Hoan