លោកនាយឧត្តមសេនីយ៍ Phan Van Giang ធ្វើការជាមួយគណៈអចិន្ត្រៃយ៍នៃគណៈកម្មាធិការបក្សខេត្ត Thanh Hoa

ក្នុងប៉ុន្មានឆ្នាំថ្មីៗនេះ ខេត្ដ Thanh Hoa សម្រេចបានសមិទ្ធិផលសំខាន់ៗក្នុងវិស័យជាច្រើន។ ជាពិសេសក្នុងឆ្នាំ ២០២៤ ក្នុងបរិបទជួបការលំបាក និងបញ្ហាប្រឈមជាច្រើនក៏ដោយក៏ប៉ុន្ដែសេដ្ឋកិច្ច សង្គមកិច្ច ការពារជាតិ សន្តិសុខ ការងារកសាងបក្ស និងប្រព័ន្ធនយោបាយ តែងតែមានស្ថិរភាព និងសម្រេចបានលទ្ធផលយ៉ាងទូលំទូលាយ គួរឲ្យកត់សំគាល់។

លោករដ្ឋមន្ត្រី Phan Van Giang ថ្លែងក្នុងជំនួប

ថ្លែងមតិក្នុងជំនួបនេះ លោកនាយឧត្តមសេនីយ៍ Phan Van Giang បានវាយតំលៃខ្ពស់ចំពោះគណៈកម្មាធិការបក្ស អាជ្ញាធរ កងទ័ព និងប្រជាជនខេត្ដខេត្ត Thanh Hoa ដែលបានជំនះពុះពារការលំបាក ខិតខំប្រឹងប្រែង និងសម្រេចបានសមិទ្ធិផលសំខាន់ៗជាច្រើន។ ដើម្បីសម្រេចបានជោគជ័យនូវគោលដៅអភិវឌ្ឍន៍សេដ្ឋកិច្ច-សង្គមផង និងពង្រឹងការការពារជាតិ និងសន្តិសុខនាពេលខាងមុខផង លោកនាយឧត្តមសេនីយ៍ Phan Van Giang បានស្នើឱ្យគណៈកម្មាធិការបក្សខេត្ត Thanh Hoa យកចិត្តទុកដាក់ដឹកនាំការអនុវត្តបានល្អនូវខ្លឹមសារសំខាន់ៗមួយចំនួន។ ជាដំបូង ក្នុងអំឡុងពេលដែលគ្រប់លំដាប់ថ្នាក់ និងគ្រប់វិស័យកំពុងផ្លាស់ថ្មី និងរៀបចំឡើងវិញរចនាសម្ព័ន្ធក្បាលម៉ាស៊ីននៃប្រព័ន្ធនយោបាយឲ្យបានសមស្រប និងមានប្រសិទ្ធភាព ស្របតាមការបញ្ជាណែនាំរបស់មជ្ឈិម ខេត្ត Thanh Hoa ត្រូវយកចិត្តទុកដាក់ចំពោះការងារកសាង និងកែតម្រូវបក្ស និងប្រព័ន្ធនយោបាយស្អាតស្អំ និងរឹងមាំ។ ប្រកាន់ខ្ជាប់នូវគោលការណ៍ដឹកនាំ កសាងសាមគ្គីភាព និងឯកភាពខ្ពស់ក្នុងបក្សភាគ និងពង្រឹងជំនឿទុកចិត្តរបស់ប្រជាជនលើបក្ស និងអាជ្ញាធរ លើកកម្ពស់លទ្ធផលដែលសម្រេចបាន; ផ្តោតលើតំបន់ដាច់ស្រយាល តំបន់សំខាន់សម្រាប់ការពារជាតិ និងតំបន់ដែលបានរៀបចំ និង​កែសម្រួលថ្មី។

លោករដ្ឋមន្ត្រី Phan Van Giang ធ្វើការជាមួយគណៈអចិន្ត្រៃយ៍នៃគណៈកម្មាធិការបក្សខេត្ត Thanh Hoa

ទន្ទឹមនឹងនោះ យកចិត្តទុកដាក់ក្នុងការកសាងកម្លាំងប្រដាប់អាវុធឲ្យបានរឹងមាំ និងទូលំទូលាយ ត្រៀមខ្លួនប្រយុទ្ធ ឆ្លើយតបទាន់ពេលវេលា និងមានប្រសិទ្ធភាពចំពោះស្ថានភាព  កុំឲ្យមានភាពអសកម្ម និងជាយថហេតុ ធានាបាននូវបរិយាកាសស្ថិរភាព និងអំណោយផលសម្រាប់ការអភិវឌ្ឍសេដ្ឋកិច្ច-សង្គមរបស់មូលដ្ឋាន។ ចាប់យកស្ថានការណ៍ ដោះស្រាយទាន់ពេល និងប្រកបដោយប្រសិទ្ធភាព និងធ្វើឲ្យបរាជ័យនូវឧបាយកល និងល្បិចបំផ្លិចបំផ្លាញនៃកម្លាំងអរិភាព។

លោករដ្ឋមន្ត្រី Phan Van Giang បានស្នើឱ្យបញ្ជាការដ្ឋានយោធភូមិភាគទី៤ និងខេត្ត Thanh Hoa ផ្ដល់យោបល់ជូនក្រសួងការពារប្រទេសអំពីការរៀបចំក្របខ័ណ្ឌនៃអង្គភាពយោធាក្នុងមូលដ្ឋាន នៅពេលដែលលប់ចោលអង្គភាពយោធាថ្នាក់ស្រុក។ លោកនាយឧត្តមសេនីយ៍ Phan Van Giang បានសង្កត់ធ្ងន់ថា “ខឿនការពារជាតិរបស់យើង គឺការពារប្រជាជនទាំងមូល សង្គ្រាមប្រជាជន។ ក្នុងការកសាងតំបន់ការពារទប់ទល់របស់យើង ឃុំការពារឃុំ ស្រុកការពារស្រុក និងខេត្តការពារខេត្ត។ ឥឡូវនេះលែងមានអង្គភាពយោធាថ្នាក់ស្រុកទៀតហើយ ដូច្នេះការរៀបចំរចនាសម្ព័ន្ធ និងការប្រតិបត្ដិរបស់អង្គភាពយោធានៅមូលដ្ឋានយ៉ាងដូចម្ដេច គណៈកម្មាធិការបក្សយោធាមជ្ឈិម និងក្រសួងការពារប្រទេសមានបំណងចង់ទទួលបានលើកសំណើ និងផ្ដល់យោបល់ពីមូលដ្ឋាន។ 

លោករដ្ឋមន្ត្រី Phan Van Giang និងថ្នាក់ដឹកនាំខេត្ត Thanh Hoa

ក្នុងឱកាសនេះ លោករដ្ឋមន្ត្រី Phan Van Giang បានបញ្ជាឱ្យសម្ព័ន្ធក្រុមហ៊ុនឧស្សាហកម្ម ទូរគមនាគមន៍យោធា (Viettel) ឧបត្ថម្ភខេត្ត Thanh Hoa សាងសង់ផ្ទះចំនួន ៥០០ ខ្នង តាមកម្មវិធីលុបបំបាត់ផ្ទះបណ្ដោះអាសន្ន និងផ្ទះទ្រុឌទ្រោមរបស់ខេត្ដ៕

បកប្រែដោយ Pham Diep