សកម្មភាពរបស់ថ្នាក់ដឹកនាំក្រសួងការពារប្រទេស និងអគ្គស្នងការដ្ឋាននយោបាយ

នៅក្នុងជំនួបជាមួយអង្គភាពទាំងនេះ លោកឧត្តមសេនីយ៍ឯក Vo Minh Luong បានស្ដាប់ថ្នាក់ដឹកនាំ និងមេបញ្ជាការអង្គភាពរាយការណ៍អំពីលទ្ធផលនៃការអនុវត្ដការងារឆ្នាំ ២០២៤ និងទិសដៅការងារឆ្នាំ ២០២៥ និងការត្រៀមរៀបចំសម្រាប់បុណ្យចូលឆ្នាំថ្មីប្រពៃណីជាតិឆ្នាំ ២០២៥ ។

លោកឧត្តមសេនីយ៍ឯក Vo Minh Luong ជូនអំណោយឆ្នាំថ្មីដល់សាលានាយទាហានទ័ពជើងគោក ២

លោកឧត្តមសេនីយ៍ឯក Vo Minh Luong ស្នើឱ្យអង្គភាពអនុវត្តយ៉ាងម៉ឺងម៉ាត់នូវបទប្បញ្ញត្តិស្តីពីការត្រៀមប្រយុទ្ធក្នុងឱកាសបុណ្យចូលឆ្នាំថ្មី  និងផ្តោតលើ​ការយាមល្បាត ទប់ស្កាត់ភ្លើងនិងការផ្ទុះ... ទន្ទឹមនឹងនោះ អនុវត្តការងារគោលនយោបាយសម្រាប់កងទ័ព  យកចិត្ដទុកដាក់ទាំងសំភារៈ ស្មារតី វប្បធម៌ដើម្បីកម្មាភិបាលនិងយុទ្ធជនទទួលអំណរបុណ្យចូលឆ្នាំថ្មី។ 

លោកឧត្តមសេនីយ៍ឯក Vo Minh Luong ជូនអំណោយនិងជូនពរឆ្នាំថ្មីដល់តំបន់ ២ កងទ័ពជើងទឹក

ក្នុងឱកាសបុណ្យចូលឆ្នាំថ្មីប្រពៃណីជាតិ លោកឧត្តមសេនីយ៍ឯក Vo Minh Luong បានជូនពរកម្មាភិបាលនិងយុទ្ធជន និងក្រុមគ្រួសារជួបសេចក្ដីសុខ សុភមង្គល បន្ដលើកកម្ពស់ចរិតកងទ័ពអ៊ំ ហូ និងខិតខំជម្នះរាល់ការលំបាកនានា លើកកម្ពស់គុណភាពការងារ និងជោគជ័យគ្រប់ភារកិច្ច កសាងអង្គភាពរឹងមាំ និងខ្លាំងក្លា។

* នាថ្ងៃទី ១៤ មករា ក្រុមការងារនៃអគ្គស្នងការដ្ឋាននយោបាយនៃកងទ័ពប្រជាជនវៀតណាមដឹកនាំដោយលោកឧត្តមសេនីយ៍ឯក Le Quang Minh អនុប្រធានអគ្គស្នងការនយោបាយនៃកងទ័ពប្រជាជនវៀតណាម បានអញ្ជើញទៅសួរសុខទុក្ខ ត្រួតពិនិត្យ និងជូនពរឆ្នាំថ្មីដល់កម្មាភិបាលនិងយុទ្ធជននៃកងពលធំលេខ៩ (អង្គទ័ពលេខ៣៤) និងអង្គភាពនានាដែលឈរជើងក្នុងខេត្ត Tay Ninh រួមមាន៖ បញ្ជាការដ្ឋានយោធាខេត្ត Tay Ninh កងពលធំលេខ៥ (យោធភូមិភាគទី៧) ប៉ុស្តិ៍ការពារព្រំដែន Phuoc Tan និងបញ្ជាការដ្ឋានកងទ័ពការពារព្រំដែនខេត្ដ Tay Ninh។

លោកឧត្តមសេនីយ៍ឯក Le Quang Minh ប្រគល់អំណោយជូនបញ្ជាការដ្ឋានយោធាខេត្ត Tay Ninh

នៅក្នុងជំនួបជាមួយអង្គភាពទាំងនេះ លោកឧត្តមសេនីយ៍ឯក Le Quang Minh  ស្នើឱ្យគណៈកម្មាធិការបក្ស និងមេបញ្ជាការគ្រប់លំដាប់ថ្នាក់អនុវត្ដភារកិច្ចឲ្យបានស៊ីសង្វាក់គ្នា និងគ្រប់ជ្រុងជ្រោយ លើកកម្ពស់គុណភាពហ្វឹកហ្វឺន លទ្ធភាពត្រៀមប្រយុទ្ធ ក៏ដូចជាធ្វើបានល្អក្នុងការងារបក្សនិងការងារនយោបាយ។ សហការយ៉ាងជិតស្និទ្ធជាមួយអង្គភាពនានានិងមូលដ្ឋានក្នុងការអនុវត្តការងារនយោបាយ។

ក្នុងឱកាសបុណ្យចូលឆ្នាំថ្មីប្រពៃណីជាតិ លោកឧត្តមសេនីយ៍ឯក Le Quang Minh បានជូនពរកម្មាភិបាលនិងយុទ្ធជននៃអង្គភាពទាំងអស់ជួបសេចក្ដីសុខ សុខភាពល្អ និងទទួលជោគជ័យគ្រប់ប្រការ។

លោកឧត្តមសេនីយ៍ទោ Truong Thien To​ ប្រគល់អំណោយជូនបញ្ជាការដ្ឋានយោធាទីក្រុង Hue

* នាថ្ងៃដដែល ក្រុមការងារនៃគណៈកម្មាធិការបក្សយោធាមជ្ឈិម និងក្រសួងការពារប្រទេសដឹកនាំដោយលោកឧត្តមសេនីយ៍ទោ Truong Thien To អនុប្រធានអគ្គស្នងការនយោបាយនៃកងទ័ពប្រជាជនវៀតណាម បានអញ្ជើញទៅសាកសួរសុខទុក្ខ ត្រួតពិនិត្យ និងជូនពរឆ្នាំថ្មីនៅអង្កភាពនានាដូចជា បញ្ជាការដ្ឋានយោធាទីក្រុង Hue, បញ្ជាការដ្ឋានកងទ័ពការពារព្រំដែនទីក្រុង Hue និងប៉ុស្ដិ៍ការពារព្រំដែនកំពង់ផែ Thuan An (កងទ័ពការពារព្រំដែនទីក្រុង Hue)។

* នាថ្ងៃដដែល លោកឧត្តមសេនីយ៍ទោ Do Xuan Tung អនុប្រធានអគ្គស្នងការនយោបាយនៃកងទ័ពប្រជាជនវៀតណាមបានអញ្ជើញទៅសាកសួរសុខទុក្ខ និងប្រគល់អំណោយជូនអ្នកទទួលរបបឧបត្ថម្ភគោលនយោបាយនៅខេត្ត Bac Giang ត្រួតពិនិត្យការងារត្រៀមប្រយុទ្ធ និងជូនពរឆ្នាំថ្មីនៅបញ្ជាការដ្ឋានយោធាខេត្ត Bac Giang៕

បកប្រែដោយ Pham Diep