គណៈកម្មាធិការបក្សយោធាមជ្ឈិម ក្រសួងការពារប្រទេស៖ ជួបសំណេះសំណាលជាមួយកម្មាភិបាលយោធាជាន់ខ្ពស់ដែលចូលនិវត្តន៍នៅតំបន់ភាគខាងជើង

គណៈកម្មាធិការបក្សយោធាមជ្ឈិម និងក្រសួងការពារប្រទេសរៀបចំជំនួបសំណេះសំណាលជាមួយកម្មាភិបាលយោធាជាន់ខ្ពស់ដែលចូលនិវត្តន៍ សំដៅបង្ហាញពីការយកចិត្តទុកដាក់ពីបក្ស រដ្ឋ និងកងទ័ពចំពោះកម្មាភិបាលជំនាន់មុន ។ នេះក៏ជាឱកាសសម្រាប់គណៈកម្មាធិការបក្សយោធាមជ្ឈិម ក្រសួងការពារប្រទេសជួបជុំ សួរសុខទុក្ខ  ផ្តល់ព័ត៌មាន និងបង្កើនសាមគ្គីភាពរវាងកម្មាភិបាលគ្រប់ជំនាន់។ ហើយទន្ទឹមនឹងនោះ ស្រូបយកបទពិសោធន៍ដ៏មានតម្លៃរបស់កម្មាភិបាលយោធាជាន់ខ្ពស់ដែលចូលនិវត្តន៍សម្រាប់បុព្វហេតុពង្រឹងការការពារជាតិ និងកសាងកងទ័ព និងការពារមាតុភូមិ។

លោកនាយឧត្តមសេនីយ៍ Phan Van Giang និងប្រតិភូចូលរួមជំនួប

ថ្លែងក្នុងជំនួបនេះ ក្នុងនាមគណៈកម្មាធិការបក្សយោធាមជ្ឈិមនិងក្រសួងការពារប្រទេស លោកនាយឧត្តមសេនីយ៍ Phan Van Giang បានជម្រាបជូន ស្ថានភាពពិភពលោក តំបន់ និងក្នុងស្រុក។ ឧបាយកលនិងសកម្មភាពបំផ្លិចបំផ្លាញនៃកម្លាំងអរិភាព រួមទាំងលទ្ធផលលេចធ្លោក្នុងការងារយោធា ការពារជាតិ និងកសាងបក្សភាគកងទ័ពឆ្នាំ ២០២៤ និងទិសដៅនិងភារកិច្ចសំខាន់ៗក្នុងឆ្នាំ២០២៥។

លោកនាយឧត្តមសេនីយ៍ Phan Van Giang បានសង្កត់ធ្ងន់ថា៖ គណៈកម្មាធិការបក្សយោធាមជ្ឈិម និងក្រសួងការពារប្រទេស បានថ្លែងអំណរគុណយ៉ាងជ្រាលជ្រៅ និងសំដែងការដឹងគុណចំពោះអតីតថ្នាក់ដឹកនាំបក្ស និងរដ្ឋ ឧត្តមសេនីយ៍និងកម្មាភិបាលយោធាជាន់ខ្ពស់គ្រប់ជំនាន់ដែលបានរួមចំណែកយ៉ាងធំធេងក្នុងបុព្វហេតុកសាងប្រៀបការពារជាតិដោយប្រជាជនទាំងមូល កសាងកងទ័ពប្រជាជនវៀតណាមរឹងមាំនិងរីកចម្រើន រួមចំណែកកសាងនិងការពារមាតុភូមិ និងសង្គមវៀតណាមយ៉ាងរឹងមាំ។

លោកនាយឧត្តមសេនីយ៍ Phan Van Giang ថ្លែងក្នុងជំនួបសំណេះសំណាល

លោករដ្ឋមន្ត្រី Phan Van Giang មានបំណងចង់ឲ្យថ្នាក់ដឹកនាំ អតីតថ្នាក់ដឹកនាំបក្ស រដ្ឋ និងកម្មាភិបាលយោធាជាន់ខ្ពស់តែងតែលើកទឹកចិត្ត និងប្រកៀកស្មាជាមួយគណៈកម្មាធិការបក្សយោធាមជ្ឈិម ថ្នាក់ដឹកនាំក្រសួងការពារប្រទេស និងមេបញ្ជាការអង្គភាពនានាក្នុងកងទ័ពទាំងមូលដើម្បីសម្រេចបានជោគជ័យនូវរាល់ភារកិច្ចដែលបក្ស រដ្ឋ និងប្រជាជនប្រគល់ជូន។ ។ បង្កើតកម្លាំងជាមួយបក្សទាំងមូល និងប្រជាជនទាំងមូល ការពារមាតុភូមិយ៉ាងរឹងមាំ នាំប្រទេសឆ្ពោះទៅរកយុគសម័យថ្មី - យុគសម័យឈានមុខរបស់ប្រជាជាតិវៀតណាម ដើម្បីសន្តិភាព ឯករាជ្យជាតិ និងប្រជាធិបតេយ្យ ធូរធារ វិបុលភាព អរិយធម៌ សុភមង្គល  និងឈានទៅសង្គមនិយមយ៉ាងរឹងមាំ។

លោកនាយឧត្តមសេនីយ៍ Phan Van Giang សួរសុខទុក្ខប្រតិភូ

តាងនាមគណៈកម្មាធិការបក្សយោធាមជ្ឈិម និងក្រសួងការពារប្រទេស លោកនាយឧត្តមសេនីយ៍ Phan Van Giang បានជូនពរជូនចំពោះថ្នាក់ដឹកនាំ អតីតថ្នាក់ដឹកនាំបក្ស និងរដ្ឋ ឧត្តមសេនីយ៍ និងកម្មាភិបាលយោធាជាន់ខ្ពស់គ្រប់ជំនាន់មានសុខភាពល្អបរិបូរ សុភមង្គល និងជោគជ័យគ្រប់ភារកិច្ច៕

បកប្រែដោយ Pham Diep