លោករដ្ឋមន្ត្រី Phan Van Giang ដឹកនាំបញ្ជាលំហាត់សមយុទ្ធតំបន់ការពារទប់ទល់ទីក្រុងហាណូយ

អញ្ជើញចូលរួមនិងដឹកនាំបញ្ជាលំហាត់សមយុទ្ធនេះក៏មានលោកឧត្តមសេនីយ៍ឯក Trinh Van Quyet ប្រធានអគ្គស្នងការនយោបាយនៃកងទ័ពប្រជាជនវៀតណាម និងលោកឧត្តមសេនីយ៍ឯក Nguyen Tan Cuong ប្រធានអគ្គសេនាធិការនៃកងទ័ពប្រជាជនវៀតណាម និងជាអនុរដ្ឋមន្ត្រីក្រសួងការពារប្រទេស រួមទាំងថ្នាក់ដឹកនាំក្រសួង ស្ថាប័ន និងអង្គភាពនានាផងដែរ។

លោករដ្ឋមន្ត្រី Phan Van Giang ថ្លែងនៅការធ្វើលំហាត់សមយុទ្ធតំបន់ការពារទប់ទល់ទីក្រុងហាណូយ

ប្រតិភូទាំងឡាយតាមដានការធ្វើលំហាត់សមយុទ្ធ

លំហាត់សមយុទ្ធក្រោមប្រធានបទ “កងវរសេនាធំថ្មើជើងត្រូវបានគាំទ្រអាវុធបន្ថែមធ្វើការវាយប្រហារខ្មាំង” ដែលធ្វើឡើងនៅតាមទីលានបាញ់គ្រប់ពិតមួយចំនួនដូចជា៖ ទីលានបាញ់គ្រប់ពិតជាតិតំបន់១ និងទីលានបាញ់គ្រប់ពិត Hoa Thach , ទីលានបាញ់គ្រប់ពិត Dong Doi និងទីលានបាញ់គ្រប់ពិត Xuan Bang។ 

លំហាត់សមយុទ្ធនេះជាភារកិច្ចនយោបាយមួយដែលមានអត្ថន័យសំខាន់ក្នុងឆ្នាំ ២០២៤ របស់ទីក្រុងហាណូយ ឆ្ពោះទៅការប្រារព្ធខួបលើកទី ៧០ នៃទិវារំដោះទីក្រុងហាណូយ និងខួបលើកទី ៨០ នៃការបង្កើតកងទ័ពប្រជាជនវៀតណាម និងខួបលើកទី ៣៥ នៃទិវាការពារជាតិដោយប្រជាជនទាំងមូល។

កម្លាំងទ័ពជើងអាកាសចូលរួមលំហាត់សមយុទ្ធ

បណ្ដាកងកម្លាំងបានបញ្ចប់ការធ្វើលំហាត់សមយុទ្ធ

ថ្លែងក្នុងលំហាត់សមយុទ្ធ លោកនាយឧត្តមសេនីយ៍ Phan Van Giang បានកត់សម្គាល់ និងលើកសរសើរចំពោះលទ្ធផលរបស់កម្មាភិបាល យុទ្ធជន និងអង្គភាពទាំងឡាយ ព្រមទាំងសង្កត់ធ្ងន់ថា៖ កងកម្លាំងនៃបណ្ដាអង្គភាពបានសហការយ៉ាងជិតស្និទ្ធក្នុងការប្រយុទ្ធ ដោះស្រាយស្ថានការណ៍យ៉ាងល្អ ធានាជ័យជម្នះ និងសុវត្ថិភាពជាដាច់ខាតក្នុងលំហាត់សមយុទ្ធ។ 

លោករដ្ឋមន្ត្រី Phan Van Giang បានអះអាងថា ទីក្រុងហាណូយសម្រេចលំហាត់សមយុទ្ធប្រកបដោយជោគជ័យ។ អបអរសាទរចំពោះលទ្ធផលដែលសម្រេចបានក្នុងលំហាត់សមយុទ្ធ  លោករដ្ឋមន្ត្រី Phan Van Giang ស្នើឲ្យស្ថាប័ន និងអង្គភាពដកបទពិសោធន៍ រៀបចំការបូកសរុបលើកសរសើរ ជាពិសេសយកចិត្តទុកដាក់លើការត្រួតពិនិត្យអាវុធឧបករណ៍ ថែរក្សាអាវុធឲ្យធានាសុវត្ថិភាពជាដាច់ខាត។

លោករដ្ឋមន្ត្រី Phan Van Giang​ លើកទឹកចិត្ដកងកម្លាំងចូលរួមលំហាត់សមយុទ្ធ

ថ្នាក់ដឹកនាំក្រសួងការពារប្រទេសនិងទីក្រុងហាណូយលើកទឹកចិត្ដបណ្ដាកងកម្លាំងចូលរួមលំហាត់សមយុទ្ធ

លំហាត់សមយុទ្ធតំបន់ការពារទប់ទល់ទីក្រុងហាណូយឆ្នាំ ២០២៤ មានចំណុចថ្មីជាច្រើន ជាពិសេសជាលើកទីមួយដែលមានក្រសួង ស្ថាប័នមជ្ឈិមចំនួន ២៨ ចូលរួមគណៈកម្មាធិការដឹកនាំបញ្ជាលំហាត់សមយុទ្ធ ដោយបង្ហាញពីការយកចិត្ដិទុកដាក់ពីមជ្ឈិមសម្រាប់ភារកិច្ចការពារជាតិ-យោធាមូលដ្ឋាន ធានាសន្ដិសុខនិងសណ្ដាប់ធ្នាប់ ការពារប្រទេសជាតិនិយាយរួម និងទីក្រុងហាណូយនិយាយដោយឡែក៕

បកប្រែដោយ Pham Diep