Kien Giang៖ កងទ័ពជួយប្រជាជនជម្នះផលវិបាកដោយទឹកជំនន់

នៅទីក្រុង Phu Quoc ភ្លៀងធ្លាក់ខ្លាំងបានអូសបន្លាយពីយប់ថ្ងៃទី ១៣ ដល់ថ្ងៃត្រង់ទី ១៤ ខែកក្កដា ដែលបង្កឲ្យមានទឹកជំនន់នៅក្នុងភូមិ Cay Thong Trong ភូមិ Cay Thong Ngoai និងភូមិ Ben Tram ឃុំ Cua Duong។ គ្រួសារជាច្រើននៅដាច់ពីគេ តំបន់ដ៏ធំមួយលិចក្នុងទឹក។

នាយប់ថ្ងៃទី ១៣ ខែកក្កដា បញ្ជាការដ្ឋានយោធាទីក្រុង Phu Quoc បានបញ្ជាឱ្យបញ្ជាការដ្ឋានយោធាឃុំ Cua Duong បញ្ជូន​កម្មាភិបាល យុទ្ធជន ទៅកន្លែងកើតហេតុភ្លាមៗ ដើម្បីសម្របសម្រួលជាមួយនឹងកម្លាំងនៅកន្លែង ជម្លៀសប្រជាជន និងយកទ្រព្យសម្បត្តិរបស់ប្រជាពលរដ្ឋដែលលិចលង់ក្នុងមូលដ្ឋានចំនួន ១២ គ្រួសារ ទៅកាន់ទីទួលសុវត្ថិភាព ធានាបាននូវសុខភាព និងអាយុជីវិតរបស់ប្រជាពលរដ្ឋ។

ខាងក្រោមនេះជារូបភាពមួយចំនួនអំពីសកម្មភាពជួយប្រជាជនរបស់កម្មាភិបាល យុទ្ធជន៖

កងទ័ពជួយប្រជនជនផ្លាស់ទីពេលមានទឹកជំនន់

កងទ័ពមានវត្តមានដើម្បីជួយប្រជាជនឆ្លងកាត់តំបន់លិចទឹកយ៉ាងខ្លាំង

ភ្លៀងធ្លាក់ជាបន្តបន្ទាប់ធ្វើឱ្យតំបន់ជាច្រើនក្នុងទីក្រុង Phu Quoc ខេត្ត Kien Giang ត្រូវជន់លិច

ភ្លៀងធ្លាក់ខ្លាំង ប៉ុន្តែកងទ័ព តែងតែយកចិត្តទុកដាក់ជួយប្រជាជន

កងទ័ពជួយជម្លៀសប្រជាជន និងរបស់របរទៅកាន់កន្លែងមានសុវត្ថិភាពភ្លាមៗ

បកប្រែដោយ Duy Hoan