មន្ទីរពេទ្យយោធាលេខ ១៧៥ ពិនិត្យសុខភាពនិងផ្តល់អំណោយដល់គ្រួសារទទួលរបបឧបត្ថម្ភគោលនយោបាយនៅខេត្ដ Binh Thuan

ថ្នាក់ដឹកនាំមន្ទីរពេទ្យយោធាលេខ ១៧៥ និងប្រតិភូបាននាំយកអំណោយជូនគ្រួសារទទួលរបបឧបត្ថម្ភគោលនយោបាយ និងប្រជាជនដែលមានស្ថានភាពលំបាក

នៅក្នុងកម្មវិធី វេជ្ជបណ្ឌិត និងគិលានុបដ្ឋាយិកា បានពិនិត្យសុខភាព និងចែកថ្នាំពេទ្យដោយឥតគិតថ្លៃដល់គ្រួសារទទួលរបបឧបត្ថម្ភគោលនយោបាយជាង ៣០០ គ្រួសារ និងប្រជាជនដែលមានស្ថានភាពលំបាកនៅឃុំ My Thanh ស្រុក Ham Thuan Nam ខេត្ត Binh Thuan។ វេជ្ជបណ្ឌិត និងគិលានុបដ្ឋាយិកា ក៏បានពិគ្រោះសុខភាពនិងណែនាំប្រជាជនអំពីវិធីការពារជំងឺមួយចំនួន និងរបៀបថែទាំសុខភាព។ លើសពីនេះ គណកម្មការរៀបចំកម្មវិធីក៏បានផ្តល់អំណោយចំនួន ៣០០ កញ្ចប់ ដល់គ្រួសារទទួលរបបឧបត្ថម្ភគោលនយោបាយ និងប្រជាពលរដ្ឋដែលមានស្ថានភាពលំបាកផងដែរ។

មន្ទីរពេទ្យយោធាលេខ ១៧៥ ក៏បានសម្របសម្រួលផ្តល់សំភារៈសិក្សាដល់សាលាបឋមសិក្សា My Thanh (មានតម្លៃជាង ៧ លានដុង) ផ្ដល់ថ្នាំពេទ្យដល់មណ្ឌលសុខភាពឃុំ My Thanh (មានតម្លៃជាង ១០លានដុង) និងផ្តល់អំណោយសម្រាប់គ្រួសារទទួលរបបឧបត្ថម្ភគោលនយោបាយចំនួន ១១ គ្រួសារ និងជនពិការចំនួន ៤ នាក់ នៅឃុំ My Thanh (មានតម្លៃសរុប ១១ លានដុង)។

ថ្នាក់ដឹកនាំមន្ទីរពេទ្យយោធាលេខ ១៧៥ សួរសុខទុក្ខប្រជាពលរដ្ឋដែលមកពិនិត្យសុខភាព

ចែកថ្នាំពេទ្យដោយឥតគិតថ្លៃដល់ប្រជាពលរដ្ឋ

នារសៀលថ្ងៃដដែល មន្ទីរពេទ្យយោធាលេខ ១៧៥ និងបញ្ជាការដ្ឋានយោធាខេត្ត Binh Thuan បានរៀបចំការបូកសរុបបឋមសកម្មភាពសម្របសម្រួលដំណាក់កាល ២០២២ - ២០២៣ និងចុះហត្ថលេខាលើកម្មវិធីសកម្មភាពដំណាក់កាល ២០២៤  - ២០២៥។

ថ្លែងក្នុងពិធីនេះ លោកវរសេនីយ៍ឯកបំរុង បណ្ឌិត Bui Duc Thanh នាយករងមន្ទីរពេទ្យយោធាលេខ ១៧៥ បានកោតសរសើរចំពោះលទ្ធផលដែលសម្រេចបានក្នុងការសម្របសម្រួលរវាងអង្គភាពទាំងពីរនាពេលថ្មីៗនេះ។ ទន្ទឹមនឹងនោះ លោកបានអះអាងថា មន្ទីរពេទ្យតែងតែបង្កើតលក្ខខណ្ឌអំណោយផល និងផ្ទេរបច្ចេកទេសចាំបាច់មួយចំនួនដល់មណ្ឌលសុខភាពនៃបញ្ជាការដ្ឋានយោធាខេត្ត និងមណ្ឌលសុខភាពយោធានិងស៊ីវិលស្រុក Phu Quy និងមន្ទីរពេទ្យពហុព្យាបាលភាគខាងជើងខេត្ដ Binh Thuan តាមតម្រូវការ និងស្ថានភាពជាក់ស្តែង។ វេជ្ជបណ្ឌិត និងបុគ្គលិកនៃអង្គភាពទាំងពីរត្រូវបន្តបង្កើនការផ្លាស់ប្តូរ សិក្សាបទពិសោធន៍ និងលើកកំពស់ជំនាញ ដើម្បីលើកកម្ពស់គុណភាពសេវាថែទាំសុខភាពជូនកងទ័ព និងប្រជាជន៕

បកប្រែដោយ Thanh Cong