ជម្លោះនៅ​​ហ្គាហ្សា​៖ ការិយាល័យ ICRC ប្រចាំ​តំបន់​ហ្គាហ្សាទទួល​រង​ការ​បាញ់​​កាំភ្លើង​ធំ បណ្តាល​ឱ្យ​មនុស្ស​ស្លាប់ និង​រង​របួសជា​ច្រើន​អ្នក​

ICRC បានឲ្យដឹងថា គ្រាប់កាំភ្លើងធំបានធ្លាក់ត្រឹមតែប៉ុន្មានម៉ែត្រពីការិយាល័យ និងលំនៅដ្ឋានរបស់បុគ្គលិក ICRC។ ICRC បានសង្កត់ធ្ងន់ថា ការបាញ់ផ្លោងនៅជិតកន្លែងមនុស្សធម៌ ជាកន្លែងដែលភាគីជម្លោះសុទ្ធតែស្គាល់ដល់ ហើយត្រូវបានគួសសញ្ញាយ៉ាងច្បាស់ជាមួយនិមិត្តសញ្ញាកាកបាទក្រហម បានបង្កគ្រោះថ្នាក់ដល់អាយុជីវិតរបស់ជនស៊ីវិល និងបុគ្គលិកកាកបាទក្រហម។

ផ្សែងហុយឡើងបន្ទាប់ពីការបាញ់ផ្លោងរបស់អ៊ីស្រាអែលលើតំបន់ហ្គាហ្សា ថ្ងៃទី ២០ ខែមិថុនា ឆ្នាំ ២០២៤ (រូបថត៖ vnanet.vn)

ក្នុងពេលជាមួយគ្នានោះ យោងតាមទិន្នន័យពីអាជ្ញាធរសុខាភិបាលនៅតំបន់ហ្គាហ្សា មនុស្ស ២៥ នាក់បានស្លាប់ និង ៥០ នាក់ផ្សេងទៀតរងរបួសនៅក្នុងការបាញ់ផ្លោងខាងលើ។ ទីភ្នាក់ងារនេះបានចាត់ទុកថា ការបាញ់ផ្លោងត្រូវបានធ្វើឡើងដោយអ៊ីស្រាអែល សំដៅទៅលើតង់របស់ជនភៀសខ្លួននៅក្នុងតំបន់ Al-Mawasi ជុំវិញការិយាល័យ ICRC។ អ្នកនាំពាក្យរបស់កងកម្លាំងការពារអ៊ីស្រាអែល (IDF) បានបដិសេធការចោទប្រកាន់ទាំងអស់ ហើយបាននិយាយថា កំពុង "ពិនិត្យមើល" លើឧប្បត្តិហេតុនេះ៕

តាម vovworld.vn