គណៈកម្មការសហជីពការពារប្រទេសទទួលបានគ្រឿងឥស្សរិយយសការពារមាតុភូមិថ្នាក់ទី ៣

ថ្លែងសុន្ទរកថានៅក្នុងពិធីនេះ លោកវរសេនីយ៍ឯក Nguyen Dinh Duc ប្រធានគណៈកម្មការសហជីពការពារប្រទេស បានរំលឹកឡើងវិញនូវភាពក្លាហានមោះមុត និងយុទ្ធជ័យជាច្រើនរបស់កម្មាភិបាល សមាជិកសហជីព កម្មករនិយោជិត បុគ្គលិកការពារប្រទេសដែលរួមចំណែកក្នុងការកសាង និងការពារមាតុភូមិ។

លោករដ្ឋមន្ត្រី Phan Van Giang ប្រគល់គ្រឿងឥស្សរិយយសការពារមាតុភូមិថ្នាក់ទី ៣ ជូនគណៈកម្មការសហជីពការពារប្រទេស

សុន្ទរកថាបានសង្កត់ធ្ងន់ថា៖ ឆ្លងកាត់រយៈពេល ៧៥ ឆ្នាំនៃការកសាង តស៊ូ និងរីកចម្រើន ស្ថាប័នសហជីពការពារប្រទេសតែងតែផ្សារភ្ជាប់ជាមួយនឹងប្រវត្តិសាស្ត្របដិវត្តន៍ដ៏ត្រចះត្រចង់របស់បក្ស ប្រទេសជាតិ និងកងទ័ពប្រជាជនវៀតណាមវីរភាព។ ក្នុងដំណាក់កាលប្រវត្តិសាស្ត្រនីមួយៗ កម្មាភិបាល សមាជិក សហជីពនិងពលករតែងតែរក្សា និងលើកតម្កើងភាពថ្លៃថ្លារបស់ “កងទ័ពអ៊ំហូ” ប្រពៃណីរបស់វណ្ណៈកម្មករវៀតណាម  ជំនះពុះពារការលំបាក ហ៊ានគិត ហ៊ានធ្វើ មានភាព​ច្នៃប្រឌិត ជាម្ចាស់ការក្នុង​វិទ្យាសាស្ត្របច្ចេកវិទ្យា រួមចំណែកបង្កើតកម្លាំងរួមរបស់កងទ័ព រួមចំណែកដ៏សក្តិសមចំពោះយុទ្ធជ័យ និងស្នាដៃរបស់កងទ័ពប្រជាជនវៀតណាម។

លោករដ្ឋមន្ដ្រី Phan Van Giang និងលោកនាយឧត្តមសេនីយ៍ Luong Cuong ប្រធានអគ្គស្នងការនយោបាយនៃកងទ័ពប្រជាជន និងប្រតិភូជាច្រើនថតរូបជាអនុស្សាវរីយ៍

ដោយទទួលស្គាល់នូវការខិតខំប្រឹងប្រែង និងសមិទ្ធិផលសម្រេចបានក្នុងរយៈពេល ៧៥ ឆ្នាំកន្លងមក ស្ថាប័នសហជីព និងគណៈកម្មការសហជីពការពារប្រទេសត្រូវបានបក្ស រដ្ឋ កងទ័ព សហព័ន្ធពលករវៀតណាមប្រគល់រង្វាន់ដ៏ថ្លៃថ្លាជាច្រើន៕

បកប្រែដោយ Pham Diep