កងឆ្មាំសមុទ្រវៀតណាម - ចិន ពង្រឹងការសម្របសម្រួលក្នុងការទប់ស្កាត់ និងប្រយុទ្ធប្រឆាំងនឹងឧក្រិដ្ឋកម្ម

ភាគីទាំងពីរបានពិភាក្សាអំពីស្ថានភាពឧក្រិដ្ឋកម្មនៅតំបន់ព្រំដែនសមុទ្រវៀតណាម-ចិន និងទិសដៅនៃការសម្របសម្រួលរវាងកងឆ្មាំសមុទ្រវៀតណាម និងកងឆ្មាំសមុទ្រចិនក្នុងការប្រយុទ្ធប្រឆាំងនឹងឧក្រិដ្ឋកម្ម និងការបំពានច្បាប់នៅសមុទ្រ។ ភាគីទាំងពីរបានឯកភាពរៀបចំការយាមល្បាតរួមគ្នា ដើម្បីទប់ស្កាត់ និងប្រយុទ្ធប្រឆាំងនឹងឧក្រិដ្ឋកម្ម និងការរំលោភបំពាននានានៅសមុទ្រក្នុងដែនទឹកជាប់ព្រំដែន ចាប់ពីចំណុចទី១ ដល់ចំណុចទី៩ នៃខ្សែបន្ទាត់បោះបង្គោលឈូងសមុទ្រតុងកឹង ឱ្យបានរៀងរាល់ត្រីមាសម្តង។

កម្លាំងកងឆ្មាំសមុទ្រវៀតណាម ចូលរួមកិច្ចប្រជុំតាមប្រព័ន្ធវីដេអូ

លើសពីនេះ ភាគីទាំងពីរបានឯកភាពបង្កើនការចែករំលែកព័ត៌មានអំពីស្ថានភាពឧក្រិដ្ឋកម្មនៅតំបន់ឈូងសមុទ្រតុងកឹង ដោយផ្តោតលើសកម្មភាពរត់ពន្ធ គ្រឿងញៀន និងអន្តោប្រវេសន៍ខុសច្បាប់។ ដោយផ្អែកលើព័ត៌មានដែលបានកត់ត្រាអំពីស្ថានភាពនៃសកម្មភាពឧក្រិដ្ឋកម្មនៅតំបន់ឈូងសមុទ្រតុងកឹង ភាគីទាំងពីរនឹងរួមគ្នាបង្កើតផែនការមួយដើម្បីរាយការណ៍ជូនអាជ្ញាធរមានសមត្ថកិច្ចនៃភាគីនីមួយៗដើម្បីសម្របសម្រួលអនុវត្ត។

លើសពីនេះ ដោយផ្អែកលើស្ថានភាពឧក្រិដ្ឋកម្ម ភាគីទាំងពីរនឹងរាយការណ៍ជូនអាជ្ញាធរមានសមត្ថកិច្ចនៃភាគីនីមួយៗ ដើម្បីអនុញ្ញាតឱ្យកងឆ្មាំសមុទ្រវៀតណាម និងកងឆ្មាំសមុទ្រចិន រៀបចំការសមយុទ្ធរួមស្តីពីការទប់ស្កាត់ និងប្រយុទ្ធប្រឆាំងនឹងឧក្រិដ្ឋកម្មឆ្នាំ ២០២៤ ផងដែរ៕

បកប្រែដោយ Huyen Trang