លើកកំពស់តួនាទីស្ត្រីក្នុងប្រតិបត្តិការរក្សាសន្តិភាព

ការផ្លាស់ប្តូរបទពិសោធន៍ប្រព្រឹត្តទៅដោយផ្ទាល់និងតាមប្រព័ន្ធវីដេអូ

នេះគឺជាការផ្លាស់ប្តូរបទពិសោធន៍លើកទី៤ ស្តីពី WPS ដែលរៀបចំដោយនាយកដ្ឋានរក្សាសន្តិភាពវៀតណាម និងការិយាល័យអនុព័ន្ធយោធា នៃស្ថានទូតអូស្ត្រាលីប្រចាំវៀតណាម ដោយផ្តោតលើខ្លឹមសារសំខាន់ៗចំនួន៤៖ តួនាទីបុរសក្នុងការជម្រុញ WPS ក៏ដូចជាលើកទឹកចិត្តដល់ការចូលរួមប្រកបដោយប្រសិទ្ធភាពនៃកម្មាភិបាលនារី ក្នុងសកម្មភាពរក្សាសន្តិភាពនៅស្ថានបេសកកម្ម; ស្ថានភាពបច្ចុប្បន្ន ការលំបាក បញ្ហាប្រឈម ដែលស្ត្រីកំពុងប្រឈមមុខក្នុងសកម្មភាពរក្សាសន្តិភាពរបស់អង្គការសហប្រជាជាតិ; តើដើម្បីពង្រីកសមត្ថភាព និងការរួមចំណែករបស់កម្មាភិបាលនារីក្នុងសកម្មភាពរក្សាសន្តិភាពរបស់អង្គការសហប្រជាជាតិ បុរសអាចសហការជាមួយស្ត្រីយ៉ាងដូចម្តេច; បទបិសោធន៍ក្នុងការអនុវត្តរបៀបវារៈ WPS។

ការផ្លាស់ប្តូរនេះរួមមានការចូលរួមពីកម្មាភិបាល និងនាយទាហានវៀតណាមដែលមានបទពិសោធន៍ក្នុងការបំពេញភារកិច្ចនៅស្ថានបេសកកម្ម និងការចែករំលែកតាមប្រព័ន្ធវីដេអូពីតំណាងមជ្ឈមណ្ឌលបង្វឹកបង្ហាត់រក្សាសន្តិភាពអូស្ត្រាលី  នគរបាលសហព័ន្ធអូស្ត្រាលី និងនាយទាហានអូស្ត្រាលីដែលកំពុងបំពេញភារកិច្ចនៅបណ្ដាស្ថានបេសកកម្ម៕

បកប្រែដោយ Thuy Anh