ក្រសួងការពារប្រទេសជួបសំណេះសំណាល និងជូនអំណោយដល់អ្នកមានគុណបំណាច់ចំពោះបដិវត្តន៍ខេត្ត Kien Giang

ក្នុងជំនួបនេះ លោកឧត្តមសេនីយ៍ទោ Le Quang Minh បានអញ្ជើញទៅសួរសុខទុក្ខ និងពាំនាំអំណោយរបស់ក្រសួងការពារប្រទេសដល់គណៈប្រតិភូអ្នកមានគុណបំណាច់ចំពោះបដិវត្តន៍ខេត្ដ Kien Giang ចំនួន ៦៥ នាក់ ទន្ទឹមនឹងនោះបានជូនដំណឹងអំពីបញ្ហាលេចធ្លោមួយចំនួនក្នុងការងារគោលនយោបាយសម្រាប់កងទ័ព និងសមរភូមិក្រោយកងទ័ព ជាពិសេសលទ្ធផល​នៃចលនា "តបស្នងសងគុណ " របស់កងទ័ពទាំងមូលនាពេលកន្លងមក។

លោកឧត្តមសេនីយ៍ទោ Le Quang Minh ថ្លែងក្នុងជំនួបសំណេះសំណាល

តាមនោះ គណៈកម្មាធិការបក្សយោធាមជ្ឈិម និងក្រសួងការពារប្រទេសបានដឹកនាំ និងណែនាំដល់អាជ្ញាធរពាក់ព័ន្ធ សហការយ៉ាងជិតស្និទ្ធជាមួយក្រសួង ស្ថាប័នមជ្ឈិម និងមូលដ្ឋាននានាដើម្បីស្រាវជ្រាវ និងលើកសំណើជាមួយបក្ស រដ្ឋ ដើម្បីចេញនិងបំពេញបន្ថែមឯកសារច្បាប់ទាន់ពេលនូវរបបនិងគោលនយោបាយសម្រាប់យុទ្ធជនពិការ យុទ្ធជនពលី និងអ្នកមានគុណបំណាច់​ចំពោះបដិវត្តន៍ និងគោលនយោបាយសមរភូមិក្រោយកងទ័ព។

ប្រតិភូទាំងឡាយចូលរួមជំនួបសំណេះសំណាល (រូបថត៖ vnanet.vn)

ចលនា “តបស្នងសងគុណ” ត្រូវបានគណៈកម្មាធិការបក្ស មេបញ្ជាការគ្រប់លំដាប់ថ្នាក់ក្នុងកងទ័ពយកចិត្ដទុកដាក់ដឹកនាំ  ប្រមូលធនធានជាច្រើនដើម្បីថែរក្សាអ្នកមានគុណបំណាច់ចំពោះបដិវត្ដន៍។ កងទ័ពតែងតែលើកសំណើ និងអនុវត្ដយ៉ាងយកចិត្ដទុក​ដាក់នូវគោលនយោបាយសម្រាប់អ្នកដែលចូលរួមសង្គ្រាមការពារមាតុភូមិ និងបំពេញកាតព្វកិច្ចអន្ដរជាតិ និងដោះស្រាយយ៉ាង​សកម្មនូវគោលនយោបាយក្រោយសង្គ្រាម៕

បកប្រែដោយ Pham Diep