ពិធីគោរពវិញ្ញាណក្ខន្ធសពឧត្តមសេនីយ៍ឯក Nguyen Chi Vinh

១៨ កញ្ញា ២០២៣ (19:08)

កប.អនឡាញ -នាវេលាម៉ោង ១២ និង៣០នាទី ថ្ងៃទី១៨ ខែកញ្ញា នៅវិមានបុណ្យសពជាតិ (លេខ៥ Tran Thanh Tong ទីក្រុងហាណូយ) គណៈកម្មាធិការមជ្ឈិមបក្ស គណៈកម្មាធិការបក្សយោធាមជ្ឈិម ក្រសួងការពារប្រទេស និងក្រុមគ្រួសារបានរៀបចំពិធីគោរពវិញ្ញាណក្ខន្ធសពលោកឧត្តមសេនីយ៍ឯក Nguyen Chi Vinh អតីតអនុរដ្ឋមន្ត្រីក្រសួងការពារប្រទេសវៀតណាម។

នាវាលេខ ២១៥ តំបន់លេខ ២ កងទ័ពជើងទឹកវៀតណាមជួយសង្គ្រោះអ្នកនេសាទនៅសមុទ្រ

ទិដ្ឋភាពនៃពិធីគោរពវិញ្ញាណក្ខន្ធសពឧត្តមសេនីយ៍ឯក Nguyen Chi Vinh

លោកនាយឧត្តមសេនីយ៍ Phan Van Giang រដ្ឋមន្ត្រីក្រសួងការពារប្រទេសវៀតណាមអានវិយោគកថាក្នុងពិធីគោរពវិញ្ញាណក្ខន្ធសពលោកឧត្តមសេនីយ៍ឯក Nguyen Chi Vinh ដោយបញ្ជាក់ថា លោកឧត្តមសេនីយ៍ឯក Nguyen Chi Vinh ជាសមាជិកបក្សដ៏ស្មោះត្រង់ ជាកម្មាភិបាលជាន់ខ្ពស់របស់បក្សនិងកងទ័ព ជាឧត្តមសេនីយ៍មួយដែលមានចក្ខុវិស័យយុទ្ធសាស្ត្រ អង់អាចក្លាហាន និងត្រូវបានបក្ស កងទ័ព និងប្រជាជនជឿទុកចិត្ដ។

លោកនាយឧត្តមសេនីយ៍ Phan Van Giang រដ្ឋមន្ត្រីក្រសួងការពារប្រទេសវៀតណាមអានវិយោគកថាក្នុងពិធីគោរពវិញ្ញាណក្ខន្ធសពលោកឧត្តមសេនីយ៍ឯក Nguyen Chi Vinh

លោកឧត្តមសេនីយ៍ឯក Nguyen Chi Vinh កើតនៅថ្ងៃទី ១៥ ខែ ឧសភា ឆ្នាំ ១៩៥៧។ ស្រុកកំណើតនៅស្រុក Quang Dien ខេត្ត Thua Thien Hue ។ លោកឧត្តមសេនីយ៍ឯក Nguyen Chi Vinh ធ្លាប់ទទួលតួនាទីជាសមាជិកមជ្ឈិមបក្សនីតិកាលទី XI និង XII និងជាអនុរដ្ឋមន្ត្រីក្រសួងការពារប្រទេសពីឆ្នាំ ២០០៩ ដល់ឆ្នាំ ២០២១។

ក្នុងតួនាទីជាអនុរដ្ឋមន្ត្រីក្រសួងការពារប្រទេសទទួលបន្ទុកកិច្ចការបរទេស លោកឧត្តមសេនីយ៍ឯក Nguyen Chi Vinh បានរួមចំណែកជាច្រើនក្នុងវិស័យការទូតការពារជាតិរបស់វៀតណាម។ លោកឧត្តមសេនីយ៍ឯក Nguyen Chi Vinh ត្រូវបានបំពាក់គ្រឿងឥស្សរិយយសដ៏ថ្លៃថ្លាជាច្រើនពីបក្ស រដ្ឋ និងគ្រឿងឥស្សរិយយសដ៏ថ្លៃថ្លាពីប្រទេសមួយចំនួនដូចជា រុស្ស៊ី ជប៉ុន ឡាវ គុយបា កម្ពុជា ...។

ពិធីបញ្ចុះសពលោកឧត្តមសេនីយ៍ឯក Nguyen Chi Vinh នឹងប្រព្រឹត្តទៅនៅម៉ោង ១៧ និង១៥នាទី ល្ងាចថ្ងៃដដែល នៅទីបញ្ចុះសព Thien Duc (ឃុំ Bao Thanh ស្រុក Phu Ninh ខេត្ត Phu Tho)៕