ក្រុមទ័ពជាងលេខ២ ចាប់ផ្តើមសកម្មភាពជួយឧបត្ថម្ភកុមារនៅ Abyei

លោកវរសេនីយ៍ឯក Nguyen Viet Hung ប្រធានក្រុមទ័ពជាងលេខ២ មេបញ្ជាការកងកំលាំងវៀតណាមដែលចូលរួមសកម្មភាពរក្សាសន្តិភាពរបស់អង្គការសហប្រជាជាតិនៅស្ថានបេសកកម្មរក្សាសន្តិសុខបណ្តោះអាសន្នរបស់អង្គការសហប្រជាជាតិនៅតំបន់ Abyei (UNISFA) និងលោក Hon. Nyinkwany Aguer Bol រដ្ឋមន្ត្រី បានដឹកនាំក្រុមបេសកកម្ម។

ក្រុមទ័ពជាងលេខ២ ជាមួយកុមារនៅ Abyei

លទ្ធផលនៃការពិនិត្យបង្ហាញថា នៅ Abyei បច្ចុប្បន្នមានសាលារៀនធំតូចប្រមាណ ១០។ សាលាខ្លះមានសិស្សជិត ២០០ នាក់ ស្ថិតនៅចម្ងាយ ២០ គីឡូម៉ែត្រពីកណ្តាលតំបន់ Abyei ហើយផ្លូវធ្វើដំណើរពិបាកខ្លាំងណាស់។ សាលាធំជាងគេមានសិស្សជិត ៣,០០០ នាក់ ដែលប្រមូលផ្តុំពីសាលាចំនួន ៧ ផ្សេង។ សាលារៀនទាំងអស់នៅ Abyei ប្រឈមមុខនឹងបញ្ហាដូចគ្នាគឺសម្ភារៈបរិក្ខារមិនល្អ កង្វះថ្នាក់រៀន បន្ទប់បរិភោគអាហារ បង្គន់អនាម័យ។

បន្ទាប់ពីបញ្ចប់ការពិនិត្យ ក្រុមបេសកកម្មបានជួបជាមួយក្រសួងអប់រំ និងសំណង់ ដើម្បីពិភាក្សាអំពីវិធានការជួសជុលសាលារៀនឡើងវិញ។ លោកអនុសេនីយ៍ឯក Phung The Khanh នាយទាហានសម្របសម្រួលសកម្មភាពយោធានិងស៊ីវិល (CIMIC) នៃក្រុមទ័ពជាងលេខ២ បានចែករំលែកថា ទន្ទឹមនឹងការបំពេញភារកិច្ចជំនាញវិស្វកម្ម ក្រុមទ័ពជាងលេខ២ វៀតណាមតែងតែចាត់ទុកថា ការជួយឧបត្ថម្ភប្រជាជនគឺជាភារកិច្ចទៀងទាត់ និងយូរអង្វែង។ ដើម្បីអនុវត្តប្រកបដោយប្រសិទ្ធភាព តម្រូវឲ្យមានកិច្ចសហការ និងការប្តេជ្ញាចិត្តនៃកងកម្លាំងវៀតណាមដែលចូលរួមសកម្មភាពរក្សាសន្តិភាពរបស់អង្គការសហប្រជាជាតិនៅស្ថានបេសកកម្ម UNISFA និងអាជ្ញាធរមូលដ្ឋាន។ នៅពេលខាងមុខ អង្គភាពនឹងផ្តោតលើសកម្មភាពជួយគាំទ្រសម្រាប់វិស័យអប់រំនៅក្នុងតំបន់ Abyei។

ក្នុងក្រខ័ណ្ឌនៃសកម្មភាពពិនិត្យ កងកម្លាំងវៀតណាមដែលចូលរួមសកម្មភាពរក្សាសន្តិភាពរបស់អង្គការសហប្រជាជាតិនៅស្ថានបេសកកម្ម UNISFA បានទៅទស្សនាសាលាមត្តេយ្យនៅវិហារ Abyei។ ក្នុងឱកាសនេះ ក្រុមទ័ពជាងលេខ២ បានបញ្ជាំងភាពយន្តជីវចល និងចែកស្ករគ្រាប់ដល់កុមារដែរ៕

បកប្រែដោយ Thuy Anh