ពិធីរំលឹកខួបលើកទី ៧៥ នៃទិវាអន្តរជាតិកងកម្លាំងរក្សាសន្តិភាពអង្គការសហប្រជាជាតិ

នៅក្នុងពិធីនេះ មេបញ្ជាការនិងថ្នាក់ដឹកនាំស្ថានបេសកកម្មបានដាក់កម្រងផ្ការំលឹកវិញ្ញាណក្ខន្ធកម្មាភិបាល  និងបុគ្គលិករក្សាសន្តិភាពអង្គការសហប្រជាជាតិដែលបានពលីជីវិតក្នុងអំឡុងពេលបំពេញបេសកកម្ម។ ពិធីរំលឹកវិញ្ញាណក្ខន្ធបានប្រព្រឹត្តទៅក្នុងបរិយាកាសយ៉ាងឱឡារឹក បង្ហាញស្មារតីទទួលខុសត្រូវ សាមគ្គីភាព ជួយគ្នាទៅវិញទៅមក និងការប្តេជ្ញាចិត្តបំពេញបេសកកម្មរក្សាសន្តិភាពរបស់អង្គការសហប្រជាជាតិនៃកងកម្លាំងមួកខៀវនៅស្ថានបេសកកម្ម UNISFA ។

ក្បួនដង្ហែរនៃក្រុមទ័ពជាងវៀតណាមចូលរួមពិធី

ថ្លែងក្នុងពិធីនោះ លោកឧត្តមសេនីយ៍ត្រី Benjamin Olufemi Sawyerr បានសង្កត់ធ្ងន់ថា៖ ប្រធានបទឆ្នាំនេះគឺ "សន្តិភាពចាប់ផ្តើមពីខ្ញុំ"។ ខ្ញុំចង់ឲ្យយើងម្នាក់ៗចងចាំចំណុចនេះដើម្បីបន្តចូលរួមចំណែកជូនសហគមន៍ និងទាំងអស់គ្នា។ ខ្ញុំសូមកោតសរសើរចំពោះភាពក្លាហាន ការធ្វើសកម្មភាព និងការប្តេជ្ញាចិត្តរបស់មិត្ដទាំងអស់ចំពោះបេសកកម្មរក្សាសន្តិភាពរបស់អង្គការសហប្រជាជាតិ។ ក្នុងឱកាសនេះ លោកឧត្តមសេនីយ៍ត្រី Benjamin Olufemi Sawyerr បានពាំនាំនូវសាររបស់អគ្គលេខាធិការអង្គការសហប្រជាជាតិដែលមានខ្លឹមសារថា ៖ «កងកម្លាំងរក្សាសន្តិភាពគឺជា «បេះដូងកំពុងលោត» ជាមួយនឹងការប្តេជ្ញាចិត្តដើម្បីពិភពលោកមួយដែលមានសន្តិភាពជាងមុន។ អស់រយៈពេល ៧៥ ឆ្នាំមកនេះ ពួកគេបានជួយឧបត្ថម្ភគ្រប់គ្នានិងសហគមន៍ដែលរងផលប៉ះពាល់ដោយជម្លោះ និងអស្ថិរភាពនៅជុំវិញពិភពលោក។

ក្នុងពិធីផ្លាស់ប្តូរវប្បធម៌-ម្ហូបអាហារ អង្គភាពនីមួយៗបានឧទ្ទេសនាមស្តង់ម្ហូបអាហារដែលមានលក្ខណៈប្រចាំតំបន់នៃប្រទេសនីមួយៗ។ ស្តង់ម្ហូបអាហាររបស់ក្រុមទ័ពជាងវៀតណាមបានបន្សល់ទុកនូវចំណាប់អារម្មណ៍យ៉ាងខ្លាំងចំពោះមិត្តភក្តិអន្ដរជាតិ។

ក្នុងឱកាសនេះ តាមរយៈកញ្ចក់ទូរទស្សន៍ ក្រុមទ័ពជាងវៀតណាមបានឧទ្ទេសនាមអំពីរូបភាពទឹកដី ប្រជាជន និងរម្មណីយដ្ឋាននៃប្រទេសវៀតណាម។ ជាពិសេស មុខម្ហូបបែបប្រពៃណីវៀតណាមដូចជា៖ នំ ណែម កាហ្វេ តែក្រូចឆ្មា ... ។ ទន្ទឹមនឹងនោះ  អង្គភាពទាំងឡាយក៏បានសម្តែងវប្បធម៌ដែលមានលក្ខណៈប្រពៃណី។

ទិវាអន្តរជាតិកងកម្លាំងរក្សាសន្តិភាពអង្គការសហប្រជាជាតិបានផ្តល់កិត្តិយសដល់ការរួមចំណែកដ៏ធំធេងចំពោះសន្តិភាព និងសន្តិសុខអន្តរជាតិ។ ចាប់តាំងពីឆ្នាំ ១៩៤៨ កម្លាំងរក្សាសន្តិភាពជាង ២ លាននាក់ ត្រូវបានដាក់ពង្រាយនៅក្នុងស្ថានបេសកកម្មចំនួន ៧១ ដែលជួយប្រទេសនានាឱ្យយកឈ្នះលើការលំបាកជាច្រើនពីសង្គ្រាមរហូតដល់សន្តិភាព។ បច្ចុប្បន្ននេះ មានយុទ្ធជនចូលរួមកងកម្លាំងរក្សាសន្តិភាពរបស់អង្គការសហប្រជាជាតិជាង ៨៧,០០០ នាក់ មកពីប្រទេសចំនួន ១២៥ ដែលត្រូវបានដាក់ពង្រាយនៅស្ថានបេសកកម្មចំនួន ១២៕

បកប្រែដោយ Thanh Cong