អង្គភាពធានារ៉ាប់រងសង្គមក្រសួងការពារប្រទេសវៀតណាមទទួលគ្រឿងឥស្សរិយយសការពារប្រទេសជាតិថ្នាក់ទី២

លោកនាយឧត្តមសេនីយ៍ Luong Cuong សមាជិកការិយាល័យនយោបាយ សមាជិកអចិន្ត្រៃយ៍នៃគណៈកម្មាធិការបក្សយោធាមជ្ឈិម ប្រធានអគ្គស្នងការនយោបាយនៃកងទ័ពប្រជាជនវៀតណាម បានអញ្ជើញចូលរួម និងថ្លែងសុន្ទរកថា។ តាងនាមថ្នាក់ដឹកនាំបក្ស និងរដ្ឋ លោកនាយឧត្តមសេនីយ៍ Luong Cuong បានប្រគល់គ្រឿងឥស្សរិយយសការពារប្រទេសជាតិថ្នាក់ទី២ ដល់អង្គភាពធានារ៉ាប់រងសង្គមក្រសួងការពារប្រទេស។

លោកនាយឧត្តមសេនីយ៍ Luong Cuong ប្រគល់គ្រឿងឥស្សរិយយសការពារប្រទេសជាតិថ្នាក់ទី២ ដល់អង្គភាពធានារ៉ាប់រងសង្គមក្រសួងការពារប្រទេស

ថ្លែងមតិក្នុងពិធីនេះ លោកនាយឧត្តមសេនីយ៍ Luong Cuong បានកោតសរសើរ និងអបអរសាទរចំពោះសមិទ្ធិផលដែលអង្គភាពធានារ៉ាប់រងសង្គមក្រសួងការពារប្រទេសសម្រេចបានក្នុងរយៈពេល ១៥ ឆ្នាំកន្លងមក។ អង្គភាពធានារ៉ាប់រងសង្គមក្រសួងការពារប្រទេសបានរួបរួមគ្នា ម្ចាស់ការ ច្នៃប្រឌិត ជំនះការលំបាក និងខិតខំបំពេញភារកិច្ចដែលបានប្រគល់ជូនបានល្អ។ ព្រមទាំងបញ្ជាក់ពីតួនាទីជាអង្គភាពទទួលបន្ទុកអនុវត្តរបបគោលនយោបាយ ធានារ៉ាប់រងសង្គម និងសុខភាពរបស់កងទ័ព។

ដើម្បីបំពេញភារកិច្ចប្រកបដោយជោគជ័យនាពេលខាងមុខ លោកនាយឧត្តមសេនីយ៍ Luong Cuong បានស្នើឱ្យអង្គភាពធានារ៉ាប់រងសង្គមក្រសួងការពារប្រទេសបន្តជ្រួបជ្រាប និងអនុវត្ដប្រកបដោយប្រសិទ្ធភាពនូវគោលការណ៍របស់បក្ស គោលនយោបាយ និងច្បាប់របស់រដ្ឋលើការធានារ៉ាប់រងសង្គម និងការធានារ៉ាប់រងសុខភាព; ផ្តោតសំខាន់លើគោលនយោបាយអភិវឌ្ឍន៍ប្រព័ន្ធសន្តិសុខសង្គម ដោយយោងតាមស្មារតីនៃសេចក្តីសម្រេចចិត្តនៃមហាសន្និបាតលើកទី១៣ របស់បក្សកុម្មុយនិស្តវៀតណាម និងសេចក្តីសម្រេចចិត្តនៃសន្និសីទលើកទី៧ នៃគណៈកម្មាធិការមជ្ឈិមបក្សលើកទី១២ ស្តីពីការកែទម្រង់គោលនយោបាយធានារ៉ាប់រងសង្គម និងច្បាប់ស្តីពីការធានារ៉ាប់រងសង្គម, ច្បាប់ស្តីពីការធានារ៉ាប់រងសុខភាព និងអនុក្រឹត្យរបស់រដ្ឋាភិបាល។

លោកនាយឧត្តមសេនីយ៍ Luong Cuong និងប្រតិភូទាំងឡាយក្នុងពិធី

លោកប្រធានអគ្គស្នងការនយោបាយនៃកងទ័ពប្រជាជនវៀតណាមបានសង្កត់ធ្ងន់ថា អង្គភាពធានារ៉ាប់រងសង្គមក្រសួងការពារប្រទេសត្រូវលើកកំពស់គុណភាពនៃការស្រាវជ្រាវ ការធ្វើសេនាធិការ ការលើកសំណើ និងការអនុវត្តប្រកបដោយប្រសិទ្ធភាពនូវរបបនិងគោលនយោបាយធានារ៉ាប់រងសង្គម និងការធានារ៉ាប់រងសុខភាពនៅក្នុងជួរកងទ័ពឲ្យស្របទៅនឹងប្រតិបត្តិការយោធា។ ផ្តោតលើការស្រាវជ្រាវ ផ្តល់យោបល់ និងកែលម្អយន្តការ និងគោលនយោបាយធានារ៉ាប់រងសង្គម និងធានារ៉ាប់រងសុខភាព ដើម្បីធានាឱ្យបានកាន់តែប្រសើរឡើងនូវផលប្រយោជន៍សម្រាប់អ្នកទទួលរបប ជាពិសេសកងកម្លាំងបំពេញការងារពិសេស។ រៀបចំការគ្រប់គ្រង និងប្រើប្រាស់មូលនិធិធានារ៉ាប់រងសង្គម និងធានារ៉ាប់រងសុខភាពយ៉ាងតឹងរ៉ឹង ត្រឹមត្រូវតាមបទប្បញ្ញត្តិ, ចៀសវាងការខាតបង់, ការខ្ជះខ្ជាយ និងអវិជ្ជមានជាដាច់ខាត ...៕

បកប្រែដោយ Pham Diep