កងទ័ពពិសេសត្រូវតែមានភាពចំណានពិសេសជានិច្ច

លោកនាយឧត្តមសេនីយ៍ Phan Van Giang និងលោកឧត្តមសេនីយ៍ឯក Nguyen Tan Cuong ត្រួតពិនិត្យការពាក់យោធបរិក្ខាររបស់នាយទាហាន នាយទាហាន និងពលទាហាននៃកងពលតូចលេខ ១១៣

លោកនាយឧត្តមសេនីយ៍ Phan Van Giang បានស្នើឱ្យកងពលតូចទ័ពពិសេសលេខ ១១៣ បង្កើនគុណភាពនៃការហ្វឹកហ្វឺន និងសមត្ថភាពត្រៀមប្រយុទ្ធជានិច្ច ជាពិសេសបង្កើនគុណភាពនៃការហ្វឹកហាត់ក្បាច់គុន បច្ចេកទេស និងយុទ្ធវិធី។ ខ្លឹមសារ និងកម្មវិធីបណ្តុះបណ្តាលត្រូវតែមានភាពសមស្របនឹងក្របខ័ណ្ឌ សព្វាវុធ មធ្យោបាយ យោធបរិក្ខារ គ្រឿងបំពាក់ដែលមានស្រាប់ និងនិន្នាការអភិវឌ្ឍន៍ក្នុងប៉ុន្មានឆ្នាំខាងមុខ ផ្សាភ្ជាប់នឹងតម្រូវការ ភារកិច្ច និងភូមិសាស្ត្រប្រយុទ្ធ។ ក្នុងពេលជាមួយគ្នានេះ ត្រូវចេះពីរបៀបអនុវត្តដោយមានភាពបត់បែននូវក្បាច់គុន និងបច្ចេកទេសទៅក្នុងយុទ្ធវិធី ដោយដំឡើងទៅជាសិល្បៈប្រយុទ្ធ និងរបៀបប្រយុទ្ធពិសេសរបស់កងទ័ពពិសេស។

លោករដ្ឋមន្ត្រី Phan Van Giang បានកត់សម្គាល់ថា នាយទាហាន នាយទាហានរង ពលទាហាន នៃកងពលតូចទ័ពពិសេសលេខ ១១៣ និយាយដោយឡែក និងកងឯកភាពទ័ពពិសេសនិយាយរួម ត្រូវយកចិត្តទុកដាក់យ៉ាងខ្លាំងក្នុងការកសាងស្មារតីសាមគ្គីភាព និងគោរពវិន័យយ៉ាងតឹងរឹង។

លោកនាយឧត្តមសេនីយ៍ Phan Van Giang និងលោកឧត្តមសេនីយ៍ឯក Nguyen Tan Cuong ថតរូប​ជា​មួយ​កង​ទ័ពពិសេស

ទន្ទឹមនឹងនោះ លោករដ្ឋមន្ត្រី Phan Van Giang បានស្នើឱ្យអង្គភាពត្រូវផ្សព្វផ្សាយ និងអនុវត្តឱ្យបានល្អនូវប្រធានបទឆ្នាំ២០២៣ "ជាឆ្នាំនៃការកែសម្រួលកងកម្លាំង"; កែតម្រូវក្របខ័ណ្ឌដើម្បីធានាការកែលម្អគុណភាព និងសមត្ថភាពត្រៀមប្រយុទ្ធ បំពេញតាមតម្រូវការនៃភារកិច្ច។ ផ្តោតលើការកសាងអង្គភាពមានភាពរឹងមាំទាំងខាងនយោបាយ សតិអារម្មណ៍ សីលធម៌  ធានាថា អង្គការបក្សមានភាពស្អាតស្អំ និងរឹងមាំជានិច្ច ធ្វើឱ្យប្រសើរឡើងដោយឥតឈប់ឈរ និងលើកកំពស់ជីវភាពរស់នៅទាំងខាងសម្ភារៈ និងស្មារតីសម្រាប់កងទ័ព និងគ្រួសារកងទ័ព៕

បកប្រែដោយ Duy Hoan