អញ្ជើញចូលរួមពិធីបើកមានលោកឧត្តមសេនីយ៍ឯក Hoang Xuan Chien អនុរដ្ឋមន្ត្រីក្រសួងការពារប្រទេស; លោកឧត្តមសេនីយ៍ត្រី Nguyen Van Gau អនុប្រធានអគ្គស្នងការនយោបាយនៃកងទ័ពប្រជាជនវៀតណាម; លោកឧត្តមសេនីយ៍ទោ Nguyen Van Nghia អនុប្រធានអគ្គសេនាធិការនៃកងទ័ពប្រជាជនវៀតណាម ប្រធានគណៈកម្មការរៀបចំការប្រកួត Army Games 2022 នៅវៀតណាម; លោកឧត្តមនាវីត្រី Subbotin Andrei Nikolaevich តំណាងគណៈកម្មការរៀបចំការប្រកួត Army Games 2022 នៃក្រសួងការពារជាតិរុស្ស៊ី រួមទាំងឯកអគ្គរដ្ឋទូត និងអនុព័ន្ធយោធានៃបណ្ដាប្រទេសដែលចូលរួមការប្រកួត។

leftcenterrightdel
កម្មវិធីសម្តែងសិល្បៈអបអរសាទរពិធីបើកការប្រកួត "តំបន់គ្រោះថ្នាក់" ក្នុងក្របខ័ណ្ឌនៃការប្រកួត  Army Games 2022 នៅវៀតណាម

ថ្លែងសុន្ទរកថាបើកការប្រកួត លោកឧត្តមសេនីយ៍ទោ Nguyen Van Nghia បានស្វាគមន៍តំណាងគណៈកម្មការរៀបចំការប្រកួត Army Games 2022 នៃក្រសួងការពារជាតិរុស្ស៊ី ឯកអគ្គរដ្ឋទូត អនុព័ន្ធយោធានៃបណ្ដាប្រទេសនិងក្រុមប្រកួតមកពីបណ្ដាបរទេសចូលរួមការប្រកួតនៅវៀតណាម។ លោកឧត្តមសេនីយ៍ទោ Nguyen Van Nghia បានសង្កត់ធ្ងន់ថា៖ Army Games 2022 ជាឱកាសសម្រាប់យោធិននៃបណ្ដាប្រទេសលើកកម្ពស់សមត្ថភាព ដកបទពិសោធន៍បន្ថែមទៀតក្នុងការប្រើប្រាស់ឧបករណ៍ និងយុទ្ធោបករណ៍សម្រាប់បម្រើការងារជួយសង្គ្រោះ។ មិនត្រឹមតែប៉ុណ្ណោះ Army Games 2022 ក៏ជាឱកាសសម្រាប់ការផ្លាស់ប្តូរវប្បធម៌ សិល្បៈ ឧទ្ទេសនាមដល់មិត្តអន្តរជាតិអំពីវប្បធម៌ ទឹកដី មនុស្ស និងកងទ័ពប្រជាជន​វៀត​ណាម អាស្រ័យហេតុនេះ រួមចំណែកបង្កើនការយល់ដឹង និងរឹតបន្តឹងកិច្ចសហប្រតិបត្តិការមិត្តភាពរវាងកងទ័ពនៃប្រទេសទាំងពីរ រួមចំណែកដល់ជោគជ័យរួមនៃ Army Games 2022។

leftcenterrightdel
លោកឧត្តមសេនីយ៍ឯក Hoang Xuan Chien និងគណៈប្រតិភូជាច្រើនរូបបានទៅទស្សនាតាំងពិព័រណ៍របស់សហព័ន្ធរុស្ស៊ី

ថ្លែងមតិក្នុងពិធីបើក លោកឧត្តមនាវីត្រី Subbotin Andrei Nikolaevich បានបញ្ជាក់ថា ការដែលវៀតណាមធ្វើជាម្ចាស់ផ្ទះនៃការប្រកួត “តំបន់គ្រោះថ្នាក់” លើកទី២  នៅ Army Games គឺជាព្រឹត្តិការណ៍ដ៏សំខាន់មួយ រួមចំណែកយ៉ាងធំធេងក្នុងការពង្រឹងកិច្ចសហប្រតិបត្តិការអន្តរជាតិ ព្រមទាំងបង្ហាញពីទំនុកចិត្តរបស់ប្រទេសដែលចូលរួមការប្រកួតនៅវៀតណាមទៀត​ផង។

ការប្រកួត "តំបន់គ្រោះថ្នាក់" ក្នុងក្របខ័ណ្ឌនៃការប្រកួត Army Games 2022 ដែលក្រសួងការពារប្រទេសវៀតណាមធ្វើជាម្ចាស់ផ្ទះមានការចូលរួមពីយោធិនជាង ១០០ នាក់ មកពីបណ្ដាប្រទេសដូចជា៖ បេឡារុស្ស មីយ៉ាន់ម៉ា កុងហ្គោ ម៉ាលី រុស្ស៊ី និងវៀតណាម។ ឥណ្ឌាបានចាត់បញ្ជូនគណៈប្រតិភូទៅចូលរួមជាអ្នកសង្កេតការណ៍។ ក្រុមប្រកួតពីថ្ងៃទី ១៥ ដល់១៨ សីហា នៅមជ្ឈមណ្ឌលហ្វឹកហ្វឺនយោធាជាតិលេខ ៤៕

បកប្រែដោយ Pham Diep