វៀតណាមជាស្ពានដ៏សំខាន់មួយដែលតភ្ជាប់ទំនាក់ទំនងរវាងអាមេរិក និងអាស៊ាន
កប.អនឡាញ - នៅក្នុងបទសម្ភាសន៍ជាមួយសារព័ត៌មានក្នុងឱកាសខួបលើកទី ២៥ នៃការធ្វើប្រក្រតីកម្មយទំនាក់ទំនងឡើងវិញរវាងវៀតណាម និងសហរដ្ឋអាមេរិកនោះ លោក Brian Eyler នាយកកម្មវិធីអាស៊ីអាគ្នេយ៍ នៃមជ្ឈមណ្ឌលស្រាវជ្រាវ Stimson (អាមេរិក) បានអះអាងថា ប្រទេសទាំងពីរបានបង្វែរទំនាក់ទំនងរបស់ខ្លួនពីជម្លោះទៅជាកិច្ចសហប្រតិបត្តិការក្នុងការពុះពារផលវិបាកនៃសង្គ្រាម ដែលអ្វីទាំងអស់នេះជាសមិទ្ធិផលគួរឱ្យកត់សម្គាល់នៅក្នុងទំនាក់ទំនងទ្វេភាគី។
|
|
រូបថតឧទាហរណ៍ (asean.usmission.gov) |
ជាពិសេស វៀតណាមកំពុងដើរតួនាទីជាស្ពានដ៏សំខាន់ដែលតភ្ជាប់ទំនាក់ទំនងរវាងអាមេរិក និងសមាគមប្រជាជាតិអាស៊ីអាគ្នេយ៍ (អាស៊ាន) ដោយបើកឡើងនូវទម្រង់នៃការចូលរួមក្នុងការអភិវឌ្ឍសេដ្ឋកិច្ច និងបរិយាកាសក្នុងតំបន់។
ដើម្បីឱ្យទំនាក់ទំនងរវាងប្រទេសទាំងពីរបន្តអភិវឌ្ឍនាពេលខាងមុខ លោក Brian Eyler បានមានប្រសាសន៍ថា ក្រៅពីកិច្ចសហប្រតិបត្តិការក្នុងការពុះពារផលវិបាកនៃសង្គ្រាមមក ប្រទេសទាំងពីរគប្បីជំរុញការសម្របសម្រួលបន្ថែមទៀត លើបញ្ហាអប់រំ សុខាភិបាល និងបរិស្ថាន។
លោក Brian Eyler បានសម្តែងនូវក្តីជឿជាក់ថា អនាគតនៃទំនាក់ទំនងវៀតណាម - អាមេរិក គឺភ្លឺស្វាងណាស់ ហើយប្រការនេះទាមទារកិច្ចសហប្រតិបត្តិការរវាងភាគីទាំងពីរ។ លោកបានបញ្ជាក់ថា ទំនាក់ទំនងវៀតណាម - អាមេរិក ត្រូវបានលើកកម្ពស់ និងតែងតែទទួលបានការស្រុះចិត្តគំនិតពីគណបក្សប្រជាធិបតេយ្យ និងគណបក្សសាធារណរដ្ឋនៃសហរដ្ឋអាមេរិកជាប្រចាំផងដែរ៕
បកប្រែដោយ Huyen Trang