មានប្រសាសន៍នៅក្នុងសន្និសីទ លោក To Lam អគ្គលេខាបក្ស បានថ្លែងថា មហាសន្និបាតលើកទី១៤ របស់បក្សកុម្មុយនិស្តវៀតណាម ដែលបានប្រារព្ធឡើងចាប់ពីថ្ងៃទី១៩ ដល់ថ្ងៃទី២៣ ខែមករា នៅទីក្រុងហាណូយ បានបញ្ចប់ជាមួយនឹងជោគជ័យយ៉ាងត្រចះត្រចង់ ដែលបានក្លាយជាព្រឹត្តិការណ៍សំខាន់មួយនៅក្នុងប្រវត្តិសាស្ត្រ ៩៦ ឆ្នាំរបស់បក្សកុម្មុយនិស្តវៀតណាម ក៏ដូចជាប្រជាជាតិវៀតណាម។ មហាសន្និបាតបានជ្រើសរើសគណៈកម្មាធិការមជ្ឈិមបក្សដែលមានសមាជិកចំនួន ២០០ នាក់ រួមទាំងសមាជិកពេញសិទ្ធិចំនួន ១៨០ នាក់ និងសមាជិកបម្រុងចំនួន ២០ នាក់។

leftcenterrightdel
លោក To Lam អគ្គលេខាបក្សកុម្មុយនិស្តវៀតណាម និងលោក Thongloun Sisoulith អគ្គលេខាបក្ស ប្រធានរដ្ឋឡាវ ធ្វើជាអធិបតីក្នុងសន្និសីទ ដើម្បីជូនដំណឹងអំពីលទ្ធផលនៃមហាសន្និបាតលើកទី១៤ របស់បក្សកុម្មុយនិស្តវៀតណាម (រូបថត៖ vnanet.vn)

នៅក្នុងកិច្ចប្រជុំគណៈកម្មាធិការមជ្ឈិមលើកដំបូង គណៈកម្មាធិការមជ្ឈិមបក្សកុម្មុយនិស្តវៀតណាមបានបោះឆ្នោតជ្រើសតាំងការិយាល័យនយោបាយ លេខាធិការដ្ឋាន និងអគ្គលេខាបក្ស ព្រមទាំងជ្រើសរើស និងសុក្រិតស្ថាប័នថ្នាក់ដឹកនាំបក្សសំខាន់ៗ។ មហាសន្និបាតក៏បានអនុម័តជាឯកច្ឆ័ន្ទនូវការសម្រេចចិត្តសំខាន់ៗ ជាប្រវត្តិសាស្ត្រ ដែលមានគោលបំណងសម្រេចបាននូវគោលដៅយុទ្ធសាស្ត្ររយៈពេល ១០០ ឆ្នាំចំនួនពីរដែលមហាសន្និបាតលើកទី ១៣ របស់បក្សកុម្មុយនិស្តវៀតណាមបានដាក់ចេញ។

រីឯលោក Thongloun Sisoulith អគ្គលេខាបក្ស ប្រធានរដ្ឋឡាវ បានសម្តែងទំនុកចិត្តថា ក្រោមការដឹកនាំដ៏ឈ្លាសវៃរបស់បក្សកុម្មុយនិស្តវៀតណាមដ៏រុងរឿង ដឹកនាំដោយលោក To Lam អគ្គលេខាបក្ស វៀតណាមនឹងបន្តសម្រេចបាននូវជោគជ័យថ្មីៗដ៏ធំធេងបន្ថែមទៀតក្នុងបុព្វហេតុផ្លាស់ថ្មី សម្រេចបានជោគជ័យនូវសេចក្តីសម្រេចនៃមហាសន្និបាតលើកទី ១៤ របស់បក្សកុម្មុយនិស្តវៀតណាម ដើម្បីសម្រេចបាននូវគោលដៅ ប្រជាជនដ៏សម្បូរធូធារ ប្រទេសជាតិដ៏រឹងមាំ ប្រជាធិបតេយ្យ យុត្តិធម៌ និងអរិយធម៌៕

បកប្រែដោយ Thanh Cong