មិត្តភក្តិអន្តរជាតិនិងអាណិកជនវៀតណាមបង្ហាញពីមនោសញ្ចេតនានិងការយកចិត្តទុកដាក់ចំពោះមហាសន្និបាតលើកទី ១៤ របស់បក្ស

លោកស្រី Bui Thi Quynh Van សមាជិកលេខាធិការដ្ឋានមហាសន្និបាត  កំពុងអានសេចក្តីប្រកាសទាក់ទងនឹងលិខិតអបអរសាទរ និងទូរលេខពីគណបក្សនយោបាយ អង្គការ និងមិត្តភក្តិអន្តរជាតិដែលបានផ្ញើជូនអង្គសន្និបាត (រូបថត៖ VOV.VN)

ក្នុងការប្រកាសអំពីលិខិត និងទូរលេខអបអរសាទរដែលបានផ្ញើទៅកាន់មហាសន្និបាត នៅក្នុងសម័យបើកនៃមហាសន្និបាតបក្ស លើកទី១៤ ដែលប្រារព្ធឡើងនៅព្រឹកថ្ងៃទី២០ ខែមករា នៅទីក្រុងហាណូយ លោកស្រី Bui Thi Quynh Van សមាជិកលេខាធិការដ្ឋានមហាសន្និបាត បានសង្កត់ធ្ងន់ថា៖ “នេះគឺជាការលើកទឹកចិត្តដ៏ធំធេងសម្រាប់ដំណើរការផ្លាស់ប្តូរថ្មី របស់ប្រជា ជនវៀតណាមដែលបានផ្តួចផ្តើម និងដឹកនាំដោយបក្សកុម្មុយនិស្តវៀតណាម ហើយក៏បង្ហាញពីភាពរស់រវើកនៃទំនាក់ទំនងសហប្រតិបត្តិការ និងមិត្តភាពកាន់តែស៊ីជម្រៅរវាងបក្សកុម្មុយនិស្តវៀតណាម និងគណបក្សនយោបាយអន្តរជាតិ អង្គការ និងមិត្តភក្តិ ក៏ដូចជាមនោសញ្ជេតនាស្អិតរមួតរបស់អាណិកជនវៀតណាមចំពោះមាតុភូមិ។  យើងសូមសម្តែងនូវការកោតសរសើរ  និងការដឹងគុណយ៉ាងស្មោះស្ម័គ្រចំពោះការគាំទ្រ និងមនោសញ្ជេតនាដ៏មានតម្លៃដែលបណ្តាគណបក្ស អង្គការ អាណិកជនវៀតណាម និងមិត្តភក្តិអន្តរជាតិបានផ្តល់សម្រាប់មហាសន្និបាតលើកទី ១៤ ដល់បក្ស រដ្ឋ និងប្រជាជនវៀតណាម”៕

តាម vovworld.vn