ការដែលវៀតណាមត្រូវបានបោះឆ្នោតជ្រើសរើសឲ្យកាន់តំណែងនេះនៅក្នុងសម័យប្រជុំលើកទី៤២ និងទី៤៣ បង្ហាញពីតួនាទី កិត្យានុភាព និងសមត្ថភាពរបស់វៀតណាមក្នុងការចូលរួមចំណែកដល់យន្តការពហុភាគីសកល ព្រមទាំងបញ្ជាក់ពីការគាំទ្រ និងការជឿទុកចិត្តពីសហគមន៍អន្តរជាតិចំពោះតួនាទី ការទទួលខុសត្រូវ និងសមត្ថភាពគ្រប់គ្រងរបស់វៀតណាមក្នុងក្របខ័ណ្ឌនៃអង្គការយូណេស្កូ។

leftcenterrightdel
គណៈប្រតិភូវៀតណាមនៅក្នុងសម័យប្រជុំលើកទី៤៣ នៃមហាសន្និបាតយូណេស្កូ (រូបថត៖ vnanet.vn)

គណៈប្រតិភូវៀតណាមដឹកនាំដោយលោក Ngo Le Van អនុរដ្ឋមន្ត្រីក្រសួងការបរទេស បានចូលរួមយ៉ាងសកម្មនៅក្នុងកិច្ចប្រជុំ ដែលប្រព្រឹត្តទៅចាប់ពីថ្ងៃទី៣០ ខែតុលា ដល់ថ្ងៃទី១៣ ខែវិច្ឆិកា។ មានប្រសាសន៍នៅក្នុងសម័យប្រជុំពេញអង្គកម្រិតខ្ពស់នៃមហាសន្និបាតនៅថ្ងៃទី៤ ខែវិច្ឆិកា លោក Ngo Le Van បានវាយតម្លៃខ្ពស់ចំពោះតួនាទី និងការរួមចំណែករបស់អង្គការយូណេស្កូក្នុងរយៈពេល ៨០ ឆ្នាំកន្លងមកនេះ ហើយសង្កត់ធ្ងន់ថា អង្គការយូណេស្កូបានបញ្ជាក់ពីតួនាទីជា "ផ្ទះនៃប្រាជ្ញា" របស់ខ្លួន។ លោក Ngo Le Van ក៏បានវាយតម្លៃចំពោះកិច្ចខិតខំប្រឹងប្រែង និងសមិទ្ធផលដែលអង្គការយូណេស្កូសម្រេចបានក្នុងការជម្រុញកិច្ចសហប្រតិបត្តិការអន្តរជាតិក្នុងវិស័យអប់រំ វប្បធម៌ វិទ្យាសាស្ត្រ និងផ្ដល់ព័ត៌មាន៕

បកប្រែដោយ Thuy Anh